ოქსა B12 / OXA® B12
- საერთაშორისო დასახელება (აქტიური ნივთიერება): diclofenac, betamethasone, hydroxocobalamin
- კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის
- მწარმოებელი კომპანია: Laboratorios Beta
- მწარმოებელი ქვეყანა: არგენტინა
- გამოშვების ფორმა: (75მგ + 2მგ + 10მგ)/3მლ 3მლ ი.მ. საინექციო ხსნარი ამპულა №6
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა:
ყოველი ამპულა შეიცავს:
ჰიდროქსიკობალამინი 10 მგ;
ბეტამეთაზონი 21 ნატრიუმის ფოსფატი 2.63 მგ (რაც შეესაბამება 2 მგ ბეტამეთაზონს);
ნატრიუმის დიკლოფენაკი 75 მგ;
ბენზილის სპირტი, ნატრიუმის მეტაბისულფატი, პროპილენ გლიკოლი, დინატრიუმის ედეტატი, ნატრიუმის ჰიდროქსიდი და საინექციო წყალი q.s.p 3 მლ;
1. რა არის OXA® B12 I.M და რისთვის გამოიყენება იგი;
OXA® B12 I.M-ის აქტიური ნივთიერებებია, ნატრიუმის დიკლოფენაკი, პრეპარატი რომელიც მიეკუთვნება არა-სტეროიდულ ანთების საწინააღმდეგო პრეპარატებს; ბეტამეთაზონი - კორტიკოსტეროიდი და ჰიდროქსიკობალამინი (ბ12 ვიტამინი). OXA® B12 I.M ნაჩვენებია ტკივილისა და ანთების სამკურნალოდ. იგი ხელს უწყობს ნერვული დაბოლოებების აღდგენას ძვალ-სახსროვანი სისტემის მწვავე დაავადებების მკურნალობისას (ძვლების, სახსრების და კუნთების), როგორიცაა ტკივილი წელის არეშე, გავა-წელის არეშე და ქრონიკული რევმატოიდული დაავადებების გამწვავება, როგორიცაა რევმატოიდული ართრიტი, ოსტეოართრიტი (ართროზი), მაანკილოზებული სპონდილიტი (ართრიტის სახეობა, რომელიც გავლენას ახდენს ხერხემლზე), პოდაგრა.
2. რა უნდა გავითვალისწინოთ OXA® B12 I.M მიღებამდე;
მნიშვნელოვანია რომ გამოიყენოთ ყველაზე დაბალი დოზა ტკივილს კონტროლისა და შემსუბუქებისთვის; სიმპტომების შესამსუბუქებლად ეს პრეპარატი არ მიიღება დანიშნულზე მეტი ხანგრძლივობით.
არ გამოიყენოთ OXA® B12 I.M ვიდრე არ გაივლით კონსულტაციას ექიმთან შემდეგ მდგომარეობაზე:
· თუ თქვენ გაქვთ ალერგია (მომატებული მგრძნობელობა) დიკლოფენაკის, ბეტამეტაზონის ან სხვა კორტიკოსტეროიდების, ვიტამინი B12 ან სხვა პრეპარატში შემავალი ნივთიერების მიმართ
· თუ თქვენ გაქვთ ალერგია ასპირინის ან სხვა ანალოგიური ტკივილგამაყუჩებელი პრეპარატების მიმართ. შესაძლოა გამოვლინდეს ისეთი გვერდითი რეაქციები როგორიცაა: ქოშინი, ჭინჭრის ციება, ცხვირის გაჭედვა ან სახის შეშუპება.
· თუ გაქვთ სისხლდენა ან პერფორაცია კუჭ-ნაწლავიდან.
· თუ თქვენ გაქვთ თირკმლის და ღვიძლის მძიმე დაავადება, ასთმა, სისხლდენის დარღვევები, ღვიძლის პორფირია ან გულის მწვავე უკმარისობა.
·თუ ხართ ორსულად.
·თუ გაქვთ სისხლის შედედების დარღვევები.
·თუ გაქვთ სისხლძარღვების პრობლემები ან გადატანილი გაქვთ ინსულტი, ან თუ ხართ ამ დაავადების განვითარების რისკ ჯგუფში (მაგალითად, თუ გაწუხებთ მაღალი არტერიული წნევა, ქოლესტერინის მაღალი დონე, დიაბეტი ან თუ ხართ მწეველი). რისკი იმ დაავადებების როგორიცაა (მაღალი წნევა, გაზრდილი ქოლესტერინი, დიაბეტი ან თუ ხართ მწეველი).
·თუ თქვენ გაქვთ სისტემური ხასიათის სოკოვანი ინფექციები, ვირუსული ინფექციები, განსაკუთრებით ჰერპესი, ჩუთყვავილა და წითელა, ტუბერკულოზი ან დადებითი რეაქცია ტუბერკულინზე (მანტუს ტესტი), თუ დაავადებული ხართ სტრონგილოიდოზით, ან თუ ახლო წარსულში გაქვთ გაკეთებული აცრა.
·თუ გაქვთ წყლულოვანი კოლიტი, დივერტიკულის ანთება, ნაწლავების ანასტომოზი, მიასთენია, ოსტეოპოროზი, შაქრიანი დიაბეტი, გლაუკომა (თვალის გარსის წნევა), მემკვიდრეობითი გლაუკომა ან მიოპათია გამოწვეული კორტიკოსტეროიდებით ან ეპილეფსით.
·თუ ხართ ემოციურად არასტაბილური ან გაწუხებთ ფსიქოზური აშლილობა.
სიფრთხილის ზომები
OXA® B12 I.M გამოყენება ინტრავენურად დაუშვებელია.
OXA® B12 I.M, როგორც ყველა არასტეროიდული, ანთების საწინააღმდეგო საშუალება - მიიღება მინიმალური ეფექტური დოზებით და, თუ შესაძლებელია, უმოკლესი ხანგრძლივობით, სიმპტომების მონიტორინგისთვის.
კორტიკოსტეროიდებით ხანგრძლივი მკურნალობის შემთხვევაში, სასურველია მკურნალობის შეწყვეტა დოზის თანდათანობითი შემცირებით.
OXA® B12 I.M მკურნალობის დროს ზოგიერთი ინფექციის ნიშნები შეიძლება შეინიღბოს (მაგალითად, ცხელება). კორტიკოსტეროიდების ხანგრძლივმა გამოყენებამ შეიძლება არა მხოლოდ შეამციროს რეზისტენტობა ინფექციის მიმართ , არამედ, შესაძლოა, რთულად დასადგენიც გახადოს მათი კერა.
პაციენტებს, რომლებიც იღებენ კორტიკოსტეროიდებს, განსაკუთრებით მაღალი დოზებით, ეკრძალებათ ვაქცინაცია, შესაძლო ნევროლოგიური გართულებების და იმუნიტეტის დაქვეითების რისკის გამო.
ფატალური შედეგით შეიძლება დასრულდეს პაციენტების მდგომარეობა, რომლებიც კორტიკოსტეროიდებით მკურნალობის პერიოდში დაავადდებიან წითელათი ან ჩუთყვავილათი.
ანალოგიურად, კორტიკოსტეროიდები ინიშნება სიფრთხილით, პაციენტებში რომლებსაც აქვთ სტრონგილოიდოზით გამოწვეული ინვაზიის დიაგნოზი, ან ეჭვი უკანასკნელის არსებობის შესახებ.
OXA® B12 I.M გამოყენება დაუშვებელია პაციენტებში, რომლებიც დაავადებულნი არიან აქტიური ტუბერკულოზით. ხოლო არა აქტიური ტუბერკულოზის ან PPD ტესტზე დადებითი რეაქციის შემთხვევაში, საჭიროა გულდასმით დაკვირვება, რომ არ მოხდეს დაავადების რეაქტივაცია.
ჰიდროქსიკობალამინით მკურნალობის დასაწყისში, დაფიქსირებულა შემთხვევები ჰიპერკალემიის - გულის არითმიის თანხლებით, ამიტომ აუციელებელია სისხლში კალიუმის კონცენტრაციის კონტროლი.
აუცილებლად მიმართეთ ექიმს, თუ გაწუხებთ გულისრევა, დაღლილობა, გრიპის მსგავსი სიმპტომები, თუ თქვენი კანის და თვალების შეფერილობა გახდა ყვითელი, თუ გაქვთ ტკივილი მუცლის ზედა არეში, ვინაიდან ეს შესაძლოა გამოწვეული იყოს ღვიძლის დარღვევებით, რომელიც შესაძლოა დაკავშირებული იყოს აღნიშნული პრეპარატის მიღებასთან. ასევე, დაუყოვნებლივ უნდა მიმართოთ ექიმს თუ გაქვთ მწვავე და ქრონიკული ტკივილი მუცლის არეში, შავი განავალი ან სისხლიანი პირღებინება.
