Nuk

იხილეთ აფთიაქების ჩამონათვალი

აზიმიცინი / Azimycin

შემადგენლობა

აზიმიცინის ერთი აპკიანი გარსით დაფარული ტაბლეტი შეიცავს 500 მგ აზითრომიცინს, აზითრომიცინის დიჰიდრატის სახით.

დამხმარე ნივთიერებებია: პრეჟელატინირებული სიმინდის სახამებელი, პოვიდონი, მიკროკრისტალური ცელულოზა ტიპი 101, მიკროკრისტალური ცელულოზა ტიპი 102, ნატრიუმის სახამებლის გლიკოლატი, მაგნიუმის სტეარატი; გარსი: ჰიპრომელოზა, მაკროგოლი 6000, ტიტანის დიოქსიდი

აღწერა: თეთრი ან კრემისფერი, ოვალური, ორმხრივამოზნექილი ტაბლეტები.

 

ფარმაკოლოგიური თვისებები
ფარმაკოდინამიკა. ფლობს ანტიმიკრობული მოქმედების ფართო სპექტრს. უკავშირდება რიბოსომის 50S-სუბერთეულს, თრგუნავს მიკროორგანიზმების ცილების ბიოსინთეზს. მაღალი კონცენტრაციით ავლენს ბაქტერიოციდულ მოქმედებას.
აქტიურია გრამდადებითი, გრამუარყოფითი, ანაერობული, უჯრედშიდა და სხვა მიკროორგანიზმების მიმართ.
აქტიურია შემდეგი გრამდადებითი მიკოორგანიზმების მიმართ:
Streptococcus pneumoniae, S. pyogenes, S. agalactiae, S. viridans, streptokokkov grupp∫ S, F i G, Staphylococcus aureus, S. epidermidis.
არ ახდენს მოქმედებას ერითრომიცინისადმი მდგრად ბაქტერიებზე.
აქტიურია შემდეგი გრამუარყოფითი მიკოორგანიზმების მიმართ:
Haemophilus influenzae, H. parainfluenzae i H. ducreyi, Moraxella catarrhalis, Bordetella pertussis i B. parapertussis, Neisseria gonorrhoeae და N. meningitidis; Brucella melitensis, Helicobacter pylori, Gardnerella vaginalis.
აქტიურია Campylobacter jejuni–ს, ზოგიერთი ანაერობული მიკროორგანიზმის Clostridium perfringens მიმართ. აგრეთვე Micobacteria avium complex მიმართ. ეფექტურია უჯრედშიდა და სხვა გამომწვევების მიმართ: Legionella pneumophila, Chlamydia trachomatis i C. pneumoniae, Mycoplasma pneumoniae, Ureaplasma urealyticum, Listeria monocytogenes, Borrelia burgdorferi, Treponema pallidum.

ფარმაკოკინეტიკა
აზიტრომიცინი კარგად შეიწოვება შიგნით მიღებისას და შრატიდან სწრაფად ნაწილდება ქსოვილებსა და ორგანოებში. აზიტრომიცინის 500 მგ-ის შიგნით ერთჯერადი მიღებისას აბსორბირდება პრეპარატის 37% და მისი მაქსიმალური კონცენტრაცია შრატში აღინიშნება 2-3 საათის შემდეგ - 0,41 მკგ/მლ. აზიტრომიცინის გამოყენება, ხდება  კვებამდე 1 საათით ადრე ან კვებიდან 2 საათის შემდეგ.
პრეპარატი სწრაფად ნაწილდება მთელ ორგანიზმში.
პრეპარატის კონცენტრაცია მერყეობს 1-9 მკგ/მლ საზღვრებში, რაც დამოკიდებულია ადგილმდებარეობაზე. განაწილების მოცულობა საშუალოდ შეადგენს 31 ლ/კგ.
ქსოვილში აზიტრომიცინის თერაპიული კონცენტრაცია აღინიშნება ბოლო დოზის მიღებიდან 5-7 დღის განმავლობაში.
აზიტრომიცინი აღწევს უჯრედებში, მათ შორის ფაგოციტებში, რომლებიც გადაადგილდებიან ანთებით კერაში, ამით ხელს უწყობს პრეპარატის თერაპიული კონცენტრაციის შექმნას, რაც ინფექციის გამომწვევებისათვის აღემატება მინიმალურ დამთრგუნველ კონცენტრაციას. არაინფიცირებულ ქსოვილთან შედარებით, ინფიცირებულ ქსოვილში აზიტრომიცინის კონცენტრაცია არის უფრო მაღალი. პრეპარატი ფლობს მაღალ უჯრედშიდა აქტივობას, ვინაიდან, ფაგოციტებში იქმნება აზიტრომიცინის მაღალი კონცენტრაცია.
ავლენს ნაწილობრივად გამოყოფის ხანგრძლივ პერიოდს; ნელა გამოიყოფა ქსოვილიდან (საშუალოდ 2-4 დღე). აზიტრომიცინი ძირითადად გამოიყოფა ნაღველით. საშუალოდ, ნაღველით გამოიყოფა 50%-მდე შეუცვლელი ფორმით. დანარჩენი 50% გამოიყოფა N- და D დემეთილირების, დეზოზამინის ჰიდროქსილირების, აგლიკინის რგოლის პროცესისა და კლადინოზის კონიუგატის დაშლის შედეგად წარმოქმნილი  მეტაბოლიტის სახით. მეტაბოლიტები არ ფლობენ ანტიბაქტერიულ აქტივობას.
შარდით გამოიყოფა პრეპარატის გამოყენებული დოზის საშუალოდ 6%.

