გროპრინოსინი® ფორტე / GROPRINOSIN ® FORTE
- მწარმოებელი კომპანია: GEDEON RICHTER POLAND
- მწარმოებელი ქვეყანა: პოლონეთი
- გამოშვების ფორმა: გრანულები შინაგანად მისაღები ხსნარის მოსამზადებლად
- გაცემის რეჟიმი: I ჯგუფი (გაიცემა ფორმა N1 რეცეპტით)
საერთაშორისო არაპატენტირებული დასახელება (სად) : ინოზინ პრანობექს (inosine pranobex)
შემადგენლობა
თითოეული პაკეტი შეიცავს:
აქტიური ნივთიერება: 1000 მგ ინოზინ პრანობექსი .
დამხმარე ნივთიერებები: პოვიდონი K-30, იზომალტი (E953), სუკრალოზა (E955), ლიმონის არომატიზატორი ( მალტოდექსტრინი , საქაროზა, მოდიფიცირებული სახამებელი (E1450), ასკორბინის მჟავა (E300), გემოსა და არომატის მიმცემი პრეპარატები და ბუნებრივი გემოსა და არომატის მიმცემი ნივთიერებები ).
აღწერა: გრანულები თეთრი ან მოთეთრო-მოკრემისფრო ელფერით. წყალში გახსნის შემდეგ ხსნარს აქვს ლიმონის მოტკბო გემო და ლიმონის სუსტი სუნი.
ფარმაკოთერაპიული ჯგუფი: სისტემური გამოყენების ანტივირუსული საშუალებები. პირდაპირი მოქმედების ანტივირუსული საშუალებები.
ათქ კოდი: J05AX05
ფარმაკოდინამიკა
ინოზინ პრანობექსი არის პურინის სინთეთიკური წარმოებული, და წარმოადგენს კომპლექსს, რომელიც შეიცავს ინოზინს და 4-აცეტამინობენზოის მჟავას (PacBA) მარილს N, N-დიმეთილამინო-2-პროპანოლთან (DIP) მოლარული თანაფარდობით 1:3. მას გააჩნია იმუნომამოდულირებელი და ანტივირუსული თვისებები, რომლებიც განპირობებულია ორგანიზმში პრეპარატის მოქმედებით გამოწვეული იმუნური პასუხის გაძლიერებით.
კლინიკურ კვლევებში იყო ნაჩვენები, რომ, ინოზინ პრანობექსი ახდენს უჯრედული იმუნიტეტის დეფიციტის ან დისფუნქციის ნორმალიზებას, იწვევს რა T-ლიმფოციტების 1 ტიპის ჰეპერების პასუხს, რომელიც აინიცირებს T-ლიმფოციტების მომწიფებას და დიფერენციაციას და აპოტენცირებს მიტოგენ- ან ანტიგენ-გააქტიურებული უჯრედების ინდუცირებულ იმუნურ პასუხებს. გარდა ამისა, პრეპარატი ამოდულირებს T-ლიმფოციტებისა და ბუნებრივი ქილერების ციტოტოქსიურობას, T8 სუპრესორების და T4 ჰელპერების ფუნქციებს, და ასევე ხელს უწყობს IgG და იმუნოკომპეტენტური ზედაპირული მარკერების რაოდენობის მატებას. In vitro კვლევებში ინოზინ პრანობექსი აძლიერებდა ციტოკინების ( ინტერლეიკინების ) IL-1 და IL-2 წარმოებას, არეგულირებდა IL-2- ს მიმართ რეცეპტორის ექსპრესიას. ეს მნიშვნელოვნად ზრდიდა ენდოგენური ინტერფერონ-γ-ს in vivo სეკრეციას და ამცირებდა IL-4-ის წარმოქმნას. გარდა ამისა, იყო ნაჩვენები ნეიტროფილების, მონოციტების და მაკროფაგების ქემოტაქსისის და ფაგოციტოზის გაძლიერება.