არა-სტეროიდული, ანთების საწინააღმდეგო პრეპარატები, როგორიცაა დიკლოფენაკი, შესაძლოა დაკავშირებული იყოს მიოკარდიული ინფარქტის ან ინსულტის განვითარების მაღალ რისკთან, განსაკუთრებით პაციენტებში რომლებიც ხანგრძლივი პერიოდით ან მაღალი დოზებით იღებენ დიკლოფენაკს. არ გადააჭარბოთ რეკომენდებულ დოზას და ხანგრძლივობას. გარდა ამისა, ამ ტიპის პრეპარატებს, შეუძლია გამოიწვიონ სითხის შეკავება, განსაკუთრებით პაციენტებში, რომლებიც დაავადებულნი არაიან გულის უკმარისობით ან მაღალი არტერიული წნევით.
OXA® B12 I.M გამოყენება დაუშვებელია კორონარული შუნტირების ოპერაციის შემდეგ.
ურთიერთქმედება სხვა სამკურნალო საშუალებებთან
აცნობეთ მკურნალ ექიმს ყველა მედიკამენტების შესახებ, რომელსაც იღებთ ან ახლო წარსულში იღებდით, მათ შორის ურეცეპტოდ გაცემულსაც.
ზოგიერთმა პრეპარატმა შეიძლება ხელი შეუშალოს OXA® B12 I.M -ის მოქმედებას. ასეთ შემთხვევაში, შეიძლება საჭირო გახდეს დოზის კორექტირება ან მკურნალობის შეწყვეტა.
მნიშვნელოვანია აცნობოთ ექიმს, თუ თქვენ იღებთ ან ახლო წარსულში იღებდით შემდეგ მედიკამენტებს:
· ასპირინი ან სხვა ანთების საწინააღმდეგო პრეპარატები;
· ანტიკოაგულანტები;
· ეტოტრექსატი;
· ციკლოსპორინები;
· ლითიუმი;
· დიურეტიკები;
· დიაბეტის სამკურნალო მედიკამენტები;
· მაღალი არტერიული წნევის სამკურნალო მედიკამენტები;
· რიფამპიცინი ან რიფაბუტინი;
· კარბამაზეპინი;
· ფენიტოინი;
· პრიმიდონი;
· ფენობარბიტონი;
· ამინოგლუტეტიმიდი;
· ფედრინი
ორსულობა და ძუძუთი კვება
OXA® B12 I.M - ის მიღება ორსულობის პირველ და მეორე ტრიმესტრში რეკომენდებული არ არის, გარდა იმ შემთხვევისა თუ ექიმი არ მიიჩნევს მედიკამენტის მიღებას გადაუდებელ აუცილებლობად. დაუშვებელია ორსულობის მესამე ტრიმესტრში OXA® B12 I.M -ის მიღება, ვინაიდან ამან შესაძლოა გამოიწვიოს მწვავე კარდიოვასკულარული დარღვევები და დასრულდეს ფატალური შედეგით.
OXA® B12 I.M -ის მიღებას უნდა მოერიდოთ ძუძუთი კვების პერიოდში.
ავტოტრანსპორტის მართვა და სხვა მექანიზმებთან მუშაობა
OXA® B12 I.M -ის მიღება ნორმალური დოზით არანაირ ზემოქმედებას არ ახდენს ავტოტრასპორტის და მექანიზმების მართვის უნარზე. თუმცა, თუ გაწუხებთ თავბრუსხვევა, ძილიანობა, მხედველობის დარღვევა არ მართოთ ავტოტრასპორტი და სხვა მექანიზმები.
3. OXA® B12 I.M გამოყენების წესი
მკაცრად დაიცავით ექიმის მიერ განსაზღვრული მიღების წესი. არ მიიღოთ აღნიშნული მედიკამენტი უფრო დიდი დოზებით ან მეტი ხანგრძლივობით ვიდრე გქონდათ დანიშნული.
მიიღეთ 1 ან 2 ამპულა დღეში, მხოლოდ ნელი და ღრმა შეყვანით კუნთში (მაგალითად, დუნდულის ზედა გარე მეოთხედში).