ჩვენებები

ზედა სასუნთქი გზების ინფექციები:
ბაქტერიული ფარინგიტი, ტონზილიტი, სინუსიტი

შუა ყურის მწვავე ოტიტი.

ქვედა სასუნთქი გზების ინფექციები:
მწვავე ბრონქიტი, ქრონიკული ბრონქიტის გამწვავება, მსუბუქი და ზომიერად მძიმე პნევმონია, მათ შორის ინტერსტიციული პნევმონია.

კანისა და რბილი ქსოვილების ინფექციები:
ერიზიპელა, იმპეტიგო და მეორადი ჩირქოვანი დერმატიტი; მიგრირებადი ერითერმის (ლაიმის დაავადების პირველი სიმპტომი); ზომიერი ჩვეულებრივი აკნე, მხოლოდ მოზრდილებში.

სქესობრივი გზით გადამდები დაავადებები:
Chlamydia trachomatis-ით გამოწვეული გაურთულებელი ინფექციები.

 

მიღების წესები და დოზები
 მოზრდილებში, მათ შორის ხანდაზმულებში, ასევე ბავშვებში და მოზარდებში 45 კგ მეტი წონით:

აზიმიცინი მიიღება პერორალურად დღეში ერთხელ.

500 მგ აპკიანი გარსით დაფარული ტაბლეტების სახით აზიმიცინის მიღება შეიძლება საკვებისგან დამოუკიდებლად. ტაბლეტები უნდა გადაიყლაპოს მთლიანად.
ზედა და ქვედა სასუნთქი გზების ინფექციები, შუა ყურის ოტიტი, კანისა და რბილი ქსოვილების ინფექციები (მიგრირებადი ერითერმის (erythema migrans) და ჩვეულებრივი აკნეს გამოკლებით)

აზიმიცინის საერთო დოზა არის 1,5გ 3 დღის განმავლობაში (500 მგ ერთჯერადი დღიური დოზა). ალტერნატიულად, იგივე საერთო დოზა (1500 მგ) ასევე შეიძლება მიღებულ იქნას 5 დღის განმავლობაში: 500 მგ თერაპიის პირველ დღეს და 250 მგ თერაპიის მეორედან მეხუთე დღემდე.

მიგრირებადი ერითემა (Erythema migrans)

საერთო დოზა არის 3გ და მიიღება შემდეგნაირად: 1გ პირველ დღეს (2 აპკიანი გარსით დაფარული ტაბლეტი, თითო 500 მგ), შემდეგ 500 მგ (1 აპკიანი გარსით დაფარული ტაბლეტი) მეორედან მეხუთე დღემდე, ერთჯერადი დღიური დოზებით.

ზომიერი ჩვეულებრივი აკნე - მხოლოდ მოზრდილებში

ჯამური დოზა არის 6 გ და რეკომენდებულია შემდეგი სახით მიღება: ერთი 500 მგ-იანი აპკიანი გარსით დაფარული ტაბლეტი ერთხელ დღეში, 3 დღის განმავლობაში, შემდეგ ერთი 500 მგ-იანი აპკიანი გარსით დაფარული ტაბლეტი კვირაში ერთხელ მომდევნო 9 კვირის განმავლობაში. თერაპიის მეორე კვირაში პრეპარატი მიღებული უნდა იყოს პირველი დოზის მიღებიდან 7 დღის შემდეგ, ხოლო შემდგომი რვა დოზა მიღებული უნდა იყოს 7 დღიანი ინტერვალით.

