პრედიზინი / PREDIZINE


შემადგენლობა:
ყოველი ტაბლეტი შეიცავს:
მოქმედი ნივთიერება: ტრიმეტაზიდინის დიჰიდროქლორიდი 35 მგ

დამხმარე ნივთიერებები:
ბირთვი: მიკროკრისტალური ცელულოზა, ჟელატინიზებული სახამებელი, ჰიდრომელოზა, კაჟის დიოქსიდი კოლოიდური უწყლო, მაგნიუმის სტეარატი.
გარსი: ოპადრი II ვარდისფერი 85G24057 (პოლივინილის სპირტი – ნაწილობრივ ჰიდ-როლიზებული, ტალკი, ტიტანის დიოქსიდი, მაკროგოლ/PEG 3350, ლეციტინი (სოიოსი), რკინის ოქსიდი წითელი, რკინის ოქსიდი შავი).
აღწერა:
ვარდისფერი, ორმხრივ ამოზნექილი, აპკით შემოგარსული ტაბლეტი, წარ¬წე¬რის გარეშე. დიამეტრი: დაახლოებით 8 მმ. 

ფარმაკოთერაპიული ჯგუფი: ანტიჰიპოქსიური საშუალება.
კოდი ATX: GO1EB15

ფარმაკოლოგიური თვისებები: 
ფარმაკოკინეტიკა
ტრიმეტაზიდინს გააჩნია ანტიანგინალური, ანტიჰიპოქსიური მოქმედება. კარდიომიოციტებსა და თავის ტვინის ნეირონებზე უშუალო გავლენის წყალობით პრეპარატი ახდენს მათი მეტაბოლიზმისა და ფუნქციების ოპტიმიზაციას. ციტოპროტექტური ეფექტი გან¬პირობებულია ენერგეტიკული პოტენციალის მომატებით, ჟანგვითი დეკარბოქსილირების აქტივაციითა და ჟანგბადის მოხმარების რაციონალიზაციით (აერობული გლუკოლიზის გაძლიერება და ცხიმოვანი მჟავების ჟანგვის ბლოკადა). პრეპარატი ხელს უწყობს მიოკარდიუმის შეკუმშვის უნარის შენარჩუნებას, ახდენს ადენოზინტრი¬ფოსფორმჟავისა (ატფ-ის) და ფოსფოკრეატინინის უჯრედშიდა შემცველობის დაქვეითების პრევენციას. აციდოზის პირობებში აწესრიგებს მემბრანული იონური არხების ფუნქციონირებას, ხელს უშლის კალციუმისა და ნატრიუმის დაგროვებას კარდიომიოციტებში; აწესრიგებს კალიუმის იონების უჯრედშიდა შემცველობას. პრეპერატი ამცი¬რებს უჯრედშიდა აციდოზსა და ფოსფატების შემცველობას, რომელიც განპირობებულია მიოკარდიუმის იშემიითა და რეპერფუზიით. ეწინააღმდეგება თავისუფალი რა¬დი-კალების დამაზიანებელ მოქმედებას, ხელს უწყობს უჯრედის მემბრანის მთლიანობის შენარჩუნებას, აღმოფხვრავს იშემიის ზონაში ნეიტროფილების აქტივა-ციას, ზრდის ელექტრული პოტენციალის ხანგრძლივობას, ამცირებს კრეატინფოს-ფოკინაზის გამოსვლას უჯრედიდან და მიოკარდიუმის იშემიური დაზიანების გამოვლენას.

ტრიმეტაზიდინი ჰიპოქსიის პირობებში ეწინააღმდეგება ატფ-ის უჯრედშიდა დონის დაქვეითებას უჯრედების ენერგეტიკული მეტაბოლიზმის შენარჩუნების გზით. ამრიგად, პრეპარატი უზრენველყოფს მემბრანული იონური არხების ნორმალურ ფუნქციონირებას, კალიუმისა და ნატრიუმის იონების ტრანსმემბრანულ გადატანასა და უჯრედოვანი ჰომეოსტაზის შენარჩუნებას. ტრიმეტაზიდინი თრგუნავს ცხიმოვანი მჟავების ჟანგვას “გრძელჯაჭვიანი” 3 კეტოაცილ-კო-ათიოლაზას სელექციური ინჰიბირების ხარჯზე, რაც იწვევს გლუკოზის ჟანგვის ზრდას, გლიკოლიზსა და ჟანგვით დეკარბოქსილირებას შორის ბალანსის აღდგენას, რაც განაპირობებს მიოკარდიუმის დაცვას იშემიისაგან. ტრიმეტაზიდინის თვისებების საფუძველია ცხიმოვანი მჟავების ჟანგვის გადართვა გლუკოზის ჟანგვაზე.