მაქსიმალური დღიური დოზა არის 2 ამპულა.
არ არის რეკომენდებული OXA® B12 I.M-ის მიღება 3 დღეზე მეტი ხანგრძლივობით, ექიმის ახალი დანიშნულების გარეშე.
OXA® B12 I.M-ის მიღება 18 წლამდე ასაკის პაციენტებში რეკომენდებული არაა.
თუ თქვენ დაგავიწყდათ OXA® B12 I.M მიღება
არ მიიღოთ პრეპარატი ორჯერ გამოტოვებული დოზის საკომპენსაციოდ.
თუ დაგავიწყდან პრეპარატის მიღება,მიიღეთ იგი რაც შეიძლება მალე გარდა იმ შემთხვევისა თუ შემდეგი დოზირების დრო არ არის მოახლოვებული, შემდეგ დაუბრუნდით დოზირების ჩვეულ რეჟიმს. თუ დაგავიწყდათ რამდენიმე დოზა კონსულტაციისთვის მიმართეთ ექიმს.
დანიშნული დოზის გადარჭარბებით მიღების შემთხვევაში, ან ზედოზირების ან შემთხვევითი გადაყლაპვის შემთხვევაში, დაუყოვნებლივ მიმართეთ ექიმს, მიაკითხეთ უახლოეს სამედიცინო დაწესებულებას, აუცილებელია აცნობოთ მედიკამენტის და მიღებული რაოდენობის შესახებ:
4. შესაძლო გვერდითი მოვლენები
სხვა პრეპარატების მსგავსად OXA® B12 I.M.-მაც შეიძლება გამოიწვიოს გვერდითი მოვლენები ზოგიერთ პაციენტში.
აღნიშნული მედიკამენტის შემადგენლობაში შემავალი ნივთიერებებით მკურნალობის პერიოდში გამოვლენილა ქვემოთ მოცემული გვერდითი მოვლენები, თუმცა ეს არ ნიშნავს რომ გამოვლენილი ეფექტები შესაძლოა გამოწვეული იყოს ამ მედიკამენტის მიღებასთან.
დიკლოფენაკი
ავადობა > 1% მკურნალობის შემთხვევაში - შესაძლო მიზეზობრივი კავშირი
ზოგადი: მუცლის ტკივილი ან სპაზმი, თავის ტკივილი, სითხის შეკავება, მუცლის გაფართოება.
საჭმლის მომნელებელი სისტემა: დიარეა, საჭმლის მომნელებელი სისტემის დარღვევა, გულისრევა, ყაბზობა, მეტეორიზმი, ღვიძლის ფუნქციის ცვლილებები ლაბორატორიული ტესტში, კუჭის წყლულული ან სისხლდენა და აგრეთვე პერფორაცია.
ნერვული სისტემა: თავბრუსხვევა.
კანი და რბილი ქსოვილები: გამონაყარი და ქავილი.
განსაკუთრებულ შემთხვევები: შუილი ყურებში.
ავადობა < 1% მკურნალობის შემთხვევაში: ზოგადი დისკომფორტი, ალერგიული ტიპის რეაქციები, მაღალი არტერიული წნევა, გულის უკმარისობა, ღებინება, სიყვითლე, მელენა, აფტოზური სტომატიტი, პირის და ლორწოვანი გარსების სიმშრალე, მელენა, ჰეპატიტი, პანკრეატიტი თანხმლები ჰეპატიტით ან მის გარეშე, ჰემოგლობინის დაცემა, ლეიკოპენია, თრომბოციტოპენია, პურპურა, შარდოვანას მაღალი დონე, უძილობა, დეპრესია, დაღლილობა, გაორებული მხედველობა, შფოთვა, გაღიზიანება, სისხლდენა ცხვირიდან, ასთმა, ლარინგოლოგიური შეშუპება, ალოპეცია, ჭინჭრის ციება, ეგზემა, დერმატიტი, კვინკეს შეშუპება, მხედველობის დაბინდვა, გემოვნების ცვლილებები, სმენის დაკარგვა, ლაქების გაჩენა და პროტეინურია.
ბეტამეტაზონი:
ბეტამეტაზონის გამოყენება რეკომენდებული დოზით და მოკლე პერიოდის განმავლობაში (არაუმეტეს 2 კვირის განმავლობაში), ზოგადად კარგად აიტანება. შესაძლოა გამოვლინდეს შემდეგი გვერდითი მოვლენები მაღალი დოზების და ხანგრძლივი მკურნალობის შედეგად.