აზითრომიცინის მაღალი დოზის გამოყენების გამო ზემოხსენებულ დოზირების სქემაში, ზომიერი ჩვეულებრივი აკნეს მქონე პაციენტებში აუცილებელია ღვიძლის ფერმენტების ფუნქციის მონიტორინგი აზითრომიცინით მკურნალობის ციკლამდე და მის დროს.

ზომიერი ჩვეულებრივი აკნეს ციკლური მკურნალობის ზემოაღნიშნული რეჟიმი (3 დღე + 9 კვირა) შეიძლება გამოყენებულ იქნას მხოლოდ ერთხელ ცალკეულ პაციენტში, ვინაიდან ამ დრომდე არ არსებობს კონტროლირებადი კლინიკური კვლევები, რომლებიც აჩვენებენ ამ მკურნალობის რეჟიმის უსაფრთხოებას და ეფექტურობას ჩვეულებრივი აკნეს დროს.

Chlamydia trachomatis-ით გამოწვეული გაურთულებელი ინფექციები 1 გ (2 აპკიანი გარსით დაფარული ტაბლეტი, თითო 500 მგ) ერთჯერადი დოზით.

აზიმიცინი 500 მგ აპკიანი გარსით დაფარული ტაბლეტების სახით რეკომენდებულია ბავშვებში არანაკლებ 45 კგ წონით. ბავშვების დანარჩენი ჯგუფისთვის რეკომენდებულია აზიტრომიცინის გამოყენება პერორალური სუსპენზიის ან 125 მგ აპკიანი გარსით დაფარული ტაბლეტების სახით

პაციენტები თირკმლის ან ღვიძლის უკმარისობით

თუ გაქვთ თირკმელების ან ღვიძლის ფუნქციის დარღვევა, უნდა აცნობოთ ექიმს, რადგან შესაძლოა საჭირო გახდეს პრეპარატის ჩვეულებრივი დოზის შემცირება. პრეპარატი არ უნდა იქნას გამოყენებული ღვიძლის მძიმე უკმარისობის მქონე პაციენტებში.


გვერდითი მოვლენები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი ეფექტები, თუმცა ისინი ყველას არ უვითარდება.

თუ განვითარდება გვერდითი ეფექტები, უნდა შეწყვიტოთ აზიმიცინის მიღება და დაუყოვნებლივ მიმართოთ ექიმს ან უახლოეს საავადმყოფოს სასწრაფო დახმარების განყოფილებას.

უმეტესად გამოვლენილია მსუბუქიდან ზომიერად მძიმე გვერდითი ეფექტები, რომლებიც შექცევადია მკურნალობის კურსის დასრულებისას ან პრეპარატის მოხსნის შემდეგ.
ალერგიული რეაქციები: სწრაფი ალერგიული რეაქცია, რასაც მოჰყვება შოკი (სიხშირე უცნობია) ან უეცარი სუნთქვის ან ყლაპვის პრობლემები, ტუჩების, ენის, სახისა და კისრის შეშუპება, გამონაყარი ქავილით, განსაკუთრებით მთელ სხეულზე (არახშირად).

კანის მძიმე რეაქციები: კანის პუსტულოზი, რომელიც ხასიათდება კანზე სიწითლის უბნების სწრაფი განვითარებით მცირე ზომის პუსტულებით (ბუშტუკები სავსე თეთრი ან ყვითელი სითხით); ძლიერი გამონაყარი კანზე, რომელიც იწვევს სიწითლეს და აქერცვლას; მძიმე პემფიგუსი და სისხლდენა ტუჩებიდან, თვალებიდან, პირიდან, ცხვირიდან და სასქესო ორგანოებიდან, ასოცირებული მაღალ ცხელებასთან და ართრალგიასთან. ეს შეიძლება იყოს მწვავე გენერალიზებული ეგზანთემური პუსტულოზი (AGEP, იშვიათად ვითარდება), მულტიფორმული ერითემა, მულტიფორმული ბულოზური ერითემა (სტივენს-ჯონსონის სინდრომი) ან ტოქსიკური ეპიდერმული ნეკროლიზი (ყველა მათგანი ვითარდება უცნობი სიხშირით).

მძიმე ჰიპერმგრძნობელობის რეაქცია, რომელიც შეიძლება მოიცავდეს ცხელებას, კანზე გამონაყარს, ორგანოთა შეშუპებას, ზოგიერთი ტიპის ლეიკოციტების რაოდენობის გაზრდას (ეოზინოფილია) და შინაგანი ორგანოების ანთებას (წამლის რეაქცია ეოზინოფილიით და სისტემური სიმპტომებით (DRESS); სიხშირე უცნობია).

