Nuk

იხილეთ აფთიაქების ჩამონათვალი

პანტაპი / Pantap

1. რა არის პანტაპი 40 მგ და რისთვის გამოიყენება იგი

პანტაპი 40 მგ შეიცავს აქტიურ ნივთიერებას - პანტოპრაზოლს. პანტაპი 40 მგ არის შერჩევითი „პროტონული ტუმბოს ინჰიბიტორი“, პრეპარატი, რომელიც ამცირებს თქვენს კუჭში წარმოქმნილი მჟავას რაოდენობას. ის გამოიყენება კუჭისა და ნაწლავების მჟავასთან დაკავშირებული დაავადებების სამკურნალოდ.

ეს პრეპარატი შეჰყავთ ვენაში და ინიშნება მხოლოდ იმ შემთხვევაში, თუ თქვენი ექიმი ჩათვლის, რომ პანტოპრაზოლის ინექციები უფრო შესაფერისია თქვენთვის მოცემული მომენტისთვის, ვიდრე პანტოპრაზოლის ტაბლეტები. ტაბლეტები ჩაანაცვლებს თქვენს ინექციებს, როგორც კი ექიმი ჩათვლის მიზანშეწონილად.

 

პანტაპი 40 მგ გამოიყენება შემდეგი დარღვევების სამკურნალოდ:

რეფლუქს ეზოფაგიტი. საყლაპავის (მილი, რომელიც თქვენს ყელს კუჭთან აკავშირებს) ანთება, რასაც თან ახლავს კუჭის მჟავას რეგურგიტაცია;

კუჭისა და თორმეტგოჯა ნაწლავის წყლულები;

ზოლინგერ-ელისონის სინდრომი და სხვა მდგომარეობები, რომელთა დროსაც კუჭში დიდი რაოდენობით მჟავა წარმოიქმნება.

 

2. რა უნდა იცოდეთ პანტაპი 40 მგ-ის მიღების წინ

არ გამოიყენოთ პანტაპი 40 მგ

თუ ხართ ალერგიული პანტოპრაზოლის ან ამ პრეპარატში შემავალი ნებისმიერი სხვა კომპონენტის მიმართ (ჩამონათვალი იხილეთ მე-6 პუნქტში).

თუ ხართ ალერგიული პროტონული ტუმბოს ინჰიბიტორების შემცველი პრეპარატების მიმართ.

 

გაფრთხილებები და სიფრთხილის ზომები

პანტაპი 40 მგ-ის გამოყენებამდე კონსულტაციისთვის მიმართეთ თქვენს ექიმს, ფარმაცევტს ან ექთანს.

თუ გაქვთ ღვიძლის მძიმე დარღვევები. გთხოვთ, აცნობოთ თქვენს ექიმს, თუ წარსულში გქონდათ ღვიძლთან დაკავშირებული დარღვევები. ექიმი უფრო ხშირად შეამოწმებს ღვიძლის ფერმენტებს. ღვიძლის ფერმენტების მომატების შემთხვევაში, მკურნალობა უნდა შეწყდეს.

თუ ღებულობთ აივ პროტეაზას ინჰიბიტორებს, როგორიცაა ატაზანავირი (აივ-ინფექციის სამკურნალოდ) პანტოპრაზოლთან ერთად, კონსულტაციისთვის მიმართეთ თქვენს ექიმს.

პროტონული ტუმბოს ინჰიბიტორის, მაგალითად პანტოპრაზოლის მიღებამ, განსაკუთრებით 1 წელზე მეტი ხნის განმავლობაში, შეიძლება ოდნავ გაზარდოს მენჯის, მაჯისა თუ ხერხემლის მოტეხილობის რისკი.

აცნობეთ თქვენს ექიმს, თუ გაქვთ ოსტეოპოროზი ან თუ ღებულობთ კორტიკოსტეროიდებს (რამაც შეიძლება გაზარდოს ოსტეოპოროზის განვითარების რისკი).

იმ შემთხვევაში, თუ პანტაპი ი.ვ.-ს სამ თვეზე მეტ ხანს ღებულობთ, შესაძლებელია მაგნიუმის დონეები სისხლში მკვეთრად შემცირდეს. მაგნიუმის დაბალი დონეები შეიძლება გამოვლინდეს როგორც შემდეგი სიმპტომებით: დაღლილობა, კუნთების უნებლიე შეკუმშვა, დეზორიენტაცია, კრუნჩხვები, თავბრუსხვევა, გულის რითმის აჩქარება. ნებისმიერი აღნიშნული სიმპტომის განვითარების შემთხვევაში, სასწრაფოდ დაუკავშირდით თქვენს ექიმს. მაგნიუმის დაბალმა დონეებმა შეიძლება ასევე გამოიწვიოს კალიუმის ან კალციუმის დონეების შემცირება სისხლში. მკურნალმა ექიმმა შეიძლება გადაწყვიტოს სისხლის რეგულარული ანალიზების ჩატარება სისხლში მაგნიუმის დონის მონიტორინგის მიზნით.

