Nuk
რიზედრონატი-APO / RIZEDRONAT-APO


 

შემადგენლობა:

1 ტაბ.რიზედრონატი ნატრიუმი 35 მგ

(რაც 32.5 მგ რიზედრონის მჟავას ექვივალენტურია)

დამხმარე ნივთიერებები: ლაქტოზის მონოჰიდრატი, მიკროკრისტალური ცელულოზა, კროსპოვიდონი, მაგნიუმის სტეარატი, რკინის ყვითელი ოქსიდი (E172), რკინის წითელი ოქსიდი (E172), ჰიპრომელოზა, ჰიდროქსიპროპილცელულოზა, კოლოიდური უწყლო სილიციუმი, ტიტანის დიოქსიდი (E171), მაკროგოლი 400, მაკროგოლი 8000.

 

ფარმაკოლოგიური თვისებები:

რიზედრონატი APO მოქმედებს უშუალოდ ძვლებზე, აძლიერებს მათ და ამცირებს მათი მოტეხილობის რისკს.

 

ჩვენებები:

ოსტეოპოროზის მკურნალობა პოსტმენოპაუზის მქონე ქალებში, იმ შემთხვევაშიც კი, როდესაც ოსტეოპოროზი მძიმე ფორმისაა. რიზედრონატი APO ამცირებს ხერხემლისა და ბარძაყის ძვლების მოტეხილობების რისკს. ოსტეოპოროზის მკურნალობა მოტეხილობების მაღალი რისკის მქონე მამაკაცებში:

 

მიღების წესები და დოზები:

ყოველთვის მიიღეთ რიზედრონატი APO  ზუსტად ექიმის მითითებების შესაბამისად. თუ რაიმეში არ ხართ დარწმუნებული, მიმართეთ ექიმს.

 

ჩვეულებრივი დოზა:

ერთი ტაბლეტი (35 მგ რიზედრონატის ნატრიუმი) კვირაში ერთხელ.

შეარჩიეთ კვირის ერთი დღე. ყოველ კვირას, მიიღეთ რიზედრონატი APO ტაბლეტი არჩეულ დღეს. რიზედრონატი APO  მიიღეთ პირველი საკვების, სასმელის (გარდა ჩვეულებრივი წყლისა) ან სხვა პრეპარატის მიღებამდე მინიმუმ 30 წუთით ადრე.

როგორ უნდა მიიღოთ რიზედრონატი APO :

• გულძმარვის თავიდან ასაცილებლად ტაბლეტი მიიღეთ მჯდომარე ან მდგომარე 1 ჭიქა წყლის მიყოლებით.

• ტაბლეტი მთლიანად გადაყლაპეთ. არ მოწუწნოთ და არ დაღეჭოთ.

• ტაბლეტის მიღების შემდეგ მინიმუმ 30 წუთი არ დაწვეთ.

რიზედრონატი APO- მიღება საკვებთან და სასმელთან ერთად:

ძალიან მნიშვნელოვანია, რომ რიზედრონატი APO -ს ტაბლეტი არ მიიღოთ საკვებთან ან სასმელთან ერთად (გარდა ჩვეულებრივი წყლისა). განსაკუთრებით, ნუ მიიღებთ ამ პრეპარატს რძის პროდუქტებთან ერთად (როგორიცაა რძე), ვინაიდან ისინი შეიცავენ კალციუმს 

თუ დაგავიწყდათ რიზედრონატი APO  მიღება:

თუ დაგავიწყდათ ტაბლეტის მიღება თქვენ მიერ შერჩეულ დღეს, მიიღეთ იმ დღეს, როცა გაგახსენდებათ. დაუბრუნდით ტაბლეტის კვირაში ერთხელ მიღებას თქვენს მიერ შერჩეულ დღეს.

დავიწყებული ტაბლეტის კომპენსირების მიზნით არ მიიღოთ ორმაგი დოზა.

თუ შეწყვეტთ რიზედრონატი APO-ს  მიღებას:

თუ შეწყვეტთ მკურნალობას, შეიძლება დაიწყოს ძვლის მასის დაკარგვა. ექიმთან კონსულტაციის გარეშე არ შეწყვიტოთ რიზედრონატი APO  მიღება იმ შემთხვევაშიც კი, თუ თავს უკეთ გრძნობთ. ექიმი გაცნობებთ რიზედრონატი APO მკურნალობის ხანგრძლივობის შესახებ.

 

გვერდითი მოვლენები:

ყველა პრეპარატის მსგავსად, რიზედრონატი APO-მა  შეიძლება გამოიწვიოს გვერდითი ეფექტები, თუმცა არა ყველა პაციენტშცი.

