Nuk

იხილეთ აფთიაქების ჩამონათვალი

რანი-დენკი 150 / Rani-Denk 150
შემოგარსული ტაბლეტი – შიგნით მისაღებად
კუჭ-ნაწლავის სამკურნალო საშუალება
აქტიური ნივთიერება: რანიტიდინის ჰიდროქლორიდი

ინსტრუქცია გამოყენებისათვის
- გამოყენებამდე საჭიროა მთლიანი ინსტრუქციის ყურადღებით წაკითხვა. 
- საჭიროა გამოყენების ინსტრუქციის შენახვა, რადგან მისი წაკითხვა შესაძლებელია საჭირო გახდეს მოგვიანებით.
- დამატებითი შეკითხვების ან მითითებებისთვის უნდა მიემართოს მკურნალ ექიმს ან ფარმაცევტს. 
- აღნიშნული მედიკამენტი განკუთვნილია მხოლოდ პაციენტისთვის. არ შეიძლება მისი გადაცემა სხვისთვის. სიმპტომების მსგავსების მიუხედავად ამან შესაძლებელია ზიანი მიაყენოს სხვას.  
- თუ სიმპტომები გაუარესდა ან გამოვლინდა ისეთი გვერდითი რეაქციები, რაც არ არის აქ მითითებული, მაშინ საჭიროა ექიმის კონსულტაცია. 

შემადგენლობა
აქტიური ნივთიერება:
1 შემოგარსული ტაბლეტი შეიცავს 168მგ რანიტიდინის ჰიდროქლორიდს, რაც ექვივალენტურია 150მგ რანიტიდინისა. 

დამხმარე ნივთიერებები:
მიკროკრისტალური ცელულოზა, კოპოვიდონი, მაგნიუმის სტეარატი, ჰიპრომელოზა, ტალკი, ტიტანიუმის დიოქსიდი (E 171), მაკროგოლ 400, რკინის ყვითელი ოქსიდი (E 172), ეუდრაგიტი E. 

ფარმაკოლოგიური თვისებები
ფარმაკოდინამიკური თვისებები
ფარმაკოთერაპიული ჯგუფი: ჰისტამინის H2 რეცეპტორის ანტაგონისტი, კუჭ-ნაწლავის სამკურნალო საშუალება.
ათქ კოდი: A02BA02
რანიტიდინი წარმოადგენს კონკურენტულ H2 რეცეპტორის ანტაგონისტს. იგი თრგუნავს კუჭის წვენის ბაზალურ და სტიმულირებულ სეკრეციას, ამცირებს კუჭის შიგთავსს, ხოლო შედარებით ნაკლებად ამცირებს კუჭის წვენის მოცლობას და პეპსინის რაოდენობას. 
როდესაც თერაპიული დოზის სახით აძლევდნენ 150მგ-ს ორჯერ დღეში, გამოვლინდა რომ რანიტიდინი ამცირებს კუჭის წვენის სეკრეციას 63% და 69%-ით 24 საათის განმავლობაში, ხოლო 73% და 90% ღამის განმავლობაში. როდესაც ინიშნება რეციდივის პროფილაქტიკისთვის საწირო დოზის სახით (150მგ ღამით), რანიტიდინი ამცირებს კუჭის წვენის სეკრეციას დაახლოებით 42% და 69%-ით 24 საათის განმავლობაში. 
როდესაც თერაპიული დოზის სახით დანიშნეს 300მგ ღამით, რანიტიდინმა შეამცირა კუჭის წვენის სეკრეცია საშუალოდ 50%-60%-ით 24 საათის განმავლობაში, ხოლო ღამის პერიოდში კუჭის წვენის სეკრეცია შეამცირა დაახლოებით 90%-ით. 

