ლიმენდა / LIMENDA
- საერთაშორისო დასახელება (აქტიური ნივთიერება): metronidazole, miconazole
- კლინიკურ-ფარმაკოლოგიური ჯგუფი: მეანობა, გინეკოლოგია → პროტოზოას, მიკრობების და სოკოს საწინააღმდეგო საშუალებები ადგილობრივი გამოყენებისათვის
- მწარმოებელი კომპანია: World Medicine ilac san ve tic as
- მწარმოებელი ქვეყანა: თურქეთი
- გამოშვების ფორმა: 750მგ/200მგ ვაგინალური სუპოზიტორია №7
- გაცემის რეჟიმი: II ჯგუფი (გაიცემა ფორმა N3 რეცეპტით)
საერთაშორისო არაპატენტირებული დასახელება ან ჯგუფური დასახელება
მეტრონიდაზოლი + მიკონაზოლი
Metronidazole +Miconazole
სამკურნალო ფორმა
ვაგინალური სუპოზიტორიები.
აღწერილობა: მოყვითალო-თეთრი ფერის ტორპედოს ფორმის სუპოზიტორები.
შემადგენლობა
ვაგინალური სუპოზიტორია შეიცავს
აქტიური ნივთიერებები: მეტრონიდაზოლი 750 მგ, მიკონაზოლის ნიტრატი 200 მგ.
დამხმარე ნივთიერებები: მყარი ცხიმი (ვიტეპსოლ S55).
პრეპარატის ათქ კოდი G01AF20
ფარმაკოთერაპიული ჯგუფი
გინეკოლოგიაში გამოსაყენებელი ანტისეპტიკური და ანტიმიკრობული საშუალებები, კორტიკოსტეროიდების შემცველი კომბინირებული პრეპარატების გარდა. იმიდაზოლის წარმოებულების კომბინაციები.
ფარმაკოლოგიური თვისებები
ფარმაკოდინამიკა
ლიმენდა შეიცავს მეტრონიდაზოლს, როგორც ანტიბაქტერიულ და ანტიტრიქომონადურ საშუალებას და მიკონაზოლის ნიტრატს, როგორც სოკოს საწინააღმდეგო საშუალებას.
მეტრონიდაზოლი არის ანტიპროტოზოული ანტიბაქტერიული საშუალება 5-ნიტროიმიდაზოლის ჯგუფიდან, ეფექტური უმარტივესებით გამოწვეული ინფექციების წინააღმდეგ და ანაერობულ ბაქტერიებთან დაკავშირებული ინფექციების უმეტესობის წინააღმდეგ. მეტრონიდაზოლი ეფექტურია ანაერობული ბაქტერიების წინააღმდეგ, მათ შორის ანაერობული სტრეპტოკოკების, ასევე Trichomonas vaginalis და Gardnerella vaginalis-ის წინააღმდეგ.
მიკონაზოლის ნიტრატი არის ფართო სპექტრის სინთეზური იმიდაზოლის წარმოებული, ეფექტური პათოგენური სოკოების, მათ შორის Candida albicans-ის მიმართ, გარდა ამისა, მიკონაზოლის ნიტრატი ეფექტურია გრამდადებითი ბაქტერიების წინააღმდეგ. მიკონაზოლის ნიტრატი გავლენას ახდენს ერგოსტეროლის სინთეზზე ციტოპლაზმურ მემბრანაში. მიკონაზოლის ნიტრატი in vitro ცვლის მიკოზური უჯრედების გამტარიანობას Candida-ს სახეობებში და აინჰიბირებს გლუკოზის გამოყენებას უჯრედში.
მეტრონიდაზოლი და მიკონაზოლი არ არიან სინერგისტები ან ანტაგონისტები.
750 მგ მეტრონიდაზოლის/200 მგ მიკონაზოლის ნიტრატის კომბინაციის ეფექტურობისა და უსაფრთხოების კვლევა ჩატარდა ერთცენტრიან, ღია, არაკონტროლირებულ კლინიკურ კვლევაში, რომელშიც მონაწილეობდა 104 პაციენტი ვაგინიტით. ამ კომბინაციის გამოყენებამ 7 დღის განმავლობაში კანდიდოზური, ბაქტერიული და ტრიქომონადური ვაგინიტის დროს და შერეული ინფექციების დროს გამოიწვია კლინიკური გამოჯანმრთელება 96.6%, 98.1%, 97.3% და 98% შემთხვევაში, შესაბამისად. მიკრობიოლოგიური გამოჯანმრთელება მიღწეული იყო შემთხვევების 89.8%, 96.2%, 100% და 91.7%-ში შესაბამისად.
