დიკლორონი გელი / Dikloron Jel
- საერთაშორისო დასახელება (აქტიური ნივთიერება): diclofenac
- კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → ფენილძმარჟავას წარმოებულები
- მწარმოებელი კომპანია: DEVA Holding
- მწარმოებელი ქვეყანა: თურქეთი
- გამოშვების ფორმა: 5% 50გ გელი ტუბი №1
- გაცემის რეჟიმი: III ჯგუფი (ურეცეპტოდ)
კანზე წასასმელად.
აქტიური ნივთიერება: თითოეული 1 გ გელი შეიცავს 50 მგ ნატრიუმის დიკლოფენაკს.
დამხმარე ნივთიერებები: პროპილენგლიკოლი, ეთანოლი (96%), ჰიდროქსიეთილცელულოზა, მეთილპარაბენი და გასუფთავებული წყალი.
რა არის დიკლორონი და რისთვის გამოიყენება
დიკლორონი არის გელის ფორმის პრეპარატი, რომელიც შეიცავს დიკლოფენაკ ნატრიუმს, როგორც აქტიურ ნივთიერებას.
დიკლორონი მიეკუთვნება ადგილობრივი გამოყენების არასტეროიდული ანთების საწინააღმდეგო პრეპარატების ჯგუფს.
დიკლორონი წარმოდგენილია 50 გ ტუბებში.
დიკლორონი ეფექტურია როგორც ტკივილგამაყუჩებელი და ანთების საწინააღმდეგო საშუალება შემდეგი დაავადებების ლოკალური მკურნალობის დროს:
ლოკალური რევმატული დაავადებები, როგორიცაა სახსრების კალციფიკაცია და ანთება,
ტკივილი, ანთება და შეშუპება, რომელიც გამოწვეულია დაჭიმულობით, სისხლჩაქცევებით ან სპორტული ტრავმებით,
კუნთოვანი სისტემის დარღვევები, რომლებიც ხასიათდება ტკივილით, ანთებით და კუნთების დაჭიმულობით.
რა უნდა იცოდეთ დიკლორონის გამოყენებამდე
არ გამოიყენოთ დიკლორონი,
თუ:
გაქვთ ალერგია დიკლოფენაკზე ან დიკლორონის რომელიმე ინგრედიენტზე (იხილეთ დამხმარე ნივთიერებების სია).
აცეტილსალიცილის მჟავას (ტკივილგამაყუჩებელი) ან სხვა არასტეროიდული ანთების საწინააღმდეგო პრეპარატების (ანთების საწინააღმდეგო პრეპარატები, რომლებიც არ არის სტეროიდული [ჰორმონალური]), მაგალითად, იბუპროფენის მიღებისას, გაქვთ ხიხინი ან ქოშინი (ასთმის შეტევა), კანზე გამონაყარი სითხიანი ბუშტუკებით ან ჭინჭრის ციებით ან სურდო.
ხართ ორსულად (განსაკუთრებით ორსულობის ბოლო 3 თვეში).
არ წაისვათ დიკლორონი ღია ჭრილობებზე ან დაზიანებულ, გამონაყარ ან ეგზემატოზურ კანზე.
არ წაისვათ მეძუძურ დედებში მკერდის არეში.
არ გამოიყენოთ 14 წლამდე ასაკის ბავშვებსა და მოზარდებში.
დიკლორონის გამოყენებისას განსაკუთრებული სიფრთხილე გამოიჩინეთ
სიფრთხილით გამოიყენეთ კანის დიდ ფართობზე და ხანგრძლივი პერიოდის განმავლობაში წასმისას.
თუ ხართ ხანდაზმული
თუ გაქვთ ასთმა ან ალერგიული დაავადებები ან წარსულში გქონიათ ეს დაავადებები
თუ გაქვთ კუჭის, ნაწლავის ან საყლაპავის წყლული (პეპტიური წყლული), ღვიძლის ან თირკმლის უკმარისობა, სისხლდენისადმი მიდრეკილება ან ნაწლავების ანთებითი დაავადება, გამოიყენეთ დიკლორონი უკიდურესი სიფრთხილით.