ბუნებრივ პირობებში ( in vivo ) ინოზინ პრანობექსი ხელს უწყობს ლიმფოციტებში მრნმ-ის დაქვეითებული სინთეზსა და ტრანსკრიფციის მაჩვენებლების პოტენცირებას, ამავდროულად თავიდან იცილებს რა ვირუსული რნმ-ის სინთეზს იმ ხარისხით, რომელიც ჯერ კიდევ საჭიროებს გარკვევას, შემდეგი გზით:
(1) ინოზინგანპირობებული ოროტის მჟავის პოლირიბოსომებში ჩართვით,
(2) ვირუსულ ინფორმაციულ რნმ-ზე პოლიადენილის მჟავას მიმაგრების ინჰიბირებით,
(3) ლიმფოციტების შიდამემბრანული იმ ნაწილაკების (IMPs) მოლეკულური გადანაწილებით, რომლებიც იღებენ მონაწილეობას სიგნალების გამოსხივებაში სპეციფიკური T-უჯრედული რეცეპტორების ( TcR ) მეშვეობით, რაც იწვევს სიმკვრივის თითქმის სამჯერად ზრდას.
ინოზინ პრანობექსი in vitro აინჰიბირებს ცგმფ-ფოსფოდიესთერაზას მხოლოდ მაღალ კონცენტრაციების დროს, ხოლო in vivo - ისეთი შემადგენლობებით, რომელებიც არ იწვევენ იმუნოფარმაკოლოგიურ ეფექტებს.
ინოზინ პრანობექსი in vitro ავლენს დამთრგუნველ მოქმედებას 1 ტიპის ჰერპესის ვირუსის (HSV-1) რეპლიკაციაზე .
ფარმაკოკინეტიკა
პრეპარატის თითოეულ კომპონენტს გააჩნია საკუთარი ფარმაკოლოგიური თვისებები.
შეწოვა
ადამიანებში, შიგნით მიღებისას, ინოზინ პრანობექსი სწრაფად და მთლიანად შეიწოვება (≥ 90%) კუჭ-ნაწლავის ტრაქტიდან და აღწევს სისხლში. რეზუს- მაკაკებში, ინოზინ პრანობექსის პერორალურად შეყვანისას, თითქმის მთლიანად (სისხლში კონცენტრაციის 94%-100%) გამოიყოფოდა შარდში პრეპარატის ისეთი კომპონენტები, როგორიცაა DIP [N, N-დიმეთილამინო-2-პროპანოლი] და PAcBA [p- აცეტამინობენზოის მჟავა ] .
განაწილება
მაიმუნებში შეყვანილი რადიოაქტიული იზოტოპებით მონიშნული მასალა აღმოჩენილ იქნა შემდეგ ორგანოებში აქტივობის კლებადობის მიხედვით: თირკმელები, ფილტვები, ღვიძლი, გული, ელენთა, სათესლე ჯირკვლები, პანკრეასის ჯირკვალი, ტვინი და ჩონჩხის მუსკულატურა.
მეტაბოლიზმი
ადამიანის ორგანიზმში ძირითადი მეტაბოლიტებია N-ოქსიდი DIP-ისათვის და ო- აცილგლუკურონიდი PAcBA- სათვის . ვინაიდან ინოზინი მეტაბოლიზდება პურინების შარდმჟავამდე გარდაქმნის გზით, ადამიანებში ექსპერიმენტები რადიოაქტიური მარკირებით შეუძლებელია. 1 გ ინოზინის პრანობექსის პერორალური მიღების დროს პლაზმაში განისაზღვრებოდა 3,7 მკგ/მლ (2 საათი) DIP და 9,4 მკგ/მლ (1 საათი) PAcBA . ადამიანების მიერ ამტანობის უნარის კვლევებში შარდმჟავას კონცენტრაციის მატება ( რომელიც განიხილება, როგორც პრეპარატში შემავალი ინოზინის საზომი) მიღების შემდეგ ატარებდა არაწრფივ ხასიათს და იცვლებოდა ± 10% ფარგლებში 1-3 საათის განმავლობაში.
