ანგინოვაგი / ANGINOVAG
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: ოტორინოლარინგოლოგია → მიკრობების საწინააღმდეგო მოქმედების საშუალებები ადგილობრივი გამოყენებისათვის → ანტისეპტიური საშუალებები_ → კომბინირებული შემადგენლობის სხვა პრეპარატები
- მწარმოებელი კომპანია: Ferrer Internacional, S.A.
- მწარმოებელი ქვეყანა: ესპანეთი
- გამოშვების ფორმა: სპრეი კონტეინერში 10მლ
- გაცემის რეჟიმი: III ჯგუფი (ურეცეპტოდ)
ფარმაკოლოგიური მოქმედება:
ამ სამკურნალო საშუალების მოქმედი ნივთიერებები მოქმედებენ შემდეგნაირად: დექვალინიუმის ქლორიდის ანტისეპტიკურ, ანტიმიკრობულ და სოკოს საწინააღმდეგო მოქმედებას ემატება თიროტრიცინის ბაქტერიციდული ანტიბიოტიკური მოქმედება, ენოქსოლონისა და ჰიდროკორტიზონის აცეტატის ანთების საწინააღმდეგო მოქმედება და ლიდოკაინის ჰიდროქლორიდის ადგილობრივი საანესთეზიო მოქმედება. იგი წარმოდგენილია დამცავი სარქვლის მქონე სპრეის სახით, ამიტომ მოსახერხებელია ლოყა-ფარინგეალური დაზიანებების პროფილაქტიკისა და შეხორცებისთვის.
შემადგენლობა:
ყოველი 100 მლ შეიცავს: 60 მგ ბეტა-გლიცირეტინის მჟავას; 100 მგ დექვალინის ქლორიდს; 400 მგ თიროტრიცინს; 60 მგ ჰიდროკორტიზონის აცეტატს; 100 მგ ლიდოკაინის ჰიდროქლორიდს; დამხმარე ნივთიერებებია: პროპილენგლიკოლი 93,33 მგ და ეთანოლი 89,385% ვ/ვ.
ჩვენებები:
ანგინოვაგი ნაჩვენებია მოზრდილებსა და 12 წელზე უფროსი ასაკის მოზარდებში პირ-ხახის მსუბუქი სახის ინფექციების ლოკალური მკურნალობისთვის, რომელსაც თან ახლავს ტკივილი
დოზირება:
მოზრდილები და 12 წელზე უფროსი ასაკის ბავშვები
დარტყმითი დოზა: 1-2 შესხურება ყოველ 2-3 საათში.
შემანარჩუნებელი ან პროფილაქტიკური დოზა: ერთი შესხურება ყოველ 6 საათში.
თირკმლის უკმარისობის მქონე პაციენტები
ამ პრეპარატმა შეიძლება გავლენა იქონიოს ელიმინაციაზე თირკმლის მძიმე უკმარისობის მქონე პაციენტებში. ამიტომ ამ პაციენტებისთვის შეიძლება საჭირო გახდეს დოზის კორექტირება.
ღვიძლის უკმარისობის მქონე პაციენტები
ღვიძლის მძიმე უკმარისობის მქონე პაციენტებში, რომელთა ღვიძლის ფუნქცია დაქვეითებულია, საჭირო იქნება დოზის ინდივიდუალური შერჩევა რათა მოხდეს ჰიდროკორტიზონის მეტაბოლიზაცია.
უკუჩვენებები / გვერდითი მოვლენები / ურთიერთქმედება:
ჰიპერმგრძნობელობა მოქმედი ნივთიერების ან რომელიმე დამხმარე ნივთიერების მიმართ.
ანგინოვაგი უკუნაჩვენებია პირის ღრუს ლორწოვანის მძიმე დაზიანების მქონე პაციენტებში.
შემდეგი გვერდითი მოვლენები დაფიქსირდა ანგინოვაგის ან მისი რომელიმე მოქმედი ნივთიერების ცალკე გამოყენებისას.