ფარმაკოკინეტიკური თვისებები
რანიტიდინის ბიოათვისებულობა საშუალოდ შეადგენს 50%-ს. თუმცა ეს მაჩვენებელი ცვალებადობს სხვადასხვა ადამიანში. პლაზმის მაქსიმალური კონცენატრაცია როგორც წესი მიიღწევა შიგნით მიღებიდან 1,25-3 საათის შემდეგ. აღინიშნება პირდაპირი ურთიერთდამოკიდებულება რანიტიდინის პლაზმის კონცენტრაციასა და 300 მფ-მდე დოზის მიღებას შორის. 
პლაზის ცილებს უერთდება დაახლოებით 15%. მოზრდილებში დაახლოებითი განაწილების მოცულობა შეადგენს 1,2 – 1,8 ლ/კგ, ხოლო ბავსვებსი 2,5 ლ/კგ-ს. მოზრდილებში მთლიანი კლირენსი შეადგენს დაახლოებით 570-710 მლ/წთ-ს. ბავშვებში და მოზარდებში მთლიანი კლირენსი შეადგენს 800მლ/წთ/1,73 მ². თუმცა ეს მაჩვენებელი ცვალებადობს სხვადასხვა ადამიანში. 
რანიტიდინი გამოიყოფა თირკმელების საშუალებით 24 საათის განმავლობაში, აქედან 30% გამოიყოფა უცვლელი სახით, 6%-მდე N-ოქსიდის სახით, მცირე რაოდენობა – დემეთილირებული სახით, შ-ოქსიდის ფორმით და ფუროის მჟავის ანალოგის სახით. ჯანმრთელი თირკმელების მქონე პაციენტებში თირკმლის ექსკრეცია ძირითადად ხდება მილაკოვანი სეკრეციის სახით. 
ჯანმრთელი თიკმელების მქონე პაციენტში პრეპარატის შიგნით მიღების შემდეგ ნახევარგამოყოფის პერიოდი შეადგენს დაახლოებით 2,3 – 3 საათს. თირკმლის უკმარისობის შემთხვევაში იგი სეიძლება გახანგრძლივდეს 2-3-ჯერ. 
მხოლოდ ძალიან მცირე რაოდენობით რანიტიდინი გადადის თავ-ზურგ-ტვინის სითხეში. 
რანიტიდინი კვეთს პლაცენტის ბარიერს. მშობიარობის დროს რანიტიდინის ინტრავენურად და შიგნით მიღების შემდეგ მისი კონცენტრაცია აღმოჩენილ იქნა ახალშობილების ჭიპლარში, რაც სეესაბამებოდა დედის სრატის კონცენტრაციას. ახალშობილებში რანიტიდინის კონცენტრაცია ძალიან დაბალი იყო 12 საათის შემდეგ. 
რანიტიდინი გადადის დედის რძეში. მიღებიდან 2 საათის შემდეგ თანაფარდობა დედის რძეს და პლაზმის კონცენტრაციას შორის საშუალოდ შეადგენს 1,9 (0.60 – 20.9 ფარგლებში).   

რანი-დენკ 150-ის ჩვენება:
რანი-დენკ 150 წარმოადგენს კუჭ-ნაწლავის სამკურნალო საშუალებას, რომელიც მიეკუთვნება H2 რეცეპტორის ანტაგონისტების ჯგუფს და რომელიც ამცირებს კუჭის წვენის წარმოქმნას. 

რანი-დეკი 150 გამოიყენება შემდეგ შემთხვევებში:
- თორმეტგოჯა ნაწლავის წყლულის მკურნალობა;
- კეთილთვისებიანი კუჭის წყლულის მკურნალობა;
- კუჭის წვენის რეფლუქსით (რეფლუქს ეზოფაგიტი) გამოწვეული ეზოფაგიტის მკურნალობა;
- ე.წ. ცოლინგერ-ელისონის სინდრომის მკუნალობა (კუჭის ან თორმეტგოჯა ნაწლავის წყლული, რომელიც გამოწვეულია ჰორმონის სიმსივნისებური ჭარბი წარმოშობით, რაც ასტიმულირებს კუჭის წვენის სეკრეციას); 
- თორმეტგოჯა ნაწლავის მორეციდივე წყლულის ან კეთილთვისებიანი კუჭის წყლულის პროფილაქტიკური მკურნალობა;
- კუჭის და თორმეტგოჯა ნაწლავის ჰემორაგიის მუდმივი საპროფილაქტიკო მკურნალობა სერიოზულად დაავადებულ პაციენტებში (სტრესული წყლულიდან განვითარებული ჰემორაგიის პროფილაქტიკა);
- ერთჯერადი დოზის სახით მშობიარობის დროს კუჭის წვენის ასპირაციის პრევენციის მიზნით.

რა არის გასათვალისწინებელი რანი-დენკი 150-ის მიღებამდე
რანი-დენკი 150 არ ინიშნება შემდეგ შემთხვევებში:
- თუ პაციენტი ჰიპერსენსიტიულია (ალერგიულია) რანიტიდინის, სხვა ე.წ. H2 რეცეპტორის ანტაგონისტების ან რანი-დენკი 150-ში შემავალი სხვა ნებისმიერი ინგრედიენტის მიმართ;
- თუ პაციენტს აღენიშნება მეტაბოლური დარღვევა `მწვავე პორფირია~, რადგან რანიტიდინმა შესაძლებელია გამოიწვიოს მწვავე პორფირიის შეტევები. 

რანი-დენკი 150 მიიღება განსაკუთრებული სიფრთხილით შემდეგ შემთხვევებში: 
- თუ აღინიშნება კუჭის ან თორმეტგოჯა ნაწლავის წყლული: მკურნალმა ექიმმა უნდა ჩაატაროს კვლევები ბაქტერია Helicobacter pylori-ს არსებობის შესახებ. თუ ამოითესა მსგავსი ტიპის ბაქტერია, ასეთ შემთხვევაში საჭიროა მისი აღმოფხვრა. 
- თუ აღინიშნება კუჭის წყლული: ასეთ შემთხვევაში მკურნალმა ექიმმა უნდა მიიღოს შესაბამისი ზომები სიმსივნის გამოსარიცხად, ადგან ე.წ. H2 რეცეპტორის ანტაგონისტებმა შესაძლებელია მოახდინონ კუჭის სიმსივნის სიმპტომების შენიღბვა და შესაბამისად დააყოვნონ დიაგნოზის დასმა.
- თუ აღინიშნება თირკმლის უკმარისობა: რადგან რანიტიდინი გამოიყოფა თირკმელების საშუალებით, შესაბამისად პლაზმის მომატებული კონცენტრაცია შეიძება აღინიშნოს თირკმლის დაქვეიტებული ფუნქციის მქონე პაციენტებში (იხ. დოზირების ინსტრუქცია). 

ბავშვები
ზოგადად რანიტიდინი არ არის რეკომენდებული 2 წლამდე ასაკის ბავშვებში.

ორსულობა
ორსულ ქალებში რანი-დენკ 150-ის დანიშვნისას არ გამოვლენილა პრეპარატის ტოქსიკური ზემოქმედება ნაყოფზე ან თავად ორსულზე. თუმცა ორსულობის დროს ნებისმერი პრეპარატის მიღებამდე კონსულტაციისთვის უნდა მიემართოს მკურნალ ექიმს.

ლაქტაცია
აქტიური ინგრედიენტი გამოიყოფა დედის რძეში. არ ჩატარებულა კვლევები არის თუ არა ტოქსიკური დედის რძიდან გადასული რანი-დენკ 150-ის აბსორბცია. შესაბამისად რანი-დენკ 150 არ ინიშნება ლაქტაციის პერიოდში. 

მანქანის და სხვა მექანიზმების მართვა:
თავისი თვისებებიდან გამომდინარე ზოგადად არ არის მოსალოდნელი, რომ პრეპარატმა იმოქმედოს მაქნანის და სხვა მექანიზმების მართვაზე, თუმცა მსგავსი კვლევები არ ჩატარებულა.  იშვიათ შემთხვევებში შესაძლებელია გამოვლინდეს ისეთი გვერდითი ეფექტები, როგორიცაა თავის ტკივილი, თავბრუსხვევა, დაღლილობა, გონების დაბინდვა და მოუსვენრობა. გარდა ამისა ალკოჰოლთან ერთად აღნიშნული პრეპარატის კომბინირებულმა მიღებამ შესაძლებელია გამოიწვიოს ალკოჰოლის კონცენტრაციის მომატება სისხლში, რამაც შესაძლებელია იმოქმედოს მანქანის და სხვა მექანიზმების მართვაზე. 