750 მგ მეტრონიდაზოლის / 200 მგ მიკონაზოლის ნიტრატის კომბინაციის ეფექტურობის, უსაფრთხოებისა და ტოლერანტობის სხვა რანდომიზებულ ღია შედარებით კვლევაში აღმოჩნდა, რომ კლინიკური და მიკრობიოლოგიური გამოჯანმრთელების ხარისხი არის შესაბამისად 84% და 76%.
ფარმაკოკინეტიკა
აბსორბცია
მეტრონიდაზოლის ბიოშეღწევადობა ინტრავაგინალური გამოყენებისას შეადგენს 20%-ს პერორალურ მიღებასთან შედარებით. სუპოზიტორიების გამოყენების შემდეგ, როდესაც მიიღწევა წონასწორული მდგომარეობა, მეტრონიდაზოლის პლაზმური კონცენტრაცია შეადგენს 1,1-5,0 მკგ/მლ-ს.
მიკონაზოლის ნიტრატი ინტრავაგინალური შეყვანისას შეიწოვება უმნიშვნელოდ (დოზის 1,4%-მდე). სუპოზიტორების გამოყენების შემდეგ პლაზმაში მიკონაზოლის ნიტრატი არ აღმოჩნდა.
განაწილება
მეტრონიდაზოლი პლაზმასთან მიახლოებულ კონცენტრაციებში ნაწილდება ქსოვილებსა და სხეულის სითხეებში, მათ შორის ნაღველში, ძვლებში, სარძევე ჯირკვლებში და დედის რძეში, ცერებრალურ აბსცესში, ცერებროსპინალურ სითხეში, ღვიძლსა და ღვიძლის აბსცესში, ნერწყვში, სათესლე სითხეში და ვაგინალურ სეკრეტში. მეტრონიდაზოლი აღწევს პლაცენტურ ბარიერშო და ხვდება ნაყოფის სისხლის მიმოქცევაში. პლაზმის ცილებთან შეკავშირების ხარისხი არ აღემატება 20%-ს. განაწილების მოცულობა შეადგენს 0,25-0,85 ლ/კგ-ს.
მიკონაზოლის ნიტრატი 90-93%-ით უკავშირდება პლაზმის ცილებს. ის პრაქტიკულად არ აღწევს ცერებროსპინალურ სითხეში, მაგრამ ფართოდ არის გავრცელებული სხვა ქსოვილებში. განაწილების მოცულობა შეადგენს 1400 ლიტრს.
ბიოტრანსფორმაცია
მეტრონიდაზოლი მეტაბოლიზდება ღვიძლში დაჟანგვის გზით. აქტიურია ჰიდროქსილის მეტაბოლიტი. შარდში გამოყოფილი ორი ძირითადი მეტაბოლიტი არის ჰიდროქსილის მეტაბოლიტი და ძმარმჟავას ნაერთი. ჰიდროქსილის მეტაბოლიტს აქვს მეტრონიდაზოლის ბიოლოგიური აქტივობის 30%.
მიკონაზოლის ნიტრატი მეტაბოლიზდება ღვიძლში ორი არააქტიური მეტაბოლიტის წარმოქმნით.
გამოყოფა
მეტრონიდაზოლის ნახევარგამოყოფის პერიოდი შეადგენს 6-11 საათს. სისტემური ან ადგილობრივი გამოყენებისას დოზის 6-15% გამოიყოფა განავლით, დოზის 60-80% გამოიყოფა შარდით (ამ რაოდენობის 20% უცვლელი სახით).
მიკონაზოლის ნიტრატის ნახევარგამოყოფის პერიოდი შეადგენს 24 საათს. 1%-ზე ნაკლები გამოიყოფა თირკმელებით. დაახლოებით 50% გამოიყოფა განავლით ძირითადად უცვლელი სახით.
