სალუფონი - ჰუმანითი / salufon-humanity


შემადგენლობა:
ხსნარის ყოველი 5მლ შეიცავს: 
ცეტირიზინის ჰიდროქლორიდის  5მგ-ს

აღწერილობა:
ნარინჯისფერი, არომატული, სიროფისმაგვარი ხსნარი.

ფარმაკოთერაპიული ჯგუფი: 
სისტემური გამოყენების ანტიჰისტამინური საშუალება, პიპერაზინის წარმოებული.

ათქ კოდი: R06A E07.

ფარმაკოლოგიური თვისებები
ფარმაკოკინეტიკა
პლაზმის მდგრადი პიკური კონცენტრაცია შეადგენსის დაახლოებით 300ნგ/მლ, და მიიღწევა 1.0 ± 0.5სთ-ში. 10მგ ცეტირიზინის 10 დღის განმავლობაში მიღებისას კუმულაცია არ იღინიშნება. ფარმაკოკინეტიკური პარამეტრების ისეთი განაწილება, როგორიც არის პლაზმის პიკური კონცენტრაცია (Cmax)  და კონცენტრაციის მრუდქვედა ფართობი (AUC) ჯანმრთელ მოხალისეებში, ერთგვაროვანია.
ცეტირიზინის შეწოვის ხარისხი არ იცვლება საკვებთან ერთად, თუმცა შეწოვის სიჩქარე ნელდება. ხსნარის, კაფსულების და ტაბლეტების მიღების შემთხვევაში ბიოშეღწევადობის ხარისხი თანაბარია. გავრცელების კლინიკური მოცულობა შეადგენს 0.50 1კგ-ს. ცეტირიზინის პლაზმის ცილებთან კავშირი შეადგენს 93%.  ცეტირიზინი არ განიცდის პირველადი გავლის ექსტენსიურ მეტაბოლიზმს. დოზის დაახლოებით ორი მესამედი უცვლელი სახით გამოიყოფა შარდთან ერთად. საბოლოო ნახევრადგამოყოფის პერიოდი დაახლოებით 10სთ-ია. ცეტირიზინი ავლენს ხაზოვან კინეტიკას 5-60მგ-ის დოზების დიაპაზონში. 

ფარმაკოდინამიკა
მოქმედების მექანიზმი: 
III  თაობის ჰისტამინის H1-რეცეპტორების ბლოკატორია. მოქმედებს ალერგიის რეაქციის “ადრეულ სტადიაზე” და ამცირებს ეოზინოფილების მირგაციას; ასევე თრგუნავს ალერგიული რეაქციის “მოგვიანებით სტადიაზე” მედიატორების გამოყოფას, რაც განაპირობებს შეშუპების, ჰიპერემიის და ქავილის შემცირებას. პრაქტიკულად არ გააჩნია ანტიქოლინერგული და ანტისეროტონული მოქმედება. თერაპიულ დოზებში არ გააჩნია სედატიური ეფექტი ცენტრალურ ნერვულ სისტემაში დაბალი შეღწევის გამო. 

გამოყენების ჩვენებები
მოზრდილებნში და ბავშვებში 2 წლის ასაკიდან:
• ქრონიკული რინიტი, 
• სეზონური ალერგიული რინიტი (თივის ცხელება) 
• ქრონიკული იდიოპათიური ჭინჭრის ციება  

დოზირება და მიღების წესი: 
ხსნარი პერორალური გამოყენებისთვის.
მოზრდილები და ბავშვები 12 წლის ასაკიდან: 10მგ 1-ჯერ დღეში.
6-დან 11 წლამდე ასაკის ბავშვები: 5მგ 2-ჯერ დღეში ან 10მგ 1-ჯერ დღეში.
2-დან 5 წლამდე ასაკის ბავშვები: 5მგ დღეში ერთხელ ან ან 2.5მგ 2-ჯერ დღეში.
ხანდაზმულები: დოზის კორექცია საჭირო არ არის. 

გვერდითი ეფექტები
ცეტირიზინს გააჩნია მცირე გვერდითი ეფექტები ცნს-ის მხრივ: ძილიანობა, დაღლილობა, თავბრუსხვევა და თავის ტკივილი. ზოგ შემთხვევებში დაფიქსირდა ცნს-ის პარადოქსული სტიმულაცია. მიუხედავად იმისა, რომ ცეტირიზინი არის პერიფერიული H1-რეცეპტორების სელექციური ანტაგონისტი და ის შედარებით თავისუფალია ანტიქოლინერგული მოქმედებისგან, დაფიქსირებულია შარდვის გაძნელების, აკომოდაციის დარღვევის და პირის სიმშრალის ერთეული შემთხვევები.
დაფიქსირდა ღვიძლის ფუნქციის დარღვევის შემთხვევებიც, ღვიძლის ფერმენტების, ბილირუბინის მომატებით. ხშირ შემთხვევაში, აღნიშნული დარღვევები შექცევადია პრეპარატის მოხსნის შემდეგ.