ურთიერთქმედება სხვა სამკურნალო საშუალებებთან:
თუ პაციენტი ამჟამად მკურნალობს ან ახლოესი პერიოდის განმავლობაში ღებულობდა რაიმე პრეპარატს, მათ შორის ურეცეპტოდ გასაცემ პრეპარატებს, მან უნდა აცნობოს მკურნალ ექიმს ან ფარმაცევტს.
ქვემოთ ჩამოთვლილმა პრეპარატებმა შესაძლებელია იმოქმედონ რანი-დენკ 150-ის მოქმედებაზე ან რანი-დენკ 150-მა შესაძლებელია ზეგავლენა მოახდინოს მათზე. 
რანიტიდინის აბსორბცია შესაძლებელია შემცირდეს ანტაციდების (გულძმარვის და კუჭის მჟავიანობასთან დაკავშირებული ჩივილების სამკურნალოდ) ან სუკრალფატის (კუჭის და თორმეტგოჯა ნაწლავის წყლულის საკურნალო პრეპარატი) მაღალი დოზებით (2გ). შესაბამისად რანიტიდინი მიიღება აღნიშნული პრეპარატების მიღებამდე 2 საათით ადრე ან გვიან. 
თუ რანიტიდინი ინიშნება ისეთ პრეპარატთან ერთად, რომლის აბსორბციისთვის საჭიროა კუჭის წვენის არსებობა (სოკოვანი ინფექციის სამკურნალო პრეპარატი), ასეთ შემთხვევაში ყურადღება უნდა მიექცეს აღნიშნული ნივთიერების შეცვლილ აბსორბციას.  
რანი-დენკ 150-ის და დიაბეტის სამკურნალო პრეპარატის აქტიური ინგრედიენტის – გლიპიზიდის კომბინირებული დაიშვნისას შესაძლებელია გაძლიერდეს გლიპიზიდის ჰიპოგლიკემიური ეფექტი.
მიდაზოლამის და ტრიაზოლამის შემცველი სედატიური და საძილე აბების მოქმედება შესაძლებელია გაძლიერდეს რანი-დეკ 150-თან ერთად კომბინირებული მიღებისას. 
მართალია სპეციფიკური კვლევებიდან არ გამოვლენილა რაიმე სახის ურთიერთქმედება, თუმცა იშვიათ შემთხვევებში ასთმიან პაციენტებში რანიტიდინის და თეოპილინის კომბინირებული მიღებისას გამოვლინდა თეოფილინის დოზის გადაჭარბების სიმპტომები. შრატის თეოფილინის დონე მუდმივად უნდა გადამოწმდეს ასთმიან პაციენტებში, რომლებიც მუდმივად მკურნალობენ რანი-დენკ 150-ით და თეოფილინით, ხოლო საჭიროების შემთხვევაში თეოფილინის დოზა უნდა დარეგულირდეს. 
გასათვალისწინებელია, რომ აღნიშნული ინფორმაცია ასევე ეხება უახლოეს პერიოდში გამოყენებულ პრეპარატებს. 

რანი-დენკ 150-ის მიღება საკვებთან და სასმელთან ერთად:
რანი-დენკ 150-მა შესაძლებელია გააძლიეროს ალკოჰოლის ეფექტი. 

რანი-დენკ 150-ის მიღების წესი:
მედიკამენტის მიღების წესის შესახებ საჭიროა ინსტუქციის წაკითხვა. თუ პაციენტი არ არის რაიმეში დარწმუნებული მან უნდა მიმართოს მკურნალ ექიმს ან ფარმაცევტს. 
შემოგარსული ტაბლეტი უნდა გადაიყლაპოს მთლიანად, საკმარისი რაოდენობით სითხესთან ერთად (მაგ. ჭიქა წყალი). არ არის აუცილებელი ტაბლეტის მიღება საკვებთან ერთად. 

თორმალური თირკმლის ფუნქციის მქონე მოზრდილები
თორმეტგოჯა ნაწლავის და კუჭის კეთილთვისებიანი წყლული
რანი-დეკ 150-ის 2 შემოგარსული ტაბლეტი (ექვივალენტური 300მგ რანიტიდინისა) ვახშმის შემდეგ ან დაძინებამდე ან რანი-დენკ 150-ის 1 შემოგარსული ტაბლეტი (ექვივალენტური 150მგ რანიტიდინისა) დილას და საღამოს.
როგორც წესი მკურნალო გრძელდება 4-8 თვე.

თორმეტგოჯა ნაწლავის და კუჭის კეთილთვისებიანი წყლულის რეციდივიდ პროფილაქტიკა:
რანი-დენკ 150-ის 1 შემოგარსული ტაბლეტი ძილის წინ. მკურნალობა შესაძლებელია გაგრძელდეს 12 თვემდე. 
ხანგრძლივი მკურნალობა ინიშნება, თუ პაციენტს ანამნეზში აღენიშნება რეციდივი. 