გამოყენების ჩვენებები
Candida albicans-ით გამოწვეული ვულვოვაგინიტი;
Gardnerella vaginalis-ით და ანაერობული ბაქტერიებით გამოწვეული ბაქტერიული ვაგინოზი;
Trichomonas vaginalis-ით გამოწვეული ტრიქომონადური ვაგინიტი;
შერეული ვაგინალური ინფექციები.
გამოყენების წესი და დოზები
პრეპარატი გამოიყენება ინტრავაგინალურად, ღამით საშოში ღრმად შეჰყავთ 1 სუპოზიტორია 7 დღის განმავლობაში ან ექიმის განსხვავებული დანიშნულებით.
მორეციდივე ვაგინიტის ან მკურნალობის სხვა სახეობების მიმართ რეზისტენტული ვაგინიტის დროს გამოყენებული უნდა იყოს 1 სუპოზიტორია ღამით 14 დღის განმავლობაში.
ლიმენდას ვაგინალური სუპოზიტორიები შეყვანილი უნდა იყოს ზურგზე მწოლიარე მდგომარეობაში, შეფუთვაში მოთავსებული ერთჯერადი სათითურის დახმარებით.
არ შეიძლება გადაყლაპვა და სხვა გზით გამოყენება. არ არის რეკომენდებული პრეპარატის გამოყენება მენსტრუაციის დროს, ვინაიდან მისი ეფექტურობა შეიძლება შემცირდეს.
თირკმლის/ღვიძლის უკმარისობა
თირკმლის უკმარისობის დროს მეტრონიდაზოლის ნახევარგამოყოფის პერიოდი არ იცვლება. ამიტომ, საჭირო არ არის მეტრონიდაზოლის დოზის შემცირება, მაგრამ თირკმლის მძიმე უკმარისობისას, რომელიც საჭიროებს ჰემოდიალიზს, დოზა უნდა დაკორექტირდეს.
ღვიძლის მძიმე უკმარისობის დროს მეტრონიდაზოლის კლირენსი მცირდება. ღვიძლის ენცეფალოპათიის მქონე პაციენტებში მეტრონიდაზოლი სიფრთხილით უნდა იქნას გამოყენებული პლაზმაში მეტრონიდაზოლის კონცენტრაციის შესაძლო ზრდის გამო, რამაც შეიძლება გააძლიეროს ენცეფალოპათიის სიმპტომები. ღვიძლის ენცეფალოპათიის მქონე პაციენტებში მეტრონიდაზოლის დღიური დოზა უნდა შემცირდეს მესამედამდე.
პედიატრიული პოპულაცია
პრეპარატი არ არის განკუთვნილი 12 წლამდე ასაკის ბავშვებში გამოსაყენებლად.
ხანდაზმული პაციენტები
65 წელზე უფროსი ასაკის პაციენტებისთვის დოზის კორექცია საჭირო არ არის.
უკუჩვენებები
მომატებული მგრძნობელობა პრეპარატის კომპონენტების ან იმიდაზოლის სხვა წარმოებულების მიმართ;
ალკოჰოლის გამოყენება მკურნალობის დროს ან მკურნალობის დასრულებიდან 3 დღის განმავლობაში;
დისულფირამის მიღება მკურნალობის დროს ან მკურნალობამდე 2 კვირით ადრე;
ღვიძლის ფუნქციის მძიმე დარღვევა;
ეპილეფსია;
პორფირია;
ორსულობის პირველი ტრიმესტრი.
არასასურველი რეაქციები
არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥ 1/10); ხშირად (≥ 1/100, მაგრამ < 1/10); არახშირად (≥ 1/1000, მაგრამ < 1/100); იშვიათად (≥ 1/10000, მაგრამ < 1/1000); ძალიან იშვიათად (< 1/10000); სიხშირე უცნობია (შეუძლებელია შეფასდეს არსებული მონაცემებით).
ვინაიდან მეტრონიდაზოლის ვაგინალური შეყვანა იწვევს ძალიან დაბალ დონეს პლაზმაში (2-12%) პერორალურ მიღებასთან შედარებით, სისტემური არასასურველი რეაქციების სიხშირე ასევე ძალიან დაბალია. მიკონაზოლის ნიტრატმა შემთხვევების 2-6%-ში შეიძლება გამოიწვიოს საშოს გაღიზიანება (წვა, ქავილი), ისევე როგორც სოკოს სხვა საწინააღმდეგო იმიდაზოლის წარმოებულებმა, რომლებიც გამოიყენება ვაგინალურად.