ტრიმეტაზიდინს აქვს შემდეგი თვისებები: ინარჩუნებს გულისა და ნეიროსენსორული ორგანოების ენერგეტიკულ მეტაბოლიზმს ჰიპოქსიისა და იშემიის დროს, ამცირებს უჯრედშიდა აციდოზის სიდიდის და ტრანსმემბრანული იონური ნაკადის  ცვლილების ხარისხს, რომელიც იშემიითაა გამოწვეული; ამცირებს პოლინუკლეარული ნეიტროფილების მიგრაციისა და ინფილტრაციის ხარისხს  გულის იშემიურ და რეპერფუზირებულ ქსოვილებში. პრეპარატის მიღების შეწყვეტა ჰემოდინამიკაზე პირდაპირ ზემოქმედებას არ ახდენს.

სტენოკარდიის შემთხვევაში ამცირებს შეტევის სიხშირეს, ამცირებს ნიტრატების მოხმარებას; მკურნალობის 2 კვირის შემდეგ იზრდება ტოლერანტობა ფიზიკური დატვირთვის მიმართ. პრეპარატი ზღუდავს არტერიული წნევის მერყეობას, აუმჯობესებს მარცხენა პარკუჭის კუმშვით ფუნქციას იშემიური დისფუნქციის დროს.

აუმჯობესებს სმენას და ვესტიბულური სინჯის შედეგებს ლორ-ორგანოთა პათოლოგიის შემთხვევაში, ამცირებს თავბრუსხვევასა და ყურში შუილს. თვალის სისხლ-ძარღვოვანი პათოლოგიის შემთხვევაში აღადგენს ბადურის ფუქციურ აქტივობას.

ფარმაკოკინეტიკა
პერორალური მიღების შემდეგ ტრიმეტაზიდინი სწრაფად აბსორბირდება. სისხლის პლაზმაში მისი მაქსიმალური კონცენტრაცია მიიღწევა დაახლოებით 5 საათის შემდეგ. 11 საათის შემდეგ პლაზმაში განსაზღვრული კონცენტრაციის 75%-ი დონე მიღებიდან 24 საათის შემდეგაც რჩება. გაწონასწორებული მდგომარეობა მიიღწევა 60 საათის შემდეგ. საკვების მიღება პრეპარატის ფარმაკოკინეტიკურ თვისებებზე გავლენას არ ახდენს. განაწილების მოცულობა 4,8 (ლ/კგ-1) შეადგენს, რითიც აიხსნება კარგი დიფუზია ქსოვილში (ცილებთან შეკავშირების დონე საკმაოდ დაბალია, დაახლოებით 16% ინ ვიტრო). ორგანიზმიდან ტრიმეტაზიდინი გამოიყოფა თირკმელებით პრაქტიკულად შეუცვლელი სახით. ნახევარგამოყოფის პერიოდი დაახლოებით 7 საათს შეადგენს, ხოლო პაციენტებში 65 წელს ზემოთ – დაახლოებით 12 საათს. ტრიმეტაზიდინის თირკმელების კლირენსი პირდაპირ კორელაციაშია კრეატინინის კლირენსთან; ღვიძლის კლირენსი ასაკთან ერთად მცირდება. ნაჩვენები იყო, რომ ხანდაზმულ ასაკში პრეპარატის სადღეღამისო დოზით 2 ტაბლეტი 2-ჯერ დღეში მიღებას, პლაზმაში ექსპოზიციის ზრდას რაიმე გამოხატული ეფექტი არ მოჰყვება.

 გამოყენების ჩვენება:
• გულის იშემიური დაავადება: პროფილაქტიკა და სტენოკარდიული  შეტევის მკურნალობა (კომპლექსური თერაპიის შემადგენლობაში);
• ქორიორეტინალური სისხძარღვოვანი დარღვევები;
• სისხძარღვოვანი წარმოშობის თავბრუსხვევა;
• იშემიური ბუნების კოხლეო-ვესტიბულური დარღვევები (ყურში შუილი, სმე-ნითი დარღვევები).