კუჭის წვენის რეფლუქსით გამოწვეული ეზოფაგიტი
რანი-დენკ 150-ის 2 შემოგარსული ტაბლეტი ვახშმის შემდეგ ან ძილის წინ ან რანი-დენკ 150-ის 1 შემოგარსული ტაბლეტი დილას და საღამოს.
მკურნალობა გრძელდება 8-12 კვირა. 

ცოლინგერ-ელისონის სინდრომი:
საწყის დოზას შეადგენს რანი-დენკ 150-ის 1 შემოგარსული ტაბლეტი 3-ჯერ დღეში (ექვივალენტური 450მგ რანიტიდინისა დღეში). საჭიროების შემთხვევაში დოზა შესაძლებელია გაიზარდოს რანი-დენკ 150-ის 4-6 შემოგარსულ ტაბლეტამდე (ექვივალენტური 600-900 მგ რანიტიდინისა დღეში). პაციენტს შესაძლებელია დაენიშნოს უფრო მაღალი დოზები, თუ კუჭის წვენის გამოკვლევის შედეგები მიუთითებს ამის შესახებ (შესაძლებელია დაინიშნოს 6გ რანიტიდინამდე დღეში). 

კუჭის წვენის ასპირაცია მშობიარობის დროს
რანი-დენკ 150-ის 1 შემოგარსული ტაბლეტი ერთჯერადი დოზის სახით. 

კუჭისა და თორმეტგოჯა ნაწლავის სტრესული წყლულიდან განვითარებული ჰემორაგიის მუდმივი პროფილაქტიკა
რანი-დენკ 150-ის 1 შემოგარსული ტაბლეტი 2-ჯერ დღეში კრიტიკული პერიოდის დროს მანამდე, სანამ პაციენტს არ შეეძლება იკვებოს ნორმალურად. 

2 წელზე უფროსი ბავშვები
დღიური დოზა შეადგენს 2-4 მგ/კგ სხეულის წონა 2-ჯერ დღეში. თუმცა არ შეიძლება 300მგ-ზე მეტის მიღება დღეში. 
მათი აქტიური ნივთიერების შემცველობის გამო, 150მგ ტაბლეტები გამოსადეგია მხოლოდ იმ ბავშვებისთვის, რომელთა წონა მეტია 35კგ-ზე.  

დოზირების რეჟიმი თირკმლის დაქვეითებული ფუნქციის მქონე პაციენტებში:
თირკმლის დაქვეითებული ფუნქციის მქონე პაციენტებში (კრეატინინის კლირენსი <50მლ/წთ) დღიური დოზა შეადგენს 150მგ-ს. 
რანიტიდინი გამოდის დიალიზის სახით. ჰემოდიალიზი ამცირებს შრატის რანიტიდინს. შესაბამისად დიალიზზე მყოფმა პაციენტებმა რანიტიდინის ზემოთხსენებული დოზა უნდა მიიღონს დიალიზის შემდეგ. 

დოზის გადაჭარბება:
რანი-დეკ 150-ს გააჩნია ძალიან სპეციფიკური მოქმედება და შესაბამისად არ არის მოსალოდნელი რაიმე განსაკუთრებული პრობლემების განვითარება დოზის გადაჭარბების შემდეგ. 
მიუხედავად ამისა, დოზის გადაჭარბების შემთხვევაში დაუყოვნებლივ უნდა მიემართოს მკურნალ ექიმს, რათა მან მიიღოს შესაბამისი ზომები. 
დოზის გადაჭარბების შემთხვევაში უნდა ჩატარდეს სიმპტომური და შემანარჩუნებელი მკურნალობა. 
საჭიროების შემთხვევაში აქტიური ინგრედიენტი შესაძლებელია მოშორდეს კუჭის ამორეცხვით ან სისხლის ჰემოდიალიზით. 

გვერდითი ეფექტები:
ყველა სხვა პრეპარატის მსგავსად რანი-დენკ 150-მაც შესაძლებელია გამოიწვიოს გვერდითი ეფექტები. ქვემოთ მოყვანილი ხცრილი გამოიყენება გვერდითი რეაქციების კლასიფიკაციისთვის

ძალიან ხშირი:

10 პაციენტში ერთ შემთხვევაზე ხშირად

ხშირი:

1 /10-ზე იშვიათად, მაგრამ 1/100-ზე ხშირად

არა ხშირი:

1/100-ზე იშვიათად, მაგრამ 1/1000-ზე ხშირად

იშვიათი:

1/1000-ზე იშვიათდ, მაგრამ 1/10000-ზე ხშირად

ძალიან იშვიათად

1/10000-ზე იშვიათად, მათ შორის ცალკეული შემთხვევების ჩათვლით.