ვაგინიტის დროს ვაგინალური ლორწოვანი გარსის ანთების გამო, საშოს გაღიზიანების სიმპტომები (წვა, ქავილი) შეიძლება გაძლიერდეს პირველი სუპოზიტორიის შეყვანის შემდეგ ან მკურნალობის მე-3 დღეს. ეს სიმპტომები სწრაფად ქრება მკურნალობის გაგრძელებისას. თუ გაღიზიანება ძლიერია, მკურნალობა უნდა შეწყდეს.
არასასურველი რეაქციები, რომლებიც შეიძლება განვითარდეს აქტიური ინგრედიენტების სისტემური გამოყენებისას, ჩამოთვლილია ქვემოთ.
სისხლის და ლიმფური სისტემის მხრივ: სიხშირე უცნობია - ლეიკოპენია.
იმუნური სისტემის მხრივ: სიხშირე უცნობია - ჰიპერმგრძნობელობის რეაქციები, ალერგიული რეაქციები (მძიმე შემთხვევებში შეიძლება განვითარდეს ანაფილაქსია).
ფსიქიკის დარღვევები: არახშირად - დეპრესია; ძალიან იშვიათად - ფსიქიკის ცვლილებები.
ნერვული სისტემის მხრივ: ხშირად - თავბრუსხვევა, თავის ტკივილი; სიხშირე უცნობია - დაღლილობა, სისუსტე, ატაქსია, კრუნჩხვები, პერიფერიული ნეიროპათია მეტრონიდაზოლის მაღალი დოზებით და/ან ხანგრძლივი გამოყენებისას.
კუჭ-ნაწლავის ტრაქტის მხრივ: სიხშირე უცნობია - გემოს ცვლილება, მეტალის გემო პირში, გულისრევა, ღებინება, ყაბზობა, პირის სიმშრალე, დიარეა, მადის დაკარგვა, ტკივილი ან კრუნჩხვები მუცლის არეში.
ზოგადი დარღვევები და დარღვევები, განპირობებული გამოყენების მეთოდით: ძალიან ხშირად - ვაგინალური გამონადენი; ხშირად - ვაგინიტი, საშოს გაღიზიანება, დისკომფორტი მენჯის არეში; იშვიათად - წყურვილის შეგრძნება; იშვიათად - საშოს წვა, ქავილი, გაღიზიანება, მუცლის ტკივილი, კანის გამონაყარი; სიხშირე უცნობია - ადგილობრივი გაღიზიანება და სენსიბილიზაცია, კონტაქტური დერმატიტი.
ინტრავაგინალური მიღებისას არასასურველი რეაქციები გაცილებით ნაკლებად ხშირია, ვინაიდან სისხლში მეტრონიდაზოლის დონე უფრო დაბალია.
საეჭვო არასასურველი რეაქციების შესახებ შეტყობინება
საეჭვო არასასურველი რეაქციების შესახებ შეტყობინება პრეპარატის რეგისტრაციის შემდეგ მნიშვნელოვანია. თუ პაციენტს პრეპარატზე განუვითარდა სერიოზული არასასურველი რეაქცია ან ახალი გვერდითი რეაქცია, რომელიც არ არის აღწერილი ამ პუნქტში, გთხოვთ, გვაცნობოთ ფარმაკოზედამხედველობის ეროვნული სისტემის შესაბამისად.
განსაკუთრებული მითითებები
დისულფირამის მსგავსი შესაძლო რეაქციების გამო, აუცილებელია ალკოჰოლის მიღებისგან თავის შეკავება მკურნალობის დროს და მკურნალობის დასრულებიდან 3 დღის განმავლობაში.
მაღალი დოზებით და ხანგრძლივი დროის განმავლობაში სისტემური გამოყენებისას მეტრონიდაზოლმა შეიძლება გამოიწვიოს პერიფერიული ნეიროპათია და კრუნჩხვები.