უკუჩვენებები
- ცეტირიზინის ჰიდროქლორიდის, პრეპარატის შემადგენლობაში შემავალი ნებისმიერი სხვა კომპონენტის, ან ჰიდროქსიზინის მიმართ ჰიპერმგრძნობელობის შემთხვევაში.
- თირკმლის ფუნქციის მძიმე დარღვევები.

სხვა წამლებთან ურთიერთქმედება
ცეტირიზინის ფარმაკოკინეტიკის, ფარმაკოდინამიკის და ტოლერანტობის პროფილის გათვალისწინებით არ არის მოსალოდნელი ურთიერთქმედება სხვა პრეპარატებთან ერთდროული გამოყენებისას. ცეტირიზინის შეწოვის ხარისხი არ მცირდება საკვებთან ერთად მიღებისას, თუმცა შეწოვის სიჩქარე კლებულობს. 

განსაკუთრებული გაფრთხილებები
სიფრთხილეა საჭირო ალკოჰოლთან ერთდროული გამოყენებისას. სიფრთხილით ინიშნება შარდის შეკავების რისკ-ფაქტორების მქონე პაციენტებში (მაგ. ზურგის ტვინის დაზიანება, პროსტატის ჰიპერპლაზია) შარდის შეკავების რისკის გამო.
სიფრთხილით ინიშნება ეპილეფსიით დაავადებულ და გულყრების რისკის მქონე პაციენტებში.
ანტიჰისტამინური საშუალებების გამოყენებისას შესაძლებელია ალერგიული ტესტების დათრგუნვა, რის გამო მათი გაკეთება რეკომენდებულია გამოყოფის პერიოდის (3 დღის) შემდეგ.  
გალაქტოზას იშვიათი თანდაყოლილი აუტანლობის, ლაპპ ლაქტაზას დეფიციტის, ან გლუკოზა-გალაქტოზას შეწოვის დარღვევის მქონე პაციენტებში ცეტირიზინი არ გამოიყენება.

ორსულობა:
არსებობს მცირე მონაცემები ცეტირიზინის გამოყენების შესახებ ორსულობის დროს. სიფრთხილით გამოიყენება ორსულობის დროს.

ლაქტაცია:
ცეტირიზინი გადადის ლაქტატში პლაზმის 90%-ის 25% კონცენტრაციით, რაც დამოკიდებულია პრეპარატის მიღებიდან მასალის აღებამდე გასულ დროს. შესაბამისად, სიფრთხილით ინიშნება მეძუძურ ქალებში.

სატრანსპორტო საშუალებების მართვასა და მექანიზმებთან მუშაობის უნარზე გავლენა:
ცეტირიზინს შესაძლოა ქონდეს მცირე ან საშუალო გავლენა რეაქციის უნარზე, რაც გასათვალისწინებელია სატრანსპორტო საშუალებების მართვისას. ცეტირიზინმა შეიძლება გააძლიეროს ალკოჰოლის და ცნს-ის დამთრგუნველი პრეპარატების მოქმედება.
მგრძნობიარე პაციენტებში ალკოჰოლთან ან ცნს-ის დამთრგუნველი სხვა პრეპარატებთან ერთდროული მიღებისას შესაძლოა გამოიწვიოს სედაცია და შრომისუნარიანობის დარღვევა.

ჭარბი დოზირება
სიმპტომები ძირითადად დაკავშირებულია ცნს-ის დათრგუნვასთან  ან ანტიქოლინერგულ მოქმედებასთან.
რეკომენდებულ დღიურ დოზაზე 5-ჯერ მაღალი დოზის მიღების შემთხვევაში გვერდითი მოვლენებია: ცნობიერების დაბინდვა, დიარეა, თავბრუსხვევა, თავის ტკივილი, შემცივნება, მიდრიაზი, ქავილი, მოუსვენრობა, სედაცია, ძილიანობა, სტუპორი, ტაქიკარდია, ტრემორი და შარდის შეკავება.
მკურნალობა: ცეტირიზინის სპეციფიკური ანტიდოტი ცნობილი არ არის. დოზის გადაჭარბების შემთხვევაში რეკომენდებულია სიმპტომური და შემანარჩუნებელი მკურნალობა. ცეტირიზინი ეფექტურად არ გამოიდევნება დიალიზის გზით.

შეფუთვა
ერთი 60მლ-იანი შუშის ბოთლი მოთავსებულია მუყაოს კოლოფში გამოყენების ინსტრუქციასთან ერთად.

შენახვის პირობები:
შეინახეთ არაუმეტეს 25°C ტემპერატურაზე. სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა:
36 თვე.

აფთიაქიდან გაცემის წესი:
ფარმაცევტული პროდუქტის ჯგუფი  II, გაიცემა ფორმა N3 რეცეპტით.