თუ ოდესმე გქონიათ კანის რეაქცია პანტაპი ი.ვ.-ს მსგავსი პრეპარატებით მკურნალობის შემდეგ, რომლებიც ამცირებს კუჭის მჟავიანობას.

თუ გაქვთ გამონაყარი კანზე, განსაკუთრებით მზის ზემოქმედების ადგილებში, აცნობეთ თქვენს ექიმს შეძლებისდაგვარად სწრაფად, რადგან შეიძლება დაგჭირდეთ პანტაპი 40 მგ-ით მკურნალობის შეწყვეტა. დაიმახსოვრეთ, რომ ასევე აცნობოთ ნებისმიერი სხვა მავნე ზემოქმედება, როგორიცაა ტკივილი სახსრებში.

თუ უნდა ჩაგიტარდეთ სისხლის სპეციფიკური ანალიზი (ქრომოგრანინი A).

დაუყოვნებლივ შეატყობინეთ თქვენს ექიმს, პრეპარატის მიღებამდე ან მიღების შემდეგ, თუ შეამჩნევთ, რომელიმე ქვემოთ აღწერილ სიმპტომს, რაც შეიძლება სხვა, უფრო მძიმე დაავადების ნიშანი იყოს:

წონის უნებლიე კლება;

პირღებინება, განსაკუთრებით მრავალჯერადი;

სისხლიანი პირღებინება, ეს შეიძლება გამოვლინდეს მუქი ფერის ყავის ნალექის სახით ნაღებინებ მასაში;

თუ შენიშნავთ სისხლს განავალში, რომელიც შეიძლება იყოს შავი ფერის ან კუპრისებრი;

ყლაპვის გაძნელება ან ტკივილი ყლაპვისას;

სიფერმკრთალე ან სისუსტე (ანემია);

ტკივილი გულმკერდის არეში;

მუცლის ტკივილი;

მძიმე და/ან პერსისტული ფაღარათი, ვინაიდან ეს პრეპარატი შეიძლება დაკავშირებული იყოს ინფექციური ფაღარათის მცირე მატებასთან.

მკურნალმა ექიმმა შეიძლება გადაწყვიტოს, რომ ავთვისებიანი დაავადების გამოსარიცხად საჭიროა გარკვეული ანალიზების ჩატარება, ვინაიდან პანტოპრაზოლი ასევე ასუსტებს კიბოს სიმპტომებს და შეიძლება შეაფერხოს მისი დიაგნოსტირება. მკურნალობის მიუხედავად სიმპტომების შენარჩუნებისას, მიზანშეწონილია შემდგომი გამოკვლევების ჩატარება.

 

ბავშვები და მოზარდები

პანტოპრაზოლის გამოყენება არ არის რეკომენდებული ბავშვებში, ვინაიდან მისი ეფექტიანობა 18 წლამდე ასაკის ბავშვებში დადგენილი არ არის.

 

სხვა სამკურნალო საშუალებები და პანტაპი 40 მგ

აცნობეთ თქვენ ექიმს ან ფარმაცევტს, თუ ღებულობთ, ახლო წარსულში მიიღეთ ან შეიძლება მიიღოთ ნებისმიერი სხვა პრეპარატი, ურეცეპტოდ გაცემული პრეპარატების ჩათვლით.

პანტაპი 40 მგ-მ შეიძლება ზეგავლენა იქონიოს სხვა საშუალებების ეფექტიანობაზე, შესაბამისად აცნობეთ თქვენს ექიმს, თუ ღებულობთ შემდეგ პრეპარატებს:

პრეპარატები, როგორიცაა კეტოკონაზოლი, იტრაკონაზოლი და პოსაკონაზოლი (გამოიყენება სოკოვანი ინფექციების სამკურნალოდ) ან ერლოტინიბი (გამოიყენება ზოგიერთი ტიპის კიბოს სამკურნალოდ), რადგან პანტოპრაზოლმა შეიძლება შეაჩეროს ამ და სხვა პრეპარატების მოქმედება.  