დიკლორონის გელი განკუთვნილია მხოლოდ გარეგანი გამოყენებისთვის. არ გამოიყენოთ პირში. არ გადაყლაპოთ.
ფრთხილად იყავით, რომ დიკლორონის გელი თვალში არ მოხვდეს. თუ გელი თვალში მოხვდება, კარგად ჩამოიბანეთ სუფთა წყლით. მიმართეთ ექიმს ან ფარმაცევტს, თუ დისკომფორტი გაგრძელდა.
დიკლორონი წაისვით მხოლოდ დაუზიანებელ და ჯანსაღ კანზე (არ წაისვათ ღია ჭრილობებზე).
ფოტომგრძნობელობით გამოწვეული ეფექტების მინიმიზაციისთვის, მოერიდეთ მზის სხივების ზედმეტად ზემოქმედებას.
სიფრთხილეა საჭირო, თუ დიკლორონი და არასტეროიდული ანთების საწინააღმდეგო პრეპარატები (მაგ. იბუპროფენი, კეტოპროფენი, ნაპროქსენი) ერთად გამოიყენება, რადგან მათ შეიძლება გამოიწვიონ გვერდითი მოვლენების გაძლიერება.
თუ კანზე გამონაყარი გაჩნდება, შეწყვიტეთ დიკლორონით მკურნალობა.
დიკლორონი შეგიძლიათ გამოიყენოთ არაოკლუზიურ სახვევებთან ერთად; თუმცა, ის არ უნდა იქნას გამოყენებული ჰერმეტულ, ოკლუზიურ სახვევებთან ერთად.
გთხოვთ, მიმართოთ ექიმს, მაშინაც კი, თუ ეს გაფრთხილებები თქვენზე წარსულში ვრცელდებოდა.
დიკლორონის მიღება საკვებთან და სასმელთან ერთად
მიღების გზის გამო, ის არ ურთიერთქმედებს საკვებთან და სასმელებთან.
ორსულობა
მედიკამენტის გამოყენებამდე გაიარეთ კონსულტაცია ექიმთან ან ფარმაცევტთან.
არ გამოიყენოთ დიკლორონი, განსაკუთრებით ორსულობის ბოლო 3 თვის განმავლობაში. არ გამოიყენოთ ორსულობის სხვა პერიოდებში, თუ ეს აბსოლუტურად აუცილებელი არ არის.
თუ მკურნალობის დროს გაიგებთ, რომ ორსულად ხართ, დაუყოვნებლივ მიმართეთ ექიმს ან ფარმაცევტს.
ლაქტაცია
მედიკამენტის გამოყენებამდე გაიარეთ კონსულტაცია ექიმთან ან ფარმაცევტთან.
არ გამოიყენოთ დიკლორონი ძუძუთი კვების დროს, თუ ეს აბსოლუტურად აუცილებელი არ არის. ექიმის მიერ საჭიროდ ჩათვლის შემთხვევაში, არ წაისვათ კანის დიდ ფართობზე, არ გამოიყენოთ დიდი ხნის განმავლობაში და არ წაისვათ მკერდზე.
მანქანისა და სხვა მექანიზმების მართვა
დიკლორონი არანაირ გავლენას არ ახდენს ავტომობილის მართვის ან მექანიზმებთან მუშაობის უნარზე.
მნიშვნელოვანი ინფორმაცია დიკლორონის სხვა ნივთიერებების შესახებ
დიკლორონმა შეიძლება გამოიწვიოს კანის გაღიზიანება, რადგან ის შეიცავს პროპილენგლიკოლს.
დიკლორონი შეიცავს მეთილპარაბენს. ამან შეიძლება გამოიწვიოს ალერგიული რეაქციები (შესაძლოა დაგვიანებული).
დიკლორონის გამოყენება სხვა მედიკამენტებთან ერთად
გთხოვთ, აცნობოთ თქვენს ექიმს ან ფარმაცევტს, თუ იღებთ ან ბოლო დროს მიიღეთ სხვა მედიკამენტები, მათ შორის რეცეპტის გარეშე გაცემული მედიკამენტები.