უკუჩვენება:
• მომატებული მგძნობელობა პრეპარატის რომელიმე კომპონენტის მიმართ;
• ორსულობა;
• ლაქტაცია;
• 18 წლამდე ასაკი (ეფექტურობა და უსაფრთხოება დადგენილი არ არის).

ორსულობა და ლაქტაციის პერიოდში 
ორსულობა
მონაცემები ორსულობის პერიოდში ტრიმეტაზიდინის გამოყენების უსაფრთხოების შესახებ არ მოიპოვება, რის გამოც ტრიმეტაზიდინი ორსულობის პერიოდში არ გა-მოიყენება.

მეძუძურობის პერიოდი
ცნობილია, რომ ტრიმეტაზიდინი ხვდება დედის რძეში. ლაქტაციის პერიოდში პრეპარატის გამოყენების საჭიროების შემთხვევაში რეკომენდებულია ძუძუთი კვების შეწყვეტა.

გამოყენების წესი და დოზა:
პერორალურად, ერთი ტაბლეტი 35 მგ 2-ჯერ დღეში, დილით და საღამოს, ჭამის დროს.

გვერდითი მოქმედება:
ტრიმეტაზიდინის შესაძლო გვერდითი მოქმედება კლასიფიცირებულია ორგანოთა სისტემებისა და წარმოქმნის სიხშირის მიხედვით (ერთეული შემთხვევების გათვალისწინების გარეშე). გამოყოფილია სიხშირის შემდეგი გრადაცია: ძალიან ხშირად (≥1/10), ხშირად (≥1/100 და <1/10), ნაკლებად ხშირად (≥1/1000 და <1/100), იშვიათად (≥1/10000 და <1/1000), ძალიან იშვიათად (<1/10000).
საჭმლის მომნელებელი სისტემის მხრივ: იშვიათად – გულისრევა, ღებინება.
ცენტრალური ნერვული სისტემის მხრივ: არსებობს ცალკეული შემთხვევები პრეპარატის მიღების პერიოდში პაციენტთა ისეთი დაავადებების გაუარესებისა როგორიცაა: შექცევადი პარკინსონიზმი, პარკინსონის დაავადება ან დემენცია (ლევის სხეულებით). 

ჭარბი დოზა:
ამჟამად ცნობები ჭარბი დოზის მიღების შესახებ არ მოიპოვება. 

სხვა სამკურნალო საშუალებებთან ურთიერთქმედება
კლინიკური კვლევით დადგენილი არ არის ტრიმეტაზიდინის ურთიერთქმედება სხვა სამკურნალო პრეპარატებთან, მათ შორის ხანდაზმულ ასაკში. 

განსაკუთრებული მითითება
კლინიკური მონაცემების არარსებობის გამო რეკომენდებული არ არის პრეპარატ პრედიზინის დანიშვნა თირკმელის უკმარობის (კრეატინის კლირენსი 15 მლ/წმ-ზე ნაკლები), აგრეთვე ღვიძლის გამოხატული დარვევების შემთხვევაში. პრეპარატი პრედიზინი არ ინიშნება გულ-სისხლძარღვოვანი წარმომავლობის მწვავე სტენოკარდიის სამ¬კურნალოდ.

გავლენა სატრანსპორტო საშუალებებისა და სხვა მექანიზმების მართვის უნარზე
ავტომობილისა და სხვა მექანიზმების მართვის უნარზე პრეპარატის გავლენის შემსწავლელი კვლევა არ ჩატარებულა.

გამოშვების ფორმა:
10 ტაბლეტი პოლივინილქლორიდული აბსკისა და ალუმინის კილიტას ბლისტერში.
6 ბლისტერი გამოყენების ინსტრუქციასთან ერთად მოთავსებულია მუყაოს კოლოფში. 

შენახვის პირობები:
შეინახეთ ორიგინალური შეფუთვით, +15-დან +30°С-მდე ტემპერატურის პირობებში. შეინახეთ ბავშვებისათვის მიუწვდომელ ადგილას! 

ვარგისიანობის ვადა
2 წელი.
დაუშვებელია პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ.

აფთიაქიდან გაცემის პირობები:
რეცეპტით.