გამოყოფა
PAcBA-ს და მისი ძირთადი მეტაბოლიტის 24-საათიანი ექსკრეცია შარდით დღეში 4 გ მუდმივი მიღებისას შეადგენდა შეყვანილი დოზის დაახლოებით 85%-ს. შარდში მონიშნული DIP-ის რადიოაქტიურობის 95% განპირობებული იყო იქ DIP-ის არსებობით უცვლელი სახით და DIP N-ოქსიდის სახით. ნახევარგამოყოფის პერიოდი შეადგენდა 3.5 საათი DIP-ისათვის და 50 წუთი PAcBA- სათვის. ცხოველებში პერორალურად შეყვანილი ინოზინის დაახლოებით 70% ტრანსფორმირდება შარდმჟავამდე შარდში, ხოლო დარჩენილი ნაწილი გარდაიქმნება ქსანთინისა და ჰიპოქსანთინის ნორმალურ მეტაბოლიტებამდე.
ბიოშეღწევადობა ( AUC )
სტაბილურ პირობებშსი PacBA-ს ფრაგმენტის და მისი მეტაბოლიტის აღდგენა შარდში შეადგენდა მოსალოდნელი მნიშვნელობის ≥ 90%. DIP ფრაგმენტისა და მისი მეტაბოლიტის აღდგენამ შეადგინა ≥ 76%. სისხლის პლაზმაში AUC -მა DIP-სათვის შეადგინა ≥ 88%, PAcBA- სთვის ≥ 77%.
გამოყენების ჩვენებები
სუსტი იმუნიტეტის მქონე პირების მკურნალობის დამატებითი მეთოდი ზედა სასუნთქი გზების მორეციდივე ინფექციების არსებობის დროს
მარტივი ჰერპესის (herpes simplex) ვირუსით გამოწვეული ტუჩების და სახის კანის ჰერპესის მკურნალობა .
ანოგენიტალური მიდამოს პაპილომავირუსული ინფექცია, მახვილწვეტიანი კონდილომები, როგორც დამხმარე საშუალება პოდოფილინით თერაპიისა და CO2 ლაზერული დესტრუქციის დროს .
სხვა ვირუსული ინფექციები (მაგალითად, ქვემწვავე მასკლეროზებელი პანენცეფალიტი).
უკუჩვენებები
ჰიპერმგრძნობელობა აქტიური ნივთიერების ან ნებისმიერი დამხმარე ნივთიერების მიმართ, რომლებიც ჩამოთვლილია პუნქტში "შემადგენლობა".
პოდაგრის მწვავე შეტევა ან სისხლში შარდმჟავას მომატებული კონცენტრაცია.
გამოიყენება ორსულობისა და ძუძუთი კვების დროს
ინოზინის გავლენა ნაყოფის განვითარებაზე ადამიანებში არ არის შეფასებული. ასევე უცნობია გადადის თუ არა ინოზინი დედის რძეში. ამრიგად, გროპრინოსინი ® ფორტე არ უნდა იქნას გამოყენებული ორსულ ქალებში ან ძუძუთი კვების დროს, თუ ექიმი არ გადაწყვეტს, რომ სარგებელი აღემატება პოტენციურ რისკს.
მიღების წესი და დოზები
დოზირების რეჟიმი
დოზა განისაზღვრება პაციენტის სხეულის წონისა და დაავადების სიმძიმის მიხედვით. სადღეღამისო დოზა უნდა დაიყოს თანაბარ ნაწილად დღეში რამოდენიმეჯერ მისაღებად. მკურნალობის ხანგრძლივობა შეადგენს, როგორც წესი, 5- 14 დღეს. პრეპარატის მიღება უნდა გაგრძელდეს სიმპტომების გამოხატულების შემცირების შემდეგ კიდევ 1-2 დღის განმავლობაში.
დოზირების რეჟიმი ზრდასრულ პაციენტებში, მათ შორის ხანდაზმულებში
50 მგ/კგ სხეულის მასაზე, ე.ი. 3-4 პაკეტი (3-4 გ, ე.ი. 1 პაკეტი 3-4-ჯერ დღე-ღამეში). მაქსიმალური სადღეღამისო დოზა შეადგენს 4 გ დღე-ღამეში (4 პაკეტი დღე-ღამეში).