ქვემოთ მოყვანილი გვერდითი რეაქციები გამოვლინდა რანიტიდინის კლინიკური კვლევებისას ან ყოველდღიური გამოყენებისას.

ნერვული სისტემის მხრივ დარღვევები:
არახშირად: თავის ტკივილი, დაღლილობა და თავბრუსხვევა.
ძალიან იშვიათად: ძლიერი თავის ტკივილი, უნებლიე მოძრაობები.

ფსიქიატრიული მხრივ დარღვევები:
ძალიან იშვიათად: გონების დაბინდვა და მოუსვენრობა, ჰალუცინაციები, დეპრესია. 

თვალის მხრივ დარღვევები:
იშვიათად: მხედველობის დაბინდვა.

კანის და კანქვეშა ქსოვილის მხრივ დარღვევები:
არახშირად: კანის გამონაყარი.
იშვიათად: მულტიფორმული ერითემა (კანის გამონაყარის განსაკუთრეული ტიპი), ურტიკარია.
ძალიან იშვიათად: ალოპეცია.

ძვალ-სახსროვანი და შემაერთებელი ქსოვილის მხრივ დარღვევები:
იშვიათად: სახსრების ტკივილი (ართრალგია), კუნთების ტკივილი (მიალგია).

კუჭ-ნაწლავის მხრივ დარღვევები:
არახშირად: ფარარათი, ყაბზობა, გულისრევა.
იშვიათად: მწვავე პანკრეატიტი

ჰეპატო-ბილიარული დარღვევები:
არახშირად: ღვიძლის ფუნქციური ტესტების გარდამავალი ცვილება.
იშვიათად: ჰეპატიტი (ღვიძლის ანთება) სიყვითლით ან მის გარეშე.

თირკმლის და საშარდე გზების მხრივ დარღვევები:
იშვიათად: პლაზმაში კრეატინინის მომატებული დონე (თირკმლის ფუნქციის მაჩვენებელი);
ძალიან იშვიათად: თირკმელების ანთება (ინტერსტიციული ნეფრიტი). 

კარდიოვასკულარული დარღვევები:
ძალიან იშვიათად: არითმიები (ტაქიკარდია, ბრადიკარდია და AV ბლოკადა), ვასკულიტი. 

სისხლის და ლიმფური სისტემის მხრივ დარღვევები:
ძალიან იშვიათად: სისხლის მაჩვენებლების ცვილება (ლეიკოპენია და/ან თრომბოციტოპენია, აგრანულოციტოზი ან პანციტოპენია, ზოგჯერ ძვლის ტვინის ჰიპოპლაზია ან აპლაზიასთან ერთად (ერთი, რამდენიმე ან ყველა სისხლის უჯრედის შემცირება). 

რეპროდუქციული სისტემა და მკერდის დარღვევები:
ძალიან იშვიათად: მკერდის ტკივილი და შეშუპება მამაკაცებში, ლიბიდოს დაკარგვა ან იმპოტენცია. 

იმუნური სისტემის დარღვევები:
ძალიან იშვიათად: მწვავე ჰიპერსენსიტიულობის რეაქციები (მაგ. ეოზინოფილია, კანის გამონაყარი, ცხელება, ჰიპოტენზია, სახის სეშუპება, ყლაპვის გაძნელება, გაძნელებული სუნთქვა, მკერდის ტკივილია, ცირკულაციური ალერგიული შოკი).
რომელიმე გვერდითი ეფექტის გამოვლენის შემთხვევაში, რომელიც არ არის მითიტებული აღნიშნულ ინსტრუქციაში, უნდა მიემართოს მკურნალ ექიმს ან ფარმაცევტს. 

შენახვის პირობები:
ინახება მშრალ ადგილას, 25oC-ზე დაბალ ტემპერატურაზე. 
ინახება სინათლისგან დაცულ ადგილას. 
შენახვის ვადა მითითებულია ბლისტერზე და კოლოფზე. 
არ გამოიყენება შეფუთვაზე მითითებული ვადის გასვლის შემდეგ.
ინახება ბავშვებისთვის მიუწვდომელ ადგილას. 


სად შევიძინოთ?