ვარფარინი და ფენპროკუმონი, რომლებიც ზეგავლენას ახდენს სისხლის გასქელებასა თუ გათხელებაზე. შეიძლება დაგჭირდეთ კვლევები.

აივ-ინფექციის სამკურნალო საშუალებები, როგორიცაა ატაზანავირი.

მეთოტრექსატი (გამოიყენება რევმატოიდული ართრიტის, ფსორიაზისა და კიბოს სამკურნალოდ) - იმ შემთხვევაში, თუ ღებულობთ მეთოტრექსატს, ექიმმა შეიძლება დროებით შეწყვიტოს პანტაპი ი.ვ.-ით მკურნალობა, ვინაიდან პანტოპრაზოლმა შეიძლება გაზარდოს სისხლში მეთოტრექსატის დონე.

ფლუვოქსამინი (გამოიყენება დეპრესიის და სხვა ფსიქიატრიული დაავადებების სამკურნალოდ) - თუ ღებულობთ ფლუვოქსამინს, ექიმმა შეიძლება შეამციროს დოზა.

რიფამპიცინი (გამოიყენება ინფექციების სამკურნალოდ).

კრაზანა (Hypericum perforatum) (გამოიყენება მსუბუქი დეპრესიის სამკურნალოდ).

 

ორსულობა და ძუძუთი კვება

ორსულებში პანტოპრაზოლის გამოყენების შესახებ ადექვატური ინფორმაცია არ არსებობს. დაფიქსირდა დედის რძეში ექსკრეცია.

თუ ხართ ორსულად ან მეძუძური დედა, გაქვთ ეჭვი ორსულობაზე ან გეგმავთ დაორსულებას, პრეპარატის მიღებამდე მიმართეთ თქვენს ექიმს ან ფარმაცევტს კონსულტაციისათვის.

პრეპარატის გამოყენება შეიძლება მხოლოდ იმ შემთხვევაში, თუ ექიმი ჩათვლის, რომ თქვენი სარგებელი აღემატება ჯერ კიდევ მუცლად მყოფი ბავშვის ან ახალშობილის მიმართ პოტენციურ რისკს.

 

ავტომობილის მართვა და მანქანა-დანადგარებთან მუშაობა

პანტაპი 40 მგ-ს არ გააჩნია ან უმნიშვნელო ზეგავლენა გააჩნია ავტომობილის მართვისა და მანქანა-დანადგარებთან მუშაობის უნარზე.

ისეთი გვერდითი მოვლენების განვითარებისას, როგორიცაა თავბრუსხვევა ან მხედველობის დაბინდვა, ავტომობილის მართვა ან მანქანა-დანადგარებთან მუშაობა არ შეიძლება.

 

მნიშვნელოვანი ინფორმაცია პანტაპი 40 მგ-ის ზოგიერთი ინგრედიენტის შესახებ

ეს პრეპარატი შეიცავს 1 მმოლ-ზე ნაკლებ (23 მგ) ნატრიუმს ერთ ფლაკონში, ანუ ფაქტიურად „არ შეიძლება ნატრიუმს“.

 

3. პანტაპი 40 მგ-ის მიღების წესი

თქვენი ექთანი ან ექიმი შეიყვანს დღიურ დოზას ვენაში ინექციის სახით 2-15 წუთის განმავლობაში.

რეკომენდებული დოზა არის:

მოზრდილები

კუჭისა და თორმეტგოჯა ნაწლავის წყლულების და რეფლუქს ეზოფაგიტის შემთხვევაში.

ერთი ფლაკონი (40 მგ პანტოპრაზოლი) დღეში.

ზოლინგერ-ელისონის სინდრომისა და სხვა ისეთი მდგომარეობების, როდესაც ძალიან ბევრი კუჭის მჟავა წარმოიქმნება, ხანგრძლივი მკურნალობის შემთხვევაში.

ორი ფლაკონი (80 მგ პანტოპრაზოლი) დღეში.

ექიმმა შესაძლოა მოგვიანებით დაარეგულიროს დოზა, რაც დამოკიდებულია თქვენ მიერ გამომუშავებული კუჭის მჟავის ოდენობაზე. თუ დაგინიშნეს ორ ფლაკონზე მეტი (80 მგ) დღეში, ინექციები გაკეთდება ორი თანაბარი დოზით. თქვენმა ექიმმა შეიძლება დაგინიშნოთ დროებითი დოზა ოთხზე მეტი ფლაკონით (160 მგ) დღეში. თუ საჭიროა თქვენი კუჭის მჟავის დონის სწრაფი კონტროლი, საწყისი დოზა 160 მგ (ოთხი ფლაკონი) საკმარისი უნდა იყოს კუჭის მჟავას საკმარისად შესამცირებლად.