დოზირების რეჟიმი 1 წელზე უფროსი ასაკის ბავშვებში
50 მგ / კგ სხეულის მასაზე დღე-ღამეში, რომელიც დაყოფილია რამდენიმე მიღებად (1 პაკეტი 20 კგ სხეულის მასაზე დღე-ღამეში).
60 კგ-ზე ნაკლები წონის ბავშვებისა და მოზარდებისთვის, რომლებისათვისაც ზუსტი დოზირება არ შეიძლება მიღწეულ იქნას მოცემული სამკურნალო ფორმით, რეკომენდებულია გროპრინოსინის მიღება სიროფის სახით.
გამოყენების წესი
შიგნით მიღებისთვის. პაკეტის შიგთავსი უნდა იქნას გახსნილი ½ ჭიქა წყალში, აურიეთ და დალიეთ.
გვერდითი მოქმედება
ერთადერთი მუდმივად გამოვლენადი არასასურველი მოვლენა, რომელიც დაკავშირებულია პრეპარატის გამოყენებასთან, როგორც ზრდასრულებში, ასევე პედიატრიულ პაციენტებში, არის შარდმჟავას კონცენტრაციის მომატება სისხლის შრატში და შარდში (რომლის მაჩვენებლებიც, ჩვეულებრივ, ნორმის ფარგლებში რჩება). შარდმჟავას კონცენტრაცია ჩვეულებრივ ნორმალიზდება პრეპარატის მიღების შეწყვეტიდან რამოდენიმე დღეში.
არასასურველი რეაქციები, რომლებსაც შეიძლება ადგილი ჰქონდეს სამკურნალო საშუალების გამოყენების დროს, ჩამოთვლილია ქვემოთ განვითარების სიხშირისა და ორგანოთა სისტემების კლასიფიკაციის მიხედვით. სიხშირე განისაზღვრება შემდეგნაირად: ძალიან ხშირად (≥1/10); ხშირად (≥1/100-დან <1/10-მდე); არახშირად (≥1/1000-დან <1/100-მდე); იშვიათად (≥1/10000-დან <1/1000-მდე); ძალიან იშვიათად (<1/10000); სიხშირე უცნობია (შეუძლებელია შეფასდეს არსებული მონაცემების საფუძველზე).
|
სისტემურ- ორგანული კლასი MedDRA-ს მიხედვით |
სიხშირე |
არასასურველი რეაქციები |
|
დარღვევები იმუნური სისტემის მხრივ |
სიხშირე უცნობია |
ანგიონევროზული შეშუპება, ჰიპერმგრძნობელობის რეაქცია, ჭინჭრის ციება, ანაფილაქსიური რეაქცია, ანაფილაქსიური შოკი |
|
ფსიქიკური დარღვევები |
არახშირად |
მომატებული აგზნებადობა |
|
დარღვევები ნერვული სისტემის მხრივ |
ხშირად |
თავის ტკივილი , ვერტიგო |
|
არახშირად |
ძილიანობა , უძილობა |
|
|
სიხშირე უცნობია |
თავბრუსხვევა |
|
|
კუჭ-ნაწლავის დარღვევები |
ხშირად |
გულისრევა, ღებინება, დისკომფორტი ეპიგასტრიუმის არეში |
|
არახშირად |
დიარეა , ყაბზობა |
|
|
სიხშირე უცნობია |
ტკივილი ეპიგასტრალურ არეში |
|
|
დარღვევები კანისა და კანქვეშა ქსოვილის მხრივ |
ხშირად |
კანისმიერი ქავილი , გამონაყარი |
|
სიხშირე უცნობია |
ერითემა |
|
|
დარღვევები კუნთის, ჩონჩხის და შემაერთებელი ქსოვილის მხრივ |
ხშირად |
ართრალგია |
|
დარღვევები თირკმელებისა და შარდგამომყოფი გზების მხრივ |
არახშირად |
პოლიურია ( შარდის მოცულობის გაზრდა ) |
|
ზოგადი დარღვევები და რეაქციები შეყვანის ადგილზე |
ხშირად |
დაღლილობა , შეუძლოდ ყოფნა |
|
ლაბორატორიული და ინსტრუმენტული მონაცემები |
ძალიან ხშირად |
სისხლში შარდმჟავას კონცენტრაციის მომატება, შარდში შარდმჟავას კონცენტრაციის მომატება |
|
ხშირად |
სისხლში შარდოვანას მომატება, ტრანსამინაზების და ტუტე ფოსფატაზის აქტივობის მომატება სისხლში |
შეტყობინება არასასურველი რეაქციების შესახებ
შეტყობინება საეჭვო არასასურველი რეაქციების შესახებ სამკურნალო საშუალების რეგისტრაციის შემდეგ მნიშვნელოვანია. ეს იძლევა საშუალებას გაგრძელდეს სამკურნალო საშუალების „სარგებელი/რისკის“ თანაფარდობის მუდმივი მონიტორინგი. ჯანდაცვის სპეციალისტებს სთხოვენ მიაწოდონ შეტყობინებები ნებისმიერი საეჭვო არასასურველი რეაქციის შესახებ ინფორმაციის შეგროვების ეროვნული სისტემის მეშვეობით.