ქვემოთ ჩამოთვლილი გვერდითი მოვლენები კლასიფიცირდება შემდეგნაირად: ძალიან ხშირი (≥1/10), ხშირი (≥1/100-დან <1/10-მდე), არახშირი (≥1/1000-დან <1/100-მდე), იშვიათი (≥ 1/10,000-დან < 1/1,000-მდე), ძალიან იშვიათი (<1/10,000). ინდივიდუალური გვერდითი მოვლენების ზოგიერთი სიხშირის შეფასება შეუძლებელია არსებული მონაცემებით (სიხშირე უცნობია). ზომები დოზის გადაჭარბებისას
დარღვევები თვალის მხრივ:
იშვიათი: მხედველობის დაბინდვა.
დარღვევები იმუნური სისტემის მხრივ:
სიხშირე უცნობია: ჰიპერმგრძნობელობა, ალერგია (ჭინჭრის ციება, ერითემა, ეგზანთემა, ანთება, გამონაყარი, ქავილი, შეშუპება).
სიფრთხილის ზომები:
10 დღეზე მეტხნიანი გამოყენება თავიდან უნდა იქნას აცილებული პირის ღრუს მიკრობიოტის ცვლილების რისკის გამო.
ანგინოვაგის კომპონენტების დაბალი კონცენტრაციის და რეკომენდებული დოზირების გამო, მოსალოდნელი არ არის კომპონენტების გვერდითი მოვლენები სისტემური ზემოქმედების გამო.
გაფრთხილებები დამხმარე ნივთიერებების შესახებ
ეს პრეპარატი შეიცავს 93,33 მგ პროპილენგლიკოლს ყოველ მლ-ში.
ეს პრეპარატი შეიცავს 89,385% ვ/ვ ეთანოლს, რაც შეესაბამება დაახლოებით 75 მგ-ს ერთ შესხურებაში.
ეს სამკურნალო საშუალება საშიშია ალკოჰოლიზმით დაავადებულთათვის.
ალკოჰოლის შემცველობა მხედველობაში უნდა იქნას მიღებული ორსული ან მეძუძური ქალების, ბავშვებისა და მაღალი რისკის მქონე ადამიანებისთვის, როგორიცაა ღვიძლის დაავადების, ეპილეფსიის, ტვინის დაზიანების მქონე პაციენტები და ალკოჰოლიზმით დაავადებული პაციენტები.
გამოყენება ორსულობისა და ლაქტაციის პერიოდში:
ორსულობისა და ლაქტაციის პერიოდში გამოყენების შესახებ კლინიკური მონაცემები არ მოიპოვება.
ორსულობა
ორსულ ქალებში ანგინოვაგის გამოყენების შესახებ მონაცემები შეზღუდულია ან არ არსებობს.
ცხოველებზე ჩატარებული კვლევები არასაკმარისია რეპროდუქციული ტოქსიკურობის დადგენის თვალსაზრისით (იხ. პარაგრაფი 5.3).
ანგინოვაგის გამოყენება არ არის რეკომენდებული ორსულობის დროს.
ძუძუთი კვება
ლიდოკაინი გამოიყოფა დედის რძეში. თუმცა, მეძუძურ ქალებში ანგინოვაგის კვლევები არ ჩატარებულა. ვინაიდან ლიდოკაინის მეტაბოლიზმი ხდება შედარებით სწრაფად და თითქმის მთლიანად ღვიძლში, მოსალოდნელია, რომ ლიდოკაინის მხოლოდ ძალიან დაბალი რაოდენობა გამოიყოფა დედის რძეში პროდუქტის თერაპიული დოზებით. გადაწყვეტილება ძუძუთი კვების შეწყვეტის ან მკურნალობის შეწყვეტის შესახებ უნდა იქნას მიღებული ბავშვისთვის ძუძუთი კვების სარგებელის და დედისთვის მკურნალობის სარგებელის გათვალისწინების შემდეგ.
დოზის გადაჭარბება და მისი მკურნალობა:
იმ კონცენტრაციის გამო, რომლითაც წარმოდგენილია კომპონენტები, დოზის გადაჭარბების შემთხვევაში, არ არის მოსალოდნელი ისეთი სისტემური ზემოქმედება, რომელმაც შეიძლება გამოიწვიოს მნიშვნელოვანი გვერდითი მოვლენები.
სად შევიძინოთ?