არ გამოიყენოთ პრეპარატი ქალწულებსა და სქესობრივად მოუმწიფებელ გოგონებში.
ლიმენდას სანთლები არ უნდა იქნას გამოყენებული სხვა ვაგინალურ პრეპარატებთან ერთად (მაგ. ტამპონები, ვაგინალური შხაპი და სპერმიციდები).
ტრიქომონადური ვაგინიტის მქონე პაციენტებში აუცილებელია სქესობრივი პარტნიორის ერთდროული მკურნალობა.
ლატექსის პრეზერვატივის ან დიაფრაგმის ერთდროულმა გამოყენებამ ვაგინალურ ანტიბიოტიკებთან შეიძლება შეამციროს ლატექსის კონტრაცეპტივების ეფექტი. ამიტომ მიკონაზოლის შემცველი სუპოზიტორიები არ უნდა იქნას გამოყენებული ლატექსის პრეზერვატივთან ან ლატექსის დიაფრაგმასთან ერთად.
არსებობს ჰიპერმგრძნობელობის რეაქციის განვითარების შესაძლებლობა, ანაფილაქსიისა და ანგიონევროზული შეშუპების ჩათვლით, ასეთი არასასურველი რეაქციების განვითარების შემთხვევაში მკურნალობა უნდა შეწყდეს.
დაფიქსირდა მძიმე ჰეპატოტოქსიურობის/ღვიძლის მწვავე უკმარისობის შემთხვევები, მათ შორის ფატალური შემთხვევები ძალიან სწრაფი განვითარებით კოკეინის სინდრომის მქონე პაციენტებში სისტემური გამოყენების მეტრონიდაზოლის შემცველი პროდუქტებით მკურნალობის დაწყების შემდეგ. ამიტომ, მეტრონიდაზოლი გამოყენებული უნდა იყოს ამ პოპულაციაში რისკის/სარგებლის ფრთხილად შეფასების შემდეგ და მხოლოდ ალტერნატიული მკურნალობის არარსებობის შემთხვევაში. ღვიძლის ფუნქციის დიაგნოსტიკა უნდა ჩატარდეს უშუალოდ თერაპიის დაწყებამდე და დასრულების შემდეგ, სანამ ღვიძლის ფუნქცია ნორმალურ ფარგლებში არ იქნება ან საბაზისო მნიშვნელობების მიღწევამდე. თუ მკურნალობის დროს ღვიძლის სინჯების კვლევების შედეგები მნიშვნელოვნად გაიზრდება, პრეპარატის მიღება უნდა შეწყდეს. კოკეინის სინდრომის მქონე პაციენტებმა დაუყოვნებლივ უნდა შეატყობინონ ექიმს ღვიძლის ფუნქციის დარღვევის ნებისმიერი სიმპტომის შესახებ და შეწყვიტონ მეტრონიდაზოლის მიღება.
ზემოქმედება ავტოტრანსპორტის და მექანიზმების მართვის უნარზე
მეტრონიდაზოლმა სისტემური გამოყენებისას შეიძლება გავლენა მოახდინოს ავტოტრანსპორტის და მექანიზმების მართვის უნარზე. ვაგინალურად შეყვანისას მეტრონიდაზოლი შეიწოვება უფრო მცირე რაოდენობით, ვიდრე სისტემური შეყვანისას. ლიმენდამ შეიძლება გავლენა მოახდინოს ავტოტრანსპორტის და მექანიზმების მართვის უნარზე, რადგან შეიძლება გამოიწვიოს თავბრუსხვევა, ატაქსია, დაღლილობა და სისუსტე.
ფერტილობა, გამოყენება ორსულობისა და ლაქტაციის პერიოდში
რეპროდუქციული პოტენციალის ქალები/კონტრაცეფცია
ლიმენდათი მკურნალობის დროს გამოყენებული უნდა იყოს კონტრაცეფციის შესაბამისი მეთოდები, ვინაიდან პრეპარატის აქტიური ინგრედიენტების გავლენა ნაყოფის განვითარებაზე სრულად ცნობილი არ არის.
ორსულობა
ცხოველებზე კვლევების მონაცემები არასაკმარისია ორსულობაზე, ემბრიონის/ნაყოფის განვითარებაზე, მშობიარობაზე და/ან პოსტნატალურ განვითარებაზე ზემოქმედების თვალსაზრისით. პოტენციური საფრთხე ადამიანებისთვის უცნობია.