დოზის გადაჭარბება
პრეპარატ გროპრინოსინი ® ფორტე- ს დოზის გადაჭარბების არც ერთ შემთხვევაზე ცნობები არ მოუწოდებიათ.
ცხოველებში ტოქსიურობის კვლევების შედეგების გათვალისწინებით, სერიოზული გვერდითი ეფექტების განვითარება, გარდა შრატში შარდმჟავას კონცენტრაციის მნიშვნელოვანი ზრდისა, ნაკლებად სავარაუდოა.
დოზის გადაჭარბების შემთხვევაში მკურნალობა უნდა იყოს სიმპტომური და სასიცოცხლო მნიშვნელოვანი ფუნქციების შემანარჩუნებელი.
ურთიერთქმედება სხვა სამკურნალო საშუალებებთან
გროპრინოსინი ® ფორტე სიფრთხილით უნდა იქნას გამოყენებული პაციენტებში, რომლებიც ამავდროულად იღებენ:
ქსანტინოქსიდაზას ინჰიბიტორები (მაგალითად, ალოპურინოლი პოდაგრის სამკურნალოდ);
პრეპარატები, რომლებიც აძლიერებენ შარდმჟავას გამოყოფას შარდში, მათ შორის დიურეზული საშუალებები და თიაზიდური დიურეზულები (მაგალითად, ჰიდროქლორთიაზიდი, ქლორტალიდონი, ინდაპამიდი), აგრეთვე მარყუჟოვანი შარდმდენები (ფუროსემიდი, ტორასემიდი , ეთაკრინის მჟავა).
გროპრინოსინი ® ფორტე არ უნდა იქნას გამოყენებული იმუნოსუპრესანტებით თერაპიის დროს (მხოლოდ შეწყვეტის შემდეგ) (გამოიყენება ორგანოს ტრანსპლანტაციის შემდეგ ან აუტოიმუნური დაავადებების დროს), ვინაიდანან იმუნოსუპრესანტებთან ერთდროულმა გამოყენებამ შეიძლება გავლენა მოახდინოს პრეპარატ გროპრინოსინი ® ფორტეს- ს თერაპიულ ეფექტზე მისი ფარმაკოკინეტიკის შეცვლით .
პრეპარატ გროპრინოსინი ® ფორტე-სა და აზიდოთიმიდინის ერთდროული გამოყენების დროს (AZT - ზიდოვუდინი გამოიყენება აივ ინფექციის სამკურნალოდ), იზრდება ნუკლეოტიდების წარმოქმნა AZT-ს მოქმედების გაძლიერების ხარჯზე, მაგალითად, AZT-ს ბიოშეღწევადობის გაზრდის და მონოციტებში უჯრედშიდა ფოსფორილირების მატების გამო. როგორც შედეგი, ხდება გროპრინოსინი ® ფორტე-ს მიერ AZT-ის მოქმედების გაძლიერება.