დიკლორონის მიღების წესი
სწორი გამოყენებისა და დოზის/მიღების სიხშირის ინსტრუქცია:
მოზრდილები და 14 წლის და უფროსი ასაკის მოზარდები:
დიკლორონი წაისვით დღეში 3-4-ჯერ, ნაზად შეიზილეთ კანის დაზიანებულ ადგილას. საჭირო რაოდენობა დამოკიდებულია მტკივნეული უბნის ზომაზე. მაგალითად: დიკლორონის 0.4-0.8 გ საკმარისია დაახლოებით 400-800 სმ² ფართობის სამკურნალოდ (საშუალოდ ერთი ან ორი შეხება).
არ გამოიყენოთ დიკლორონი 2 კვირაზე მეტი ხნის განმავლობაში კუნთებისა და სახსრების ტკივილის (მაგ. დაჭიმულობის, ამოვარდნილობის, სისხლჩაქცევების) ან მყესების ანთების დროს, ან 3 კვირაზე მეტი ხნის განმავლობაში ართრიტით გამოწვეული ტკივილის დროს, თუ ექიმი სხვაგვარად არ გირჩევთ.
მე-3 დღის ბოლოს, თუ ტკივილი და შეშუპება არ გაუმჯობესდა ან გაუარესდა, მიმართეთ ექიმს.
მე-7 დღის შემდეგ მიმართეთ ექიმს, გაარკვიეთ, უნდა გააგრძელოთ თუ არა მისი გამოყენება.
მიღების გზა და მეთოდი
მალამო წაისვით კანის ანთებით ან შეშუპებულ ადგილას, ნაზად შეიზილეთ. შეზელვისას შეიძლება იგრძნოთ მცირე გამაგრილებელი ეფექტი. გამოყენების შემდეგ დაიბანეთ ხელები (გარდა ხელების დამუშავებისა).
სხვადასხვა ასაკობრივი ჯგუფები
გამოყენება ბავშვებში
დიკლორონის გამოყენება არ არის რეკომენდებული 14 წლამდე ასაკის ბავშვებსა და მოზარდებში.
გამოყენება ხანდაზმულებში
ხანდაზმულებში შეიძლება გამოყენებულ იქნას მოზრდილთა დოზა.
გამოყენების განსაკუთრებული პირობები
თირკმლის/ღვიძლის უკმარისობა
თუ გაქვთ თირკმლის ან ღვიძლის უკმარისობა, დიკლორონის გამოყენებამდე მიმართეთ ექიმს.
თუ ფიქრობთ, რომ დიკლორონის ეფექტი ძალიან ძლიერი ან სუსტია, მიმართეთ ექიმს ან ფარმაცევტს.
თუ მიიღეთ საჭიროზე მეტი დიკლორონი
თუ მიიღეთ საჭიროზე მეტი დიკლორონი, მიმართეთ ექიმს ან ფარმაცევტს.
თუ დაგავიწყდათ დიკლორონის გამოყენება
თუ დაგავიწყდათ დიკლორონის ერთი დოზის გამოყენება, გამოიყენეთ ის როგორც კი გაგახსენდებათ და შემდეგი დოზა გამოიყენეთ დროულად.
არ მიიღოთ ორმაგი დოზა გამოტოვებული დოზის კომპენსირებისთვის.
შესაძლო გვერდითი მოვლენები
როგორც ყველა მედიკამენტის შემთხვევაში, დიკლორონის კომპონენტების მიმართ ჰიპერმგრძნობელობის მქონე პირებს შეიძლება განუვითარდეთ გვერდითი მოვლენები.
შეწყვიტეთ დიკლორონის მიღება, დაუყოვნებლივ აცნობეთ ექიმს ან მიმართეთ უახლოესი საავადმყოფოს გადაუდებელი დახმარების განყოფილებას, თუ შემდეგი გვერდითი მოვლენებიდან რომელიმე გამოვლინდა:
სახის, ტუჩების, ენის ან ყელის შეშუპება
კანზე გამონაყარი ბუშტუკებით, ჭინჭრის ციებით
ხიხინი ან ქოშინი ან გულმკერდის არეში მოჭერის შეგრძნება (ასთმა)
ეს ყველა ძალიან სერიოზული გვერდითი მოვლენაა. თუ თქვენ გაქვთ რომელიმე მათგანი, ეს ნიშნავს, რომ თქვენ სერიოზული ალერგია გაქვთ დიკლორონის მიმართ. შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია.
