რკინის ფარული დეფიციტი - ჰემოგლობინი ნორმაშია, შეიმოწმეთ ფერიტინი!
თარიღი: 17 ივლისი, 2023
მსოფლიოში 2 მილიარდამდე ადამიანი არის დაავადებული სხვადასხვა სახის ანემიით. აქედან 80-90%-ს შეადგენს რკინადეფიციტური ანემია(რდა).
კავკასიის მედიცინის ცენტრის ჰემატოლოგიის განყოფილების ხელმძღვანელის, პროფესორ ლევან მახალდიანის განმარტებით, ადამიანი ცხოველმყოფელობისთვის საჭირო რკინას იღებს საკვებიდან, ხოლო რკინის დეფიციტი ვითარდება იმ შემთხვევაში, როდესაც ირღვევა ბალანსი მიღებულსა და დაკარგულ რკინას შორის. ლევან მახალდიანი ამ პრობლემაზე დეტალურად გვესაუბრება.
არსებობს მდგომარეობები, როდესაც მოთხოვნილება რკინაზე მნიშვნელოვნად იზრდება. მაგალითად, ქალებში ეს მდგომარეობებია:
• რეპროდუქციული ასაკი, როდესაც აღინიშნება ჭარბი, გახანგრძლივებული მენსტრუაცია და სხვადასხვა მიზეზით გამოწვეული სისხლდენები საშვილოსნოდან;
• ორსულობა-ლაქტაციის პერიოდი;
რდა არა მარტო ქალებშია ხშირი, ზოგად პოპულაციაში მისი გამომწვევი მიზეზებია:
• სხვადასხვა სახის სისხლდენები, მაგალითად, კუჭ-ნაწლავიდან, ბუასილის კვანძებიდან და სხვა;
• რკინის შეწოვის დარღვევა - ჰიპო და ანაციდური გასტრიტი, ენტერიტები;
• გაზრდილი გონებრივი და ფიზიკური დატვირთვა;
• ბავშვებში აქტიური ზრდის პერიოდი;
• არასაკმარის და არასრულფასოვან კვება, მათ შორის - ვეგეტარიანელობა, რადგან რკინის ძირითადი წყარო ადამიანისთვის წითელი ხორცია.
ეს მდგომარეობები განაპირობებენ რკინის მარაგის ნელ-ნელა შემცირებას ორგანიზმში. თავდაპირველად ვითარდება რკინის ლატენტური დეფიციტი, როდესაც ჰემოგლობინი ჯერ კიდევ ნორმაშია, თუმცა დეპო-ორგანოებში რკინის მარაგი ძალიან შემცირებულია. რკინის ლატენტური დეფიციტის ეტაპზე უკვე ვლინდება ის სიმპტომები, რომლებიც რდა-ს ახასიათებს:
• იმუნიტეტის დაქვეითება - ადამიანი ადვილად და ხშირად ავადდება სხვადასხვა ვირუსული და ბაქტერიული ინფექციებით. რკინის მაჩვენებლების გასწორების შემდეგ იმუნიტეტიც აღდგება;
• კანის სიმშრალე, სიფერმკრთალე, სისუსტე, კუნთების ტკივილი, ადვილად დაღლა, თავბრუსხვევა, თავის ტკივილი, ემოციური ლაბილობა-ადვილად გაღიზიანებადობა; შეკრულობა, ან პირიქით-დიარეა; ყლაპვის გაძნელება, ტაქიკარდია, ქოშინი, მიკროცირულაციის მოშლა-გაყინული კიდურები;
• ფრჩხილების მტვრევა და თმის ცვენა ის მიზეზია, რომელიც ყველაზე შესამჩნევი და შემაწუხებელია ადამიანებისთვის და უფრო მეტად იქცევს ყურადღებას;
• ასევე, რდა იწვევს ფარისებრი ჯირკვლის დისფუნქციას და ორსულობა-მშობიარობის გართულებებს.
ეს სიმპტომები უფრო ხშირად შეუმჩნევლად ვითარდება და ადამიანი ისე ეჩვევა ცხოვრების ხარისხის ნელ-ნელა გაუარესებას, რომ ხშირად ვერც აცნობიერებს ამას.
ამიტომ, რკინის დეფიციტზე ეჭვის გაჩენისას უნდა გვახსოვდეს, რომ მხოლოდ პერიფერიული სისხლის მაჩვენებლების გადამოწმება (სისხლის საერთო ანალიზი) ზოგ შემთხვევაში არ არის საკმარისი, საჭიროა დამატებით შემდეგი ლაბორატორიული კვლევების ჩატარება: ფერიტინი, რკინა , საერთო რკინის შეკავშირების უნარი, ტრანსფერინი, ტრანსფერინის სატურაცია, რომ არ გამოგვეპაროს რკინადეფიციტური მდგომარეობა.
დამაიმედებელია ის, რომ რკინადეფიციტური ანემია სრულად იკურნება. მთავარია მისი დროული აღმოჩენა, მთავარი მიზეზის აღმოფხვრა (მაგ: ჭარბის სისხლდენა მენსტრუაციის დროს) და ადეკვატური მკურნალობის კურსის ჩატარება.
რკინადეფიციტური ანემიის და რკინის ფარული დეფიციტის მკურნალობისა და პრევენციისთვის ერთ-ერთი საუკეთესოა უნგრული მედიკამენტი სორბიფერ დურულესი.
სორბიფერ დურულესს გამოარჩევს მისი განსაკუთრებული მახასიათებლები:
• სორბიფერ დურულესით მკურნალობის ფონზე შედეგს ვიღებთ ძალიან სწრაფად, რადგან მისი თითოეული ტაბლეტი შეიცავს რკინადეფიციტური ანემიის სამკურნალოდ აუცილებელი რაოდენობით რკინას და უკეთესი შეწოვისათვის დამატებული აქვს ასკორბინის მჟავა;
• აქედან გამომდინარე, სორბიფერ დურულესის თითო ტაბლეტის მიღება დღეში ორჯერ უზრუნველყოფს რკინის დეფიციტისაგან სწრაფ გამოჯანმრთელებას;
• სორბიფერ დურულესი დამზადებულია უნიკალური ტექნოლოგიის გამოყენებით - რკინა ტაბლეტიდან გამოთავისუფლდება თანდათანობით, 6 საათის მანძილზე, ეს კი თავიდან გვაცილებს რკინის ერთბაშად და დიდი რაოდენობით მოხვედრას კუჭის ლორწოვან გარსზე, ამცირებს გვერდითი მოვლენების განვითარების შესაძლებლობას და განაპირობებს პრეპარატის კარგ ამტანობას.
შესაბამისად, სორბიფერით მკურნალობა არის მაღალეფექტური და უსაფრთხო.
სორბიფერ დურულესით მკურნალობა უზრუნველყოფს ფასის და ხარისხის საუკეთესო კომბინაციას პაციენტის სასარგებლოდ!
• რკინის ფარული დეფიციტის დროს მიიღეთ სორბიფერ დურულესი 1 ტაბ 1-ჯერ დღეში;
• რკინადეფიციტური ანემიის დროს-1 ტაბ 2-ჯერ დღეში.
მკურნალობა უნდა გაგრძელდეს რკინის დეპოს სრულ შევსებამდე (შრატის რკინისა და ფერიტინის მაჩვენებლების აღდგენამდე).