ორსულობის პირველ ტრიმესტრში პრეპარატის გამოყენების შესახებ მონაცემები არასაკმარისია. ლიმენდას სუპოზიტორიები არ უნდა იქნას გამოყენებული ორსულობის პირველ ტრიმესტრში. ორსულობის მეორე და მესამე ტრიმესტრში სარგებლობა-რისკის თანაფარდობა უნდა შეფასდეს ექიმის მიერ, პრეპარატი არ უნდა იქნას გამოყენებული ორსულობის დროს, გარდა იმ შემთხვევებისა, როდესაც აშკარად აუცილებელია.
ლაქტაცია
მკურნალობის დროს ძუძუთი კვება უნდა შეწყდეს, ვინაიდან მეტრონიდაზოლი გადადის დედის რძეში. ძუძუთი კვება შეიძლება განახლდეს მკურნალობის დასრულებიდან 24-48 საათის შემდეგ.
ფერტილობა
მეტრონიდაზოლისა და მიკონაზოლის ნიტრატის ცალკე გამოყენებისას არ არსებობს არასასურველი ეფექტი ადამიანის ფერტილურობაზე.
ურთიერთქმედება სხვა სამკურნალო საშუალებებთან
მეტრონიდაზოლის შეწოვის გამო შეიძლება აღინიშნოს შემდეგი ურთიერთქმედებები:
ალკოჰოლი: ალკოჰოლის აუტანლობა (დისულფირამის მსგავსი რეაქციების რისკი).
ამიოდარონი: კარდიოტოქსიურობის რისკის გაზრდა (QT ინტერვალის გახანგრძლივება, „პირუეტის“ ტიპის ტაქიკარდია, გულის გაჩერება).
ასტემიზოლი და ტერფენადინი: ამ ნაერთების მეტაბოლიზმის დათრგუნვა და პლაზმაში მათი კონცენტრაციის მომატება.
დისულფირამი: ცენტრალური ნერვული სისტემის დარღვევები (ფსიქოზური რეაქციები).
ფენიტოინი: ფენიტოინის დონის მომატება და პლაზმაში მეტრონიდაზოლის დონის დაქვეითება.
ფენობარბიტალი: პლაზმაში მეტრონიდაზოლის დონის დაქვეითება.
ფტორურაცილი: ფტორურაცილის დონის მომატება პლაზმაში და მისი ტოქსიურობის გაზრდა.
კარბამაზეპინი: პლაზმაში კარბამაზეპინის კონცენტრაციის მომატება.
ლითიუმი: ლითიუმის ტოქსიური მოქმედების გაზრდა.
პერორალური ანტიკოაგულანტები: ანტიკოაგულანტური ეფექტის გაძლიერება (სისხლდენის განვითარების მაღალი რისკი).
ციკლოსპორინი: ციკლოსპორინის ტოქსიური ეფექტის გაძლიერება.
ციმეტიდინი: პლაზმაში მეტრონიდაზოლის დონის მომატებისა და ნევროლოგიური დარღვევების განვითარების რისკი.
შესაძლებელია სისხლში ღვიძლის ფერმენტების, გლუკოზის (ჰექსოკინაზური მეთოდით მისი განსაზღვრისას), თეოფილინისა და პროკაინამიდის დონეებზე ზემოქმედება.
მიკონაზოლის ნიტრატის შეწოვის გამო, შესაძლებელია შემდეგი ურთიერთქმედებები:
აცენოკუმაროლი, ანიზინდიონი, დიკუმაროლი, ფენინდიონი, ფენპროკუმონი, ვარფარინი: სისხლდენის რისკის გაზრდა.
ასტემიზოლი, ციზაპრიდი, ტერფენადინი: ამ პრეპარატების მეტაბოლიზმის დათრგუნვა და მათი პლაზმური კონცენტრაციის მომატება.
ფენიტოინი და ფოსფენიტოინი: ფენიტოინის ტოქსიკური ეფექტების რისკი (ატაქსია, ჰიპერრეფლექსია, ნისტაგმი, ტრემორი).