შეწყვიტეთ რიზედრონატი APO-ს  მიღება და დაუყოვნებლივ დაუკავშირდით ექიმს, თუ განვითარდა შემდეგი სიმპტომები:

• ქსოვილების მწვავე შეშუპებისათვის (ანგიოშეშუპება) დამახასიათებელი სიმპტომები

- სახის, ენის ან ყელის შეშუპება

- ყლაპვნის გაძნელება

- სუნთქვის გაძნელება და ჭინჭრის ციება

• კანის მწვავე რეაქციები, მათ შორის წყული კანქვეშ.

დაუყოვნებლივ მიმართეთ ექიმს, თუ განვითარდა შემდეგი სიმპტომები:

 თვალის ანთება, ჩვეულებრივ ტკივილი, გაწითლება და სინათლისადმი მგრძნობელობა

 ყბის ძვლის ნეკროზი (ოსტეონეკროზი) ასოცირებული განკურნების დაყოვნებასთან და ინფექციასთან, ხშირად კბილის ამოღების შემდეგ 

 საყლაპავ მილთან დაკავშირებული სიმპტომები, როგორიცაა ტკივილი ყლაპვისას, ყლაპვის გაძნელება, ტკივილი გულ-მკერდის არეში, გულძმარვის განვითარება ან უკვე არსებულის გაუარესება.

აღნიშნული რეაქციები გამოვლინდა ძალიან იშვიათად (10 000-დან 1-ზე ნაკლებ პაციენტში): კლინიკური კვლევებისას გამოვლენილი სხვა გვერდითი ეფექტები ჩვეულებრივ იყო ზომიერი ხასიათის და არ განაპირობებდა პრეპარატის მიღების შეწყვეტის აუცილებლობას.

ხშირი გვერდითი ეფექტები (100-დან 1-10 მომხმარებელში):

 მოუნელებლობა, კუჭის ტკივილი, სპაზმები ან დისკომფორტი კუჭის არეში, ყაბზობა, მაძღრობის შეგრძნება, დიარეა, მუცლის შებერილობა

 ძვლების, კუნთების ან სახსრების ტკივილი

 თავის ტკივილი

არახშირი გვერდითი ეფექტები (1000დან 1-10 მომხმარებელში):

 საყლაპავი მილის ანთება ან წყლული, რაც იწვევს ყლაპვის გაძნელებასა და ტკივილს ყლაპვისას, კუჭისა და თორმეტგოჯა ნაწლავის ანთება.

 თვალის ფერადი ნაწილის ანთება.

იშვიათი გვერდითი ეფექტები (10000-დან 1-10 მომხმარებელში):

 ენის ანთება, საყლაპავი მილის შევიწროვება

 დარღვევები ღვიძლის ფუნქციების გამოკვლევისას, რომლის დიაგნოზირება შეიძლება მხოლოდ სისხლის ანალიზით.

ბაზარზე პრეპარატის რეალიზაციის პერიოდში აღინიშნა შემდეგი გვერდითი ეფექტები: 

 თმის ცვენა

დარღვევები ღვიძლის მხრივ 

ჰიპერმგრძნობელობისა და კანის რეაქციები, მათ შორის სახის, პირის, ენის და/ან კისრის შეშუპება (ანგიოშეშუპება), გამონაყარი და წყლულები კანზე, ზოგიერთი სიცოცხლისათვის საშიში კანისა და ლორწოვანი გარსის მწვავე ცვლილებები და წვრილი სისხლძარღვების ანთება. პაციენტებში, რომლებიც ხანგრძლივად მკურნალობდნენ ოსტეოპოროზს, ბარძაყის ძვლის ატიპური მოტეხილობა შეიძლება განვითარდეს ძალიან იშვიათად. მიმართეთ ექიმს თუ გრძნობთ ტკივილს, სისუსტეს ან დისკომფორტს ბარძაყის, თეძოს ან საზარდულის არეში, რადგან ეს შეიძლება იყოს ბარძაყის ძვლის მოტეხილობის ადრეული ნიშანი.

იშვიათად, მკურნალობის დასაწყისში, შეიძლება სისხლში უმნიშვნელოდ დაეცეს კალციუმისა და ფოსფატის დონე. რომელიმე გვერდითი ეფექტის გაუარესებისას ან ისეთი გვერდითი ეფექტის განვითარებისას, რომელიც აღწერილი არ არის წინამდებარე ფურცელში, მიმართეთ ექიმს ან ფარმაცევტს.