ეს ძალიან სერიოზული გვერდითი მოვლენები ძალიან იშვიათად გვხვდება.
გვერდითი მოვლენები ჩამოთვლილია შემდეგ კატეგორიებში:
ძალიან ხშირი: შეიძლება გამოვლინდეს 10 პაციენტიდან სულ მცირე 1-ში.
ხშირი: შეიძლება გამოვლინდეს 10 პაციენტიდან 1-ზე ნაკლებში, მაგრამ 100 პაციენტიდან 1-ზე მეტში.
არც ისე ხშირი: შეიძლება გამოვლინდეს 100 პაციენტიდან 1-ზე ნაკლებში, მაგრამ 1000 პაციენტიდან 1-ზე მეტში.
იშვიათი: შეიძლება გამოვლინდეს 1000 პაციენტიდან 1-ზე ნაკლებში, მაგრამ 10000 პაციენტიდან 1-ზე მეტში.
ძალიან იშვიათი: შეიძლება გამოვლინდეს 10000 პაციენტიდან 1-ზე ნაკლებში.
უცნობი: არსებული მონაცემებით შეფასება შეუძლებელია.
დაუყოვნებლივ აცნობეთ ექიმს ან მიმართეთ უახლოეს საავადმყოფოს გადაუდებელი დახმარების განყოფილებას, თუ შეამჩნევთ რომელიმე შემდეგ გვერდით მოვლენას:
კანის დაავადება (ანთება, ეგზემა)
გამონაყარი
ეს ყველა სერიოზული გვერდითი მოვლენაა. შეიძლება დაგჭირდეთ სასწრაფო სამედიცინო დახმარება.
სერიოზული გვერდითი მოვლენები ძალიან იშვიათად შეინიშნება.
აცნობეთ ექიმს, თუ შეამჩნევთ რომელიმე შემდეგ გვერდით მოვლენას:
სინათლის მიმართ მგრძნობელობა
ქავილი
სიწითლე
ეს დიკლორონის მსუბუქი გვერდითი მოვლენებია.
თუ შეამჩნევთ რაიმე გვერდით მოვლენას, რომელიც არ არის ჩამოთვლილი ამ ფურცელ-ჩანართში, გთხოვთ, აცნობოთ ექიმს ან ფარმაცევტს.
გვერდითი ეფექტების შესახებ შეტყობინება
თუ შეამჩნევთ რაიმე გვერდით მოვლენას, მათ შორის ნებისმიერ შესაძლო გვერდით მოვლენას, რომელიც არ არის ჩამოთვლილი ამ ფურცელ-ჩანართში, მიმართეთ ექიმს, ფარმაცევტს ან ექთანს. ასევე შეგიძლიათ გვერდითი მოვლენების შესახებ პირდაპირ შეატყობინოთ ეროვნული ანგარიშგების სისტემის მეშვეობით. გვერდითი მოვლენების შეტყობინებით თქვენ ხელს შეუწყობთ ამ მედიკამენტის უსაფრთხოების შესახებ მეტი ინფორმაციის მოპოვებას.
როგორ შევინახოთ დიკლორონი
დიკლორონი შეინახეთ ბავშვებისთვის მიუწვდომელ და უხილავ ადგილას, ორიგინალ შეფუთვაში.
შეინახეთ 25°C-ზე დაბალ ოთახის ტემპერატურაზე.
გამოიყენეთ ვარგისიანობის ვადის შესაბამისად.
არ გადააგდოთ მედიკამენტები ჩამდინარე წყლებში ან საყოფაცხოვრებო ნარჩენებში. ჰკითხეთ ფარმაცევტს, თუ როგორ გადაყაროთ გამოუყენებელი მედიკამენტები. ეს ზომები ხელს შეუწყობს გარემოს დაცვას.
სად შევიძინოთ?