ფენტანილი: ოპიოიდური პრეპარატების მოქმედების ხანგრძლივობის გაზრდა (ცენტრალური ნერვული სისტემის და სუნთქვის დათრგუნვა).
გლიმეპირიდი: ჰიპოგლიკემიის განვითარება.
კარბამაზეპინი: კარბამაზეპინის მეტაბოლიზმის დაქვეითება.
ოქსიბუტინინი: ოქსიბუტინინის მეტაბოლიზმის დათრგუნვა, რაც იწვევს პლაზმაში მისი კონცენტრაციის მატებას (პირის სიმშრალე, ყაბზობა, თავის ტკივილი).
ოქსიკოდონი: ოქსიკოდონის კონცენტრაციის მომატება პლაზმაში და მისი კლირენსის დაქვეითება.
პიმოზიდი: კარდიოტოქსიკურობის რისკის გაზრდა (QT ინტერვალის გახანგრძლივება, „პირუეტის“ ტიპის ტაქიკარდია, გულის გაჩერება).
ციკლოსპორინი: ციკლოსპორინის ტოქსიკური ეფექტის გაძლიერების რისკი (თირკმელების ფუნქციის დარღვევა, ქოლესტაზი, პარესთეზია).
ტოლტეროდინი: ტოლტეროდინის ბიოშეღწევადობის გაზრდა პაციენტებში ციტოქრომ P450 2D6-ის შემცირებული აქტივობით.
ტრიმეტრექსატი: ტრიმეტრექსატის ტოქსიკური ეფექტის გაზრდა (ძვლის ტვინის დათრგუნვა, თირკმელების და ღვიძლის ფუნქციის დაქვეითება, კუჭ-ნაწლავის ტრაქტის წყლულოვანი დაზიანება).
პაციენტთა განსაკუთრებული ჯგუფები
ურთიერთქმედების კვლევები პაციენტთა განსაკუთრებულ ჯგუფებში არ ჩატარებულა.
პედიატრიული პოპულაცია
ბავშვებში ურთიერთქმედების კვლევები არ ჩატარებულა.
დოზის გადაჭარბება
შეიძლება განვითარდეს მეტრონიდაზოლის სისტემური ეფექტები დიდი რაოდენობით სუპოზიტორიების გამოყენებისას. ნაკლებად სავარაუდოა, რომ მეტრონიდაზოლმა გამოიწვიოს სიცოცხლისათვის საშიში სიმპტომები ვაგინალური გამოყენებისას.
მეტრონიდაზოლის ჭარბი დოზის მიღებისას შეიძლება აღინიშნოს გულისრევა, ღებინება, მუცლის ტკივილი, დიარეა, ქავილი, მეტალის გემო პირში, ატაქსია, თავბრუსხვევა, პარესთეზია, კრუნჩხვები, ლეიკოპენია, მუქი შარდი. მიკონაზოლის ნიტრატის დოზის გადაჭარბებამ შეიძლება გამოიწვიოს წვის შეგრძნება პირისა და ყელის არეში, ანორექსია, გულისრევა, ღებინება, თავის ტკივილი, დიარეა.
დიდი რაოდენობით სუპოზიტორიების შემთხვევით გადაყლაპვის შემთხვევაში, საჭიროების შემთხვევაში, შეიძლება კუჭის ამორეცხვა. ამის შემდეგ მდგომარეობის გაუმჯობესება შეიძლება მიღწეული იყოს იმ პირებში, რომლებმაც მიიღეს პერორალურად 12 გ-მდე მეტრონიდაზოლი. სპეციალური ანტიდოტი არ არსებობს. რეკომენდებულია სიმპტომური და დამხმარე თერაპია.
გამოშვების ფორმა
ვაგინალური სუპოზიტორები.
7 სუპოზიტორია სტრიპში.
1 ან 2 სტრიპი სათითურებთან ერთად (7 ან 14 ცალი შესაბამისად) და სამედიცინო გამოყენების ინსტრუქცია მუყაოს კოლოფში.
შენახვის პირობები
ინახება სინათლისგან დაცულ ადგილას არაუმეტეს 25°C ტემპერატურაზე.
ინახება ბავშვებისაგან მიუწვდომელ ადგილას!
სად შევიძინოთ?