 

უკუჩვენება
ჰიპერმგრძნობელობა მაკროლიდების ჯგუფის ანტიბიოტიკების მიმართ;
ღვიძლის ფუნქციის მძიმე დარღვევები;
სიფრთხილით:  ორსულობისა და ლაქტაციის პერიოდში, მათ შორის ისეთ შემთხვევებშიც, როცა პრეპარატის გამოყენებით დედისათვის მიღებული მოსალოდნელი სარგებელი აღემატება ნაყოფისათვის პოტენციურ საშიშროებას, რაც არსებობს ამ პერიოდში ნებისმიერი პრეპარატის გამოყენებისას; პრეპარატი ასევე სიფრთხილით გამოიყენება ღვიძლის ფუნქციის დარღვევის, არითმიისა და გახანგრძლივებული QT ინტერვალის მქონე პირებში, როგორც მსგავსი დარღვევების, ასევე მიდრეკილების არსებობისას (0.001%-ში).

განსაკუთრებული მითითებები
პრეპარატის ერთჯერადი დოზის მიღების გამოტოვების შემთხვევაში - მისი მიღება უნდა მოხდეს რაც შეიძლება სწრაფად, ხოლო შემდეგი დოზის გამოყენება კი 24 საათიანი შუალედის შემდეგ. გამოყენების ინსტრუქციაში მითითებული მკურნალობის რეკომენდებული კურსის გახანგრძლივება საჭიროებას არ წარმოადგენს.

ჭარბი დოზირება
სიმპტომები: გულისრევა, სმენის დროებითი კარგვა, ღებინება, დიარეა.

მკურნალობა: სიმპტომატური; კუჭის ამორეცხვა.

 

სხვა წამლებთან ურთიერთქმედება
მედიკამენტები, რომლებიც გავლენას ახდენენ QT ინტერვალზე, როგორიცაა

ქინიდინი, პროკაინამიდი, დოფეტილიდი, ამიოდარონი და სოტალოლი (გამოიყენება გულის რითმის დარღვევის დროს),

ციზაპრიდი (გამოიყენება კუჭის დარღვევების დროს),

ჰიდროქსიქლოროქინი (გამოიყენება რევმატული დაავადებების ან მალარიის სამკურნალოდ),

ტერფენადინი (გამოიყენება ალერგიის სამკურნალოდ),

ანტიფსიქოზური საშუალებები, მაგ. პიმოზიდი,

ანტიდეპრესანტები, მაგ. ციტალოპრამი,

-ფტორქინოლონები (გამოიყენება ინფექციების დროს), მაგ. მოქსიფლოქსაცინი, ლევოფლოქსაცინი;

-ანტაციდები (აზიმიცინი უნდა დაინიშნოს ანტაციდების მიღებამდე მინიმუმ 1 საათით ადრე ან 2 საათის შემდეგ);

-პერორალური ანტიკოაგულანტები, მაგ. ვარფარინი;

-ერგოტის ალკალოიდები (გამოიყენება შაკიკის დროს ან სისხლის ნაკადის შესამცირებლად), მაგ. აზითრომიცინთან ერთად გამოყენებულმა ერგოტამინმა შეიძლება გამოიწვიოს ერგოტიზმი (სიმპტომები - პერიფერიული სისხლძარღვების სპაზმი და იშემია);

-დიგოქსინი (გამოიყენება გულის რითმის დარღვევისას);

-კოლხიცინი (გამოიყენება ჩიყვისა და ოჯახური ხმელთაშუა ზღვის ცხელების სამკურნალოდ);

-ციკლოსპორინი (გამოიყენება კანის დაავადებების, რევმატოიდული ართრიტის ან ორგანოების გადანერგვის შემდეგ);

-ატორვასტატინი (გამოიყენება ქოლესტერინის შესამცირებლად);

-რიფაბუტინი (გამოიყენება აივ ან ტუბერკულოზის სამკურნალოდ).

 

შენახვის პირობები და ვადები
შეინახეთ ეს პრეპარატი ბავშვებისთვის მიუწვდომელ ადგილას.

ინახება 25°C-ზე დაბალ ტემპერატურაზე.

ვარგისიანობის ვადა 3 წელი.
არ გამოიყენება ვარგისიანობის ვადის გასვლის შემდეგ.

აფთიაქში გაცემის წესი
გაიცემა ფორმა N3 რეცეპტით

 

სად შევიძინოთ?