 

პაციენტები ღვიძლის დარღვევებით

თუ გაწუხებთ ღვიძლის მძიმე დარღვევა, დღიური ინექცია უნდა იყოს მხოლოდ 20 მგ (ნახევარი ფლაკონი).

 

გამოყენება ბავშვებსა და მოზარდებში

აღნიშნული ინექციები არ არის რეკომენდებული ბავშვებსა და 18 წლამდე ასაკის მოზარდებში.

 

პანტაპი 40 მგ-ის საჭიროზე მეტი დოზით მიღება

ამ დოზებს საგულდაგულოდ ამოწმებს თქვენი ექთანი ან ექიმი, ამიტომ დოზის გადაჭარბება ნაკლებად სავარაუდოა. დოზის გადაჭარბების ცნობილი სიმპტომები არ არსებობს.

თუ თქვენ გაქვთ რაიმე დამატებითი შეკითხვა ამ პრეპარატის გამოყენებასთან დაკავშირებით, მიმართეთ თქვენს ექიმს, ფარმაცევტს ან ექთანს.

 

4. შესაძლო გვერდითი მოვლენები

ყველა პრეპარატის მსგავსად, აღნიშნულმა პრეპარატმაც შეიძლება გამოიწვიოს გვერდითი მოვლენები, თუმცა ისინი არ ვლინდება ყველა პაციენტში.

შემდეგი გვერდითი მოვლენების განვითარების შემთხვევაში, სასწრაფოდ დაუკავშირდით თქვენს ექიმს, ან შესაბამის განყოფილებას უახლოეს საავადმყოფოში:

·          მძიმე ალერგიული რეაქციები (იშვიათი სიხშირე: შესაძლოა აღინიშნოს 1,000-დან არაუმეტეს 1 პაციენტში): ენის და/ან ყელის შეშუპება, ყლაპვის გაძნელება, ჭინჭრის ციება (ჭინჭრის გამონაყარი), სუნთქვის გაძნელება, სახის ალერგიული შეშუპება (კვინკეს შეშუპება / ანგიონევროზული შეშუპება), მძიმე თავბრუსხვევა ძალიან აჩქარებული გულისცემითა და ძლიერი ოფლიანობით;
·          კანის მძიმე მდგომარეობა (უცნობი სიხშირე: სიხშირის შეფასება არსებული მონაცემებით შეუძლებელია): კანზე ბუშტუკების წარმოქმნა და ზოგადი მდგომარეობის სწრაფი გაუარესება, თვალების, ცხვირის, პირის/ტუჩებისა ან გენიტალიების ეროზია (მსუბუქი სისხლდენის ჩათვლით) (სტივენს-ჯონსონის სინდრომი, ლაიელის სინდრომი, მრავალფორმული ერითემა) და ფოტომგრძნობელობა სინათლის მიმართ;
·          სხვა მძიმე მოვლენები (უცნობი სიხშირე: სიხშირის შეფასება არსებული მონაცემებით შეუძლებელია): კანის ან თვალის თეთრი გარსის გაყვითლება (ღვიძლის უჯრედების მძიმე დაზიანება, სიყვითლე) ან ცხელება, გამონაყარი და თირკმლის გადიდება ზოგჯერ მტკივნეული შარდვით და წელის ტკივილით (თირკმელების მძიმე ანთება), რამაც შესაძლოა გამოიწვიოს თირკმელის უკმარისობა.

 

სხვა გვერდითი მოვლენები არის:

ხშირი (შესაძლოა აღინიშნოს 10-დან არაუმეტეს 1 პაციენტში)

ვენების კედლის ანთება და სისხლის შედედება (თრომბოფლებიტი), სადაც პრეპარატის ინექცია ხდება; კეთილთვისებიანი პოლიპები კუჭში.  

არახშირი (შესაძლოა აღინიშნოს 100-დან არაუმეტეს 1 პაციენტში)

თავის ტკივილი; თავბრუსხვევა; ფაღარათი; გულისრევა, პირღებინება: მეტეორიზმი და მუცლის შებერილობა (შებერილობა); შეკრულობა; პირის სიმშრალე; მუცლის ტკივილი და დისკომფორტი; კანზე გამონაყარი, ეგზანთება, გამონაყარი; ქავილი; სისუსტის, დაღლილობის შეგრძნება ან ზოგადი მდგომარეობის გაუარესება; ძილის დარღვევები; მენჯის, მაჯის ან ხერხემლის მოტეხილობა.  

