ლიბექსინი / LIBEXIN
- საერთაშორისო დასახელება (აქტიური ნივთიერება): prenoxdiazine
- კლინიკურ-ფარმაკოლოგიური ჯგუფი: პულმონოლოგია → მუკოლიზური და ხველის საწინააღმდეგო საშუალებები → ხველის საწინააღმდეგო საშუალებები
- მწარმოებელი კომპანია: Chinoin Pharmaceutical & Chemical Works Co
- მწარმოებელი ქვეყანა: უნგრეთი
- გამოშვების ფორმა: 100მგ ტაბლეტი #20
- გაცემის რეჟიმი: III ჯგუფი (ურეცეპტოდ)
შემადგენლობა
მოქმედი ნივთიერება: პრენოქსდიაზინის ჰიდროქლორიდი – 100 მგ.
დამხმარე ნივთიერებები: გლიცეროლი (გლიცერინი), მაგნიუმის სტეარატი, ტალკი, პოვიდონი, სიმინდის სახამებელი, ლაქტოზის მონოჰიდრატი.
აღწერა: თეთრი ან თითქმის თეთრი ფერის მრგვალი ბრტყელი ტაბლეტები ჩამოჭრილი კიდეებით ორივე მხარეს. ერთ მხარეს გრავირება “LIBEXIN”, მეორე მხარეს გამყოფი ხაზი, რომელიც ტაბლეტს ყოფს ოთხ ნაწილად.
ფარმაკოთერაპიული ჯგუფი: პერიფერიული მოქმედების ხველის საწინააღმდეგო საშუალება.
ათქ კოდი: R05DB18.
ფარმაკოლოგიური თვისებები
ფარმაკოდინამიკა
პრენოქსდიაზინი არის პერიფერიული მოქმედების ხველის საწინააღმდეგო საშუალება. პრეპარატი აბლოკირებს ხველის რეფლექსის პერიფერიულ რგოლებს შემდეგი ეფექტების შედეგად:
- ადგილობრივი ტკივილგამაყუჩებელი მოქმედება, რომელიც ამცირებს სასუნთქი გზების პერიფერიული მგრძნობიარე (ხველის) რეცეპტორების აღგზნებადობას;
- ბრონქების გამაფართოებელი მოქმედება, რომლის შედეგად ხდება ხველის რეფლექსში მონაწილე დაჭიმვის რეცეპტორების დათრგუნვა;
- სასუნთქი ცენტრის აქტივობის შემცირება (სუნთქვის დათრგუნვის გარეშე).
პრეპარატის ხველის საწინააღმდეგო ეფექტი კოდეინის ეფექტის მსგავსია. პრენოქსდიაზინი არ იწვევს შეჩვევას და სამკურნალწამლო დამოკიდებულებას. ქრონიკული ბრონქიტის დროს აღინიშნა პრენოქსდიაზინის ანთების საწინააღმდეგო მოქმედება.
პრენოქსდიაზინი არ მოქმედებს ცენტრალური ნერვული სისტემის ფუნქციაზე, გარდა შესაძლო არაპირდაპირი ანქსიოლიზური მოქმედებისა.
ფარმაკოკინეტიკა
პრენოქსდიაზინი სწრაფად და მნიშვნელოვანი ხარისხით აბსორბირდება კუჭ-ნაწლავის ტრაქტში.
პრენოქსდიაზინის მაქსიმალური პლაზმური კონცენტრაცია მიიღწევა პრეპარატის მიღებიდან 30 წუთის შემდეგ, მისი თერაპიული კონცენტრაცია ნარჩუნდება 6-8 საათი.
კავშირი პლაზმის ცილებთან შეადგენს 55-59%-ს.
ნახევარგამოყოფის პერიოდი შეადგენს 2,6 საათს.
მიღებული დოზის დიდი ნაწილი მეტაბოლიზდება ღვიძლში, მხოლოდ პრეპარატის მიღებული დოზის 1/3 გამოიყოფა შეუცვლელი სახით, ხოლო დანარჩენი ნაწილი - მეტაბოლიტების სახით (გამოყოფილია პრენოქსდიაზინის 4 მეტაბოლიტი).
პრენოქსდიაზინის მეტაბოლიზმის პირველი 12 საათის განმავლობაში მნიშვნელოვან როლს თამაშობს მისი და მისი მეტაბოლიტების ბილიარული ექსკრეცია. მიღებიდან 24 საათში გამოიყოფა პრეპარატი 93%. პერორალურად მიღებიდან 72 საათში მიღებული დოზის 50-74% გამოიყოფა განავალით და 26-50% - შარდით.
გამოყენების ჩვენება
ნებისმიერი წარმოშობის არაპროდუქტიული ხველა (ზედა სასუნთქი გზების კატარის, გრიპის, მწვავე და ქრონიკული ბრონქიტის, პნევმონიის, ემფიზემის დროს; ღამის ხველის დროს ავადმყოფებში გულის უკმარისობით; პაციენტების მომზადებისას ბრონქოსკოპული ან ბრონქოგრაფიული გამოკვლევისთვის).
უკუჩვენება
• მომატებული მგრძნობელობა პრენოქსდიაზინის ან პრპარატის სხვა კომპონენტების მიმართ.
• მდგომარეობები, რომლებიც მიმდინარეობს გაძლიერებული ბრონქული სეკრეციით.
• ოპერაციის შემდგომი მდგომარეობები (ინჰალაციური ნარკოზის შემდეგ).
• პრეპარატი შეიცავს ლაქტოზას. არ შეიძლება მოცემული პრეპარატის მიღება ისეთი მემკვიდრეობითი დაავადებების მქონე პაციენტებისთვის, როგორიცაა გალაქტოზის აუტანლობა, ლაქტაზის დეფიციტი ან გლუკოზა-გალაქტოზის მალაბსორბცია.
• 1 წლამდე ბავშვთა ასაკი.
სიფრთხილით
ბავშვთა ასაკი, ხანდაზმული ასაკი, ღვიძლის, თირკმელების ფუნქციის დარღვევები.
ძნელად ამოსახველებელი ბლანტი ნახველის თანხლებით მიმდინარე ხველის შემთხვევაში პაციენტებისთვის რეკომენდებულია მუკოლიზური ან ამოსახველებელი საშუალებების გამოყენება.
გამოყენება ორსულობის და ძუძუთი კვების პერიოდში
ორსულობა
პრეპარატის გამოყენებამდე რეკომენდებულია ექიმთან კონსულტაცია.
ძუძუთი კვების პერიოდში
უცნობია, გამოიყოფა თუ არა პრენოქსდიაზინი დედის რძეში.
ძუძუთი კვების პერიოდში პრეპარატი ლიბექსინი® მიიღება მხოლოდ ექიმის მეთვალყურეობით.
ორსულობისა და ძუძუთი კვების პერიოდში პრეპარატ ლიბექსინის® გამოყენება შეიძლება მხოლოდ იმ შემთხვევაში, თუ დედისთვის პოტენციური სარგებელი აღემატება შესაძლო რისკს ნაყოფისთვის ან ბავშვისთვის.
გამოყენების წესი და დოზები
ტაბლეტები მიიღება დაუღეჭავად (პირის ღრუს ლორწოვანი გარსის ანესთეზიის თავიდან ასაცილებლად).
მოზრდილები:
100 მგ (1 ტაბლეტი) 3-4 ჯერ დღე-ღამეში.
უფრო მძიმე შემთხვევებში შეიძლება დოზის გაზრდა:
200 მგ-მდე (2 ტაბლეტი) 3-4 ჯერ დღე-ღამეში ან
300 მგ-მდე (3 ტაბლეტი) 3 ჯერ დღე-ღამეში.
ბავშვები 1-დან 6 წლამდე ან 10-20 კგ სხეულის მასით*:
50 მგ (1/2 ტაბლეტი) 3 ჯერ დღე-ღამეში.
ბავშვები 6-დან 14 წლამდე ან 20 კგ-ზე მეტი სხეულის მასით*:
50 მგ (1/2 ტაბლეტი) 3-4 ჯერ დღე-ღამეში.
* პაციენტის ასაკისა და სხეულის მასის შესაბამისად რეკომენდებული დოზა პროპორციულად ნაკლებია: 1/4-დან 1/2 ტაბლეტი 3-4 ჯერ დღე-ღამეში (25-50 მგ 3-4 ჯერ დღე-ღამეში).
მაქსიმალური ერთჯერადი დოზა:
ბავშვებისთვის - 50 მგ (1/2 ტაბლეტი),
მოზრდილებისთვის - 300 მგ (3 ტაბლეტი).
დღე-ღამის მაქსიმალური დოზა:
ბავშვებისთვის - 200 მგ (2 ტაბლეტი),
მოზრდილებისთვის - 900 მგ (9 ტაბლეტი).