 

უკუჩვენება:

ჰიპერმგრძნობელობა რიზედრონატის ნატრიუმის ან რიზედრონატი APO-ს რომელიმე სხვა ინგრედიენტის მიმართ 

 ჰიპოკალციემია 

 ორსულობა და ლაქტაციის პერიოდი

 თირკმლის უკმარისობა

რიზედრონატი APO  რეკომენდირეებული არ არის 18 წლამდე ასაკის ბავშვებისათვის უსაფრთხოებისა და ეფექტურობის შესახებ არასაკმარისი მონაცემების გამო გამოიჩინეთ განსაკუთრებული სიფრთხილე და მიმართეთ ექიმს რისებონით მკურნალობის დაწყებამდე:

• თუ არ შეგიძლიათ ჯდომა ან დგომა მინიმუმ 30 წუთის განმავლობაში

• თუ დარღვეული გაქვთ ძვლისა და მინერალების მეტაბოლიზმი (მაგალითად, D ვიტამინის ნაკლებობა, პარათირეოიდული ჰორმონის დარღვევები, რაც იწვევს სისხლში კალციუმის დაბალ დონეს)

• თუ წარსულში გქონდათ საყლაპავ მილთან დაკავშირებული პრობლემები (ტკივილი ან სირთულე საკვების ყლაპვისას)

• თუ გაქვთ ზოგიერთი შაქრის აუტანლობა (მაგ. ლაქტოზის)

• თუ გქონდათ ან გაქვთ ყბის ტკივილი, შეშუპება, დაბუჟება ან “დამძიმებული ყბის” ან მორყეული კბილის შეგრძნება

• თუ გადიხართ სტომატოლოგიურ მკურნალობას ან უნდა ჩაგიტარდეთ სტომატოლოგიური ოპერაცია, სტომატოლოგს აცნობეთ, რომ იღებთ რიზედრონატი APO-ს

 

ორსულობა და ლაქტაცია:

პრეპარატის გამოყენებამდე მიმართეთ ექიმს. 

ორსულობა: არ მიიღოთ რიზედრონატი APO  თუ ხართ ორსულად ან გეგმავთ დაორსულებას. ორსულ ქალებში რიზედრონატის ნატრიუმის გამოყენებასთან დაკავშირებული პოტენციური რისკის შესახებ ცნობილი არ არის. 

ლაქტაცია: არ მიიღოთ რიზედრონატი APO  ლაქტაციის პერიოდში.

 

განსაკუთრებული მითითებები:

ეს პრეპარატი შეიცავს ლაქტოზას. თუ გაქვთ ზოგიერთი შაქრის აუტანლობა, ამ პრეპარატის მიღებამდე დაუკავშირდით ექიმს. 

სატრანსპორტო საშუალებების მართვა და მექანიზმების მომსახურეობა: 

ცნობილი არ არის გავლენას ახდენს თუ არა რიზედრონატი APO  ავტომობილებისა და მანქანა-დანადგარების მართვის უნარზე.

 

ჭარბი დოზირება:

ინფორმაცია რიზედრონატის ნატრიუმის ჭარბი დოზით მიღებისას მკურნალობის შესახებ არ არსებობს. ჭარბი დოზით მიღების შემდეგ მოსალოდნელია შრატისმიერი კალციუმის დონის დაწევა. ზოგიერთ პაციენტში შეიძლება ასევე განვითარდეს ჰიპოკალციემიის ნიშნები და სიმპტომები. 

თუ თქვენ ან ვინმე სხვამ შემთხვევით მიიღო დანიშნულზე მეტი რაოდენობის რიზედრონატი APO-ს  ტაბლეტი, დალიეთ ერთი სავსე ჭიქა რძე და მიმართეთ სამედიცინო დახმარებას.

 

სხვა წამლებთან ურთიერთქმედება:

პრეპარატები, რომლებიც შეიცავენ რომელიმე ქვემოთ ჩამოთვლილ სუბსტანციას, ამცირებენ რიზედრონატი APO-ის  მოქმედებას მათი ერთდროული გამოყენებისას:

 კალციუმი

 მაგნიუმი

 ალუმინი (მაგალითად, კუჭ-ნაწლავის მხრივ დარღვევების დროს გამოყენებული პრეპარატები)

 რკინა

ეს პრეპარატები მიიღეთ რიზედრონატი APO-ს ტაბლეტის მიღებიდან მინიმუმ 30 წუთის შემდეგ. ექიმს ან ფარმაცევტს აცნობეთ, თუ ამჟამად იღებთ ან ცოტა ხნის წინ იღებდით სხვა პრეპარატებს, მათ შორის ურეცეპტოდ გასაცემ პრეპარატებს.

 

ვარგისობის ვადა:

იხილეთ შეფუთვაზე.

 

შენახვის პირობები და ვადები:

პრეპარატი ინახება არა უმეტეს 25oC მშრალ, ბავშვებისაგან დაცულ ადგილას.

სად შევიძინოთ?