იშვიათი (შესაძლოა აღინიშნოს 1,000-დან არაუმეტეს 1 პაციენტში)

გემოს შეგრძნების დარღვევა ან სრული დაკარგვა; მხედველობის დარღვევა, როგორიცაა დაბინდული მხედველობა; ჭინჭრის ციება; ტკივილი სახსრებში; კუნთების ტკივილი; წონის ცვლილება; სხეულის ტემპერატურის მომატება; მაღალი ცხელება; კიდურების შეშუპება (პერიფერიული შეშუპება); ალერგიული რეაქციები; დეპრესია; სარძევე ჯირკვლების გაზრდა მამაკაცებში.

ძალიან იშვიათი (შესაძლოა აღინიშნოს 10,000-დან არაუმეტეს 1 პაციენტში)

დეზორიენტაცია

უცნობი (არსებული მონაცემების შეფასება შეუძლებელია)

ჰალუცინაციები, დაბნეულობა (განსაკუთრებით პაციენტებში ამ სიმპტომების ანამნეზით); სისხლში ნატრიუმის დონის დაქვეითება, სისხლში მაგნიუმის დონის დაქვეითება (იხილეთ პუნქტი 2), ჩხვლეტის შეგრძნება, ჩხვლეტა, დაბუჭება, წვის შეგრძნება ან მგრძნობელობის დაკარგვა, გამონაყარი, შესაძლოა სახსრების ტკივილით, მსხვილი ნაწლავის ანთება, რაც იწვევს მუდმივ წყლიან ფაღარათს.

სისხლის ანალიზებით გამოვლენილი გვერდითი მოვლენები:

არახშირი (შესაძლოა აღინიშნოს 100-დან არაუმეტეს 1 პაციენტში)

ღვიძლის ფერმენტების მომატება.

იშვიათი (შესაძლოა აღინიშნოს 1,000-დან არაუმეტეს 1 პაციენტში)

ბილირუბინის მომატება; სისხლში ცხიმის გაზრდილი დონეები; მოცირკულირე მარცვლოვანი სისხლის თეთრი უჯრედების მკვეთრი ვარდნა, რაც ასოცირდება მაღალ ცხელებასთან.

ძალიან იშვიათი (შესაძლოა აღინიშნოს 10,000-დან არაუმეტეს 1 პაციენტში)

სისხლში თრომბოციტების რაოდენობის შემცირება, რამაც შეიძლება გამოიწვიოს სისხლდენა ან სისხლჩაქცევა ნორმაზე მეტად; სისხლის თეთრი უჯრედების რაოდენობის შემცირება, რამაც შეიძლება გამოიწვიოს უფრო ხშირი ინფექციები; სისხლის წითელი და თეთრი უჯრედების, ასევე თრომბოციტების რაოდენობის თანაარსებული პათოლოგიური შემცირება.

 

5. პანტაპი 40 მგ-ის შენახვის პირობები

პრეპარატი ინახება ბავშვებისათვის მიუწვდომელ ადგილას.

პრეპარატის გამოყენება არ შეიძლება ვარგისობის ვადის ამოწურვის შემდეგ, რომელიც აღნიშნულია მუყაოს კოლოფსა და ფლაკონზე “EXP” ნიშნის შემდეგ. ვარგისობის თარიღი აღნიშნავს მითითებული თვის ბოლო დღეს. 

ინახება არა უმეტეს 250C ტემპერატურის პირობებში.

პრეპარატი ინახება ფლაკონში გარე მუყაოს კოლოფში სინათლისაგან დაცვის მიზნით.

აღდგენილი ხსნარის გამოიყენება  12 საათის განმავლობაში.

გამოიყენეთ აღდგენილი და განზავებული ხსნარი 12 საათის განმავლობაში.

ის სტაბილურია 12 საათის განმავლობაში 250C ტემპერატურაზე შემდეგ ხსნარებში აღდგენისა და განზავების შემდეგ.