ჰიდროელექტროლიტური დარღვევები: ნატრიუმის შეკავება, სითხის შეკავება, გულის შეგუბებითი უკმარისობა წინასწარგანწყობილ პაციენტებში, ჰიპოკალციემია სისხლში, მაღალი არტერიული წნევა.
საყრდენ-მამოძრავებელი სისტემა: კუნთების სისუსტე, კუნთების მასის დაკარგვა, ოსტეოპოროზი, მალების მოტეხილობა, ასეპტიური ნეკროზი, პათოლოგიური მოტეხილობები.
კუჭ-ნაწლავის სისტემა: კუჭის წყლულოვანი ტკივილი, პერფორაცია ან სისხლდენა, პანკრეატიტი, მეტეორიზმი, წყლულოვანი ეზოფაგიტი.
კანი და რბილი ქსოვილები: შეუხორცებელი ჭრილობები, კანის გათხელება, ეკქიმოზი და პეტექია სახის ერითემა, მომატებული ოფლიანობა, უარყოფითი შედეგები კანის რეაქციებზე.
ნევროლოგიური სისტემა: კრუნჩხვები, ქალასშიდა წნევის მომატება, თავბრუსხვევა, თავის ტკივილი.
ენდოკრინული სისტემა: მენსტრუალური ციკლის დარღვევა, კუშინგის სინდრომი, სიმაღლეში ზრდის შეჩერება ბავშთა ასაკი, თირკმელზედა ჯირკვლის ნაკლებობა, განსაკუთრებით სტრესულ სიტუაციებში (ტრავმა, ოპერაცია და ა.შ.), ნახშირწყლების მიმართ ტოლერანტობის შემცირება, ჰიპოგლიკემიური პაციენტებში შაქრიანი დიაბეტი და ინსულინის დოზის ნაკლებობა, სუბკლინიკური დიაბეტი.
ოფთალმოლოგია: კატარაქტა, მომატებული თვალის წნევა, გლაუკომა, ენოფთალმოსი (გადმოკარკლული თვალები). ნივთიერებათა ცვლის მხრივ: ცილის კატაბოლიზმი (ცილის დეგრადაცია). პარენტერალური მიღებისას ჰიპერპიგმენტაცია ან ჰიპოპიგმენტაცია, კანის ან კანქვეშა არტროფია და აბსცესი.
ჰიდროქსიკობალამინი:
იშვიათ შემთხვევებში ალერგიული რეაქციები იქნა გამოვლენილი ინექციის შედეგად.
ადგილობრივი ხასითის გვერდითი რეაქციები ინტრამუსკულარული ინექციის შედეგად
მედიკამენტის ინტრამუსკულარულად მიღებას შეუძლია გამოიწვიოს გვერდითი რეაქციები ინექციის შეყვანის ადგილას, რომელიც შესაძლოა იყოს გამოწვეული შესაყვანი მედიკამენტის, შეყვანის ხერხის და/ან პაციენტის ინდივიდუალური რეაქციის შედეგად. ინექციის შეყვანის ადგილას გამოვლენილი არასასურველი ადგილობრივი რეაქციებია ტკივილი, გამაგრება ინექციის შეყვანის ადგილას, და იშვიათ შემთხვევებში აბსცესი და ნეკროზი. ინექციის შეყვანის ადგილას სიწითლის, გამაგრების ან ტკივილის შემთხვევაში დაუყოვნებლივ მიმართეთ ექიმს!
5. დამატებითი ინფორმაცია
მედიკამენტის მიღება ინტრავენურად დაუშებელია
გამოყენების ვადა
მედიკამენტის მიღება დაუშვებელია შეფუთვაზე მითითებული ვადის გასვლის შემდეგ.
ვადის ამოწურვის დღე გულისხმობს შეფუთვაზე მითითებული თვის ბოლო რიცხვს.
შენახვის პირობები
ინახება არაუმეტეს 15 oC - 30 oC ტემპერატურაზე, ორიგინალ შეფუთვაში სინათლის ზემოქმედებისგან დაცვის მიზნით.
შეფუთვის შემადგენლობა
თითოეულ შეფუთვაში მოთავსებულია 6 ამპულა.
ინახება ბავშვებისთვის მიუწვდომელ ადგილას.
სად შევიძინოთ?