ბრონქოსკოპიისთვის მომზადებისას დოზა 0.9-3.8 მგ/სხეულის მასის კგ-ზე ინიშნება 0.5-1 მგ ატროპინთან კომბინაციაში პროცედურის დაწყებამდე 1 საათით ადრე.
გვერდითი მოქმედება
გვერდითი მოვლენების განვითარების სიხშირის კლასიფიკაცია (ჯანდაცვის მსოფლიო ორგანიზაცია):
ძალიან ხშირად >10%;
ხშირად >1%-<10%;
არც ისე ხშირად >0,1%-<1%;
იშვიათად >0,01%-<0,1%;
ძალიან იშვიათად <0,01%;
სიხშირე უცნობია - არსებული მონაცემების საფუძველზე სიხშირის დადგენა შეუძლებელია).
დარღვევები კუჭ-ნაწლავის ტრაქტის მხრივ
ხშირად - გულისრევა.
იშვიათად - პირის ღრუს ლორწოვანი გარსის ანესთეზია (დროებითი დაბუჟება და მგრძნობელობის დაკარგვა);
სიხშირე უცნობია - პირის ან ყელის სიმშრალე, მუცლის ტკივილი, ყაბზობა (რომელიც ქრება საკვების მიღებისას).
იმუნური სისტემის დარღვევები, კანისა და კანქვეშა ქსოვილების დაზიანებები
იშვიათად - კანზე გამონაყარი, ანგიონევროზული შეშუპება.
სიხშირე უცნობია - ალერგიული რეაქციები.
დარღვევები სასუნთქი სისტემის, გულ-მკერდის და შუასაყრის ორგანოების მხრივ
სიხშირე უცნობია - ბრონქოსპაზმი.
დარღვევები ნერვული სისტემის მხრივ
სიხშირე უცნობია - მსუბუქი სედაციური ეფექტი, დაღლილობა (აღნიშნული გვერდითი მოვლენები ვლინდება პრეპარატის გამოყენებისას თერაპიულზე მაღალი დოზებით).
დოზის გადაჭარბება
თერაპიულზე მაღალი დოზის მიღების შემთხვევაში შესაძლებელია სედაციური ეფექტის და დაღლილობის განვითარება პრეპარატის მიღებიდან რამდენიმე საათის განმავლობაში.
ურთიერთქმედება სხვა სამკურნალო საშუალებებთან
რეკომენდებული არ არის პრეპარატის კომბინირება მუკოლიზურ და ამოსახველებელ საშულებებთან, რადგან მას შეუძლია გააძნელოს ამ უკანასკნელის მიერ გათხელებული ნახველის გამოყოფა.
არ არის წინაკლინიკური და კლინიკური ცნობები სამკურნალწამლო ურთიერთქმედების შესახებ.
განსაკუთრებული მითითებები
პრეპარატი შეიძლება იწვევდეს ჩივილებს კუჭ-ნაწლავის ტრაქტის მხრივ ლაქტოზის აუტანლობის მქონე პაციენტებში, რადგან ტაბლეტები შეიცავს ლაქტოზას (0,38 მგ ლაქტოზას თითო ტაბლეტში).
პრეპარატის ზემოქმედება სატრანსპორტო საშუალებების მართვის და მექანიზმებთან მუშაობის უნარზე
პრეპარატის მაღალი დოზების მიღებამ შეიძლება დააქვეითოს ყურადღება. შედეგად, შესაძლებელია ზემოქმედება სატრანსპორტო საშუალებების მართვის და მექანიზმებთან მუშაობის უნარზე.
გამოშვების ფორმა
100 მგ ტაბლეტები.
20 ტაბლეტი პოლივინილქლორიდის ფირფიტის და ალუმინის ფოლგის ბლისტერში.
თითო ბლისტერი გამოყენების ინსტრუქციასთან ერთად მუყაოს კოლოფში.
შენახვის პირობები
პრეპარატი ინახება არა უმეტეს 25°C ტემპერატურაზე.
პრეპარატი შეინახეთ ბავშვებისათვის მიუწვდომელ ადგილას.
ვარგისობის ვადა
5 წელი.
არ გამოიყენოთ შეფუთვაზე მითითებული ვარგისობის ვადის გასვლის შემდეგ.
აფთიაქიდან გაცემის პირობა
რეცეპტის გარეშე.
სად შევიძინოთ?