- აღდგენა 10 მლ 0.9%-იან NaCl ხსნარში

- აღდგენა 10 მლ 0.9%-იან NaCl ხსნარში + განზავება 100 მლ 0.9%-იან NaCl ხსნარში

- აღდგენა 10 მლ 0.9%-იან NaCl ხსნარში + განზავება 100 მლ 5%-იან დექსტროზას ხსნარში

მიკრობიოლოგიური თვალსაზრისით, პრეპარატის გამოყენება უნდა მოხდეს მომზადებისთანავე. თუ მისი გამოყენება დაუყოვნებლივ არ მოხდება, შენახვის დრო და პირობები არის მომხმარებლის პასუხისმგებლობა და ჩვეულებრივ არ უნდა აღემატებოდეს 12 საათს არაუმეტეს 250C ტემპერატურაზე.

პანტაპი 40 მგ-ის გამოყენება არ შეიძლება ვიზუალური ცვლილების შემთხვევაში (მაგალითად, ხსნარი თუ შემღვრეულია ან აღინიშნება ნალექი).

პრეპარატის გადაგდება არ შეიძლება კანალიზაციაში ან საყოფაცხოვრებო ნაგავში. კონსულტაციისთვის მიმართეთ ფარმაცევტს იმ პრეპარატების გაუვნებელყოფასთან დაკავშირებით, რომლებსაც აღარ იყენებთ. ეს ზომები ხელს შეუწყობს გარემოს დაცვას.

 

6. შეფუთვის შიგთავსი და სხვა ინფორმაცია

რას შეიცავს პანტაპი 40 მგ

აქტიური ნივთიერება არის პანტოპრაზოლი. ყოველი ფლაკონი შეიცავს 40 მგ პანტოპრაზოლს.

სხვა ნივთიერებებია: დინატრიუმის ედეტატი და ნატრიუმის ჰიდროქსიდი (pH-ის კორექციისათვის).

 

პანტაპი 40 მგ-ის აღწერა და შეფუთვის შიგთავსი

პანტაპი ი.ვ. არის თეთრი ან მოთეთრო ფერის ფხვნილი საინექციო ხსნარისთვის. ხელმისაწვდომია 10 მლ-იან უფერო მინის ფლაკონში დახურული ნაცრისფერი რეზინის საცობით და ალუმინის მოსახსნელი თავსახურით, რომელიც შეიცავს 40 მგ ფხვნილს საინექციო ხსნარისთვის.

პანტაპი 40 მგ ხელმისაწვდომია შემდეგი ზომის შეფუთვაში:

1 ფლაკონი შეფუთვაში.

 

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით

 

 

შემდეგი ინფორმაცია განკუთვნილია მხოლოდ სამედიცინო მუშაკებისთვის ან ჯანდაცვის სპეციალისტებისთვის:

მზა ხსნარი მზადდება 10 მლ ნატრიუმის ქლორიდის 9 მგ/მლ (0.9%) საინექციო ხსნარის ინექციით ფხვნილის შემცველ ფლაკონში. მომზადებული ხსნარის გამოყენება შეიძლება პირდაპირ ან 100 მლ ნატრიუმის ქლორიდის 9 მგ/მლ (0.9%) საინექციო ხსნართან ან გლუკოზის 55 მგ/მლ (5%) საინექციო ხსნართან შერევით. განზავებისათვის გამოიყენება მინის ან პლასტმასის კონტეინერები.

პანტაპი 40 მგ-ის მომზადება ან შერევა არ შეიძლება სხვა გამხსნელებთან, გარდა აქ მითითებული გამხსენელებისა. მომზადების შემდეგ, ხსნარის გამოყენება უნდა მოხდეს 12 საათის განმავლობაში.

მიკრობიოლოგიური თვალსაზრისით, პრეპარატი დაუყოვნებლივ უნდა იქნას გამოყენებული. თუ არ მოხდება მისი დაუყოვნებლივ გამოყენება, შენახვის დრო და პირობები გამოყენებამდე არის მომხმარებლის პასუხისმგებლობა და, როგორც წესი, არ უნდა აღემატებოდეს 12 საათს, არაუმეტეს 250C ტემპერატურის პირობებში.

სამკურნალო პრეპარატის შეყვანა ხდება ინტრავენური გზით, 2-15 წუთის განმავლობაში.

ფლაკონის შიგთავსი გათვალისწინებულია მხოლოდ ერთჯერადი ინტრავენური გამოყენებისათვის. კონტეინერში დარჩენილი ნებისმიერი პრეპარატი ან პრეპარატი, რომლის ვიზუალური შესახედაობა შეიცვალა (მაგალითად, თუ შეინიშნება შემღვრევა ან ნალექი), უნდა გაადგურდეს.

 

 

 

სად შევიძინოთ?