სიფრთხილის ზომები
გროპრინოსინი ® ფორტე-მ შეიძლება გამოიწვიოს შარდმჟავას კონცენტრაციის დროებითი მატება სისხლის შრატში და შარდში, როგორც წესი, ნორმალური დიაპაზონის ფარგლებში (0,18-0,42 მმოლ/ლ), განსაკუთრებით მამაკაცებში და ორივე სქესის ხანდაზმულებში. შარდმჟავას კონცენტრაციის მატება განპირობებულია ინოზინის მონაწილეობით მის ფორმირებაში, მაგრამ არ არის დაკავშირებული ფერმენტის ძირითადი ფუნქციების ცვლილებასთან ან თირკმლის კლირენსთან. ამიტომ, გროპრინოსინი® ფორტე სიფრთხილით უნდა იქნას გამოყენებული პაციენტებში პოდაგრით ანამნეზში, ჰიპერურიკემიით, შარდკენჭოვანი დაავადებებით და თირკმელების ფუნქციის დარღვევით. ამ პაციენტებში მკურნალობის დროს საჭიროა შარდმჟავას დონის გულდასმითი კონტროლი.
პაციენტებში, რომლებიც იღებენ ხანგრძლივ თერაპიას, არსებობს თირკმელებში კენჭების წარმოქმნის შესაძლებლობა.
ხანგრძლივი მკურნალობის დროს (3 თვე ან მეტი), თითოეულს პაციენტს რეგულარულად უნდა გაუკონტროლდეს შარდმჟავას დონე სისხლის შრატში და შარდში, სისხლის საერთო ანალიზის მაჩვენებლები, ღვიძლისა და თირკმელების ფუნქცია.
ზოგიერთ პაციენტს შეიძლება განუვითარდეს ჰიპერმგრძნობელობის მძიმე რეაქციები (ჭინჭრის ციება, ანგიონევროზული შეშუპება, ანაფილაქსია). ასეთ შემთხვევებში პრეპარატ გროპრინოსინ® ფორტეთი მკურნალობა უნდა შეწყდეს.
გროპრინოსინი® ფორტე შეიცავს იზომალტს და საქაროზას. პაციენტებმა ფრუქტოზას აუტანლობის, გლუკოზა-გალაქტოზას მალაბსორბციის ან საქარაზა- იზომალტაზას დეფიციტის იშვიათი მემკვიდრეობითი პრობლემებით არ უნდა მიიღონ ეს სამკურნალო პრეპარატი. ეს შეიძლება იყოს საზიანო კბილებისთვის.
გავლენა სატრანსპორტო საშუალებების მართვისა და მექანიზმებთან მუშაობის უნარზე
ინოზინ პრანობექსის ფარმაკოდინამიკის გათვალისწინებით, ნაკლებად სავარაუდოა, რომ გროპრინოსინი˚ ფორტემ გავლენა მოახდინოს ავტომობილის მართვისა და მექანიზმების გამოყენების უნარზე.
გამოშვების ფორმა
პრეპარატის 1,8 გ (გრანულები შინაგანად მისაღები ხსნარის მოსამზადებლად) შეფუთულია ქაღალდის/ პე /ალ/ პე ფოლგის პაკეტში.
10 ან 30 პაკეტი მუყაოს კოლოფში სამედიცინო გამოყენების ინსტრუქციასთან ერთად.
შენახვის პირობები
შეინახეთ არაუმეტეს 25°C ტემპერატურაზე ორიგინალ შეფუთვაში, ტენიანობისგან დაცვის მიზნით.
შეინახეთ ბავშვებისათვის მიუწვდომელ ადგილზე.
ვარგისობის ვადა
2 წელი.
არ გამოიყენოთ შეფუთვაზე მითითებული ვარგისობის ვადის გასვლის შემდეგ.
პრეპარატის შესახებ ნებისმიერი ინფორმაციისთვის, ისევე როგორც პრეტენზიების არსებობის შემთხვევაში, უნდა დაუკავშირდეთ სარეგისტრაციო მოწმობის მფლობელის წარმომადგენელს.