Nuk

იხილეთ აფთიაქების ჩამონათვალი

მიდოკალმი / MYDOCALM

ხარისხობრივი და რაოდენობრივი შემადგენლობა
100 მგ ტოლპერიზონის ჰიდროქლორიდი და 2.5 მგ ლიდოკაინის ჰიდროქლორიდი ყოველ 1 მლ ამპულაში

დამხმარე ნივთიერებები
მეთილ-პარაჰიდროქსიბენზოატი, დიეთილენგლიკოლ-მონოეთილეთერი, საინექციო წყალი. 

სამკურნალწამლო ფორმა
საინექციო ხსნარი
გამჭვირვალე, უფერო ან ოდნავ მომწვანო სპეციფიკური სუნის ხსნარი. მექანიკურ ჩანართებს არ უნდა შეიცავდეს. 

კლინიკური თვისებები
გამოყენდების ჩვენებება
ნერვული სისტემის ორგანული დაავადებების (პირამიდული გზების დაზიანება, მრავლობითი სკლეროზი,  ცერებროვასკულური ინსულტი, მიელოპათია, ენცეფალომიელიტი და სხვ.) შედეგად განვითარებული        განივზოლიანი მუსკულატურის სპასტიკურობის და ჰიპერტონუსის მკურნალობა. 
კუნთური ჰიპერტონიის და საყრდენ-მამოძრავებელი აპარატის სპაზმის მკურნალობა (მაგალითად: სპონდილოზი, სპონდილოართროზი, კისრის ან ლუმბალური სინდრომი, მსხვილი სახსრების ართროზი). 
ორთოპედიული და ტრავმატოლოგიური ოპერაციების შემდგომი რეაბილიტაცია, იმ დაავადებების მკურნალობა, რომლებიც მიმდინარეობს არტერიების ვაზოსპაზმით, სისხლძარღვთა ინერვაციის დარღვევით (მაგალითად აკროციანოზი, გარდამავალი ანგინევროზული დიზბაზია). 

მიღების წესები და დოზირება
განკუთვნილია მხოლოდ პარენტერალური მიღებისთვის
მოზრდილებში ინიშნება ყოველდღე 100 მგ 2-ჯერ დღეში, კუნთში ან 100 მგ 1-ჯერ დღეში ნელი ინტრავენური ინექციის სახით. 
ინექციები არ ინიშნება ბავშვებში. 

უკუჩვენებები
მომატებული მგრძნობელობა პრეპარატის რომელიმე კომპონენტის მიმართ; მძიმე მიასთენია, ლაქტაციის პერიოდი, საბავშვო ასაკი.
შეფარდებითი უკუჩვენება: ორსულობა, ძირითადად I ტრიმესტრი. 

განასაკუთებული მითითებანი:
არ ინიშნება ბავშვებში

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები
არ არსებობს მონაცემები სხვა პრეპარტებთან ერთად მიდოკალმის გამოყენების შეზღუდვის შესახებ. მოქმედების ცენტრალური მექანიზმის მიუხედავად, ტოლეპრიზონი არ იწვევს სედატიურ ეფექტს, ამიტომ მისი დანიშვნა შეიძლება სედატიურ, ჰიპოტონურ საშუალებებთან და ტრანკვილიზატორებთან ერთად. 

არ ახდენს ზეგავლენას ცენტრალურ ნერვულ სისტემაზე ალკოჰოლის მოქმედებაზე. 

აძლიერებს ნიფლუმინის მჟავის ეფექტს,; ერთდროულად დანიშვნისას შესაძლოა საჭირო გახდეს ნიფლუმინის მჟავის დოზის შემცირება. 

პრეპარატის გამოყენება ორსულობის და ლაქტაციის პერიოდში
პრეკლინიკური გამოკვლევების მონაცემების მიხედვით, ტოლპერიზონს არ გააჩნია ტერატოგენური მოქმედება. იმდენად რამდენადაც არ არსებობს კლინიკური კვლევები მიდოკალმის გამოყენება ორსულობის პერიოდში, განსაკუთრებით I ტრიმესტრში შეიძლება მხოლოდ იმ შემთხვევაში, თუ მოსალოდნელი სარგებელი აჭარბებს ნაყოფისთვის მიყენებულ პოტენციურ ზიანს. 

ლაქტაციის პერიოდში არ არის რეკომენდირებული მიდოკალმის გამოყენება, იმდენად რამდენადაც არ არსებობს მონაცემები ტოლპერიზონის დედის რძეში გადასვლის შესახებ. 

პრეპარატის ზემოქმედება ავტომობილის და სხვა მექანიზმების მართვაზე
არ არსებობს მონაცემები რომელებიც ადასტურებენ მოცემული ზემოქმედების არსებობას. 

გვერდითი მოქმედება
კუნთების სისუსტე, თავის ტკივილი, ჰიპოტენზია, გულისრევა, ღებინება, მუცელში დისკომფორტის შეგრძნება. დოზის შემცირებისას გვერდითი მოქმდება როგორც წესი ქრება. 

იშვიათ შემთხვევებში შესაძლებელია მომატებული მგრძნობელობის რეაქციები (კანის ქავილი, ერითემა, ჭინჭრის ციება, ანგიოშეშუპება, ანაფილაქსიური შოკი, დისპნოე). 

დოზის გაადჭარბება
მონაცემები დოზის გადაჭარბების შესახებ არის მცირერიცხოვანი. მიდოკალმს გააჩნია ფართო თერაპიული ინდექსი, აღწერილია ბავშვების მიერ 600 მგ პრეპარტის მიღების შემთხვევები, რომელიც წარიმართა განსაკუთრებით სერიოზული ტოქსიური სიმპტომების გარეშე. ზოგიერთ შემთხვევაში ბავშვებში აღინიშნებოდა მომატებული გაღიზიანებადობა 300-600 მგ მიდოკალმის დღიური დოზის შიგნით მიღების შემდეგ. პრეკლინიკური მონაცემების მიხედვით დიდი დოზების შემთხვევაში აღინიშნა ატაქსია, ტონურ-კლონური კრუნჩხვები, დისპნოე და სუნთქვის გაჩერება. 
სპეციფიური ანტიდოტი არ არსებობს. დოზის გადაჭარბების შემთხევევაში რეკომენდირებულია საერთო სიმპტომატური და შემანარჩუნებლი თერაპია. 

ფარმაკოლოგიუირ თვისებები
ფარმაკოდინამიკა
ფარმაკოთერაპიული ჯგუფი
ცენტრალური მოქმედების მიორელაქსანტი
ათქ კოდი: M03B X04
საერთაშორისო არარპატენტირებული დასახელება: ტოლპერიზონი

წარმოადგენს ცენტრალურ მიორელაქსანტს, მოქმედების ზუსტი მექანიზმი არ არის ცნობილი. მემბრანმასტაბილიზებელი და ადგილობრივ მაანესთეზირებელი მოქმედების შედეგად ხელს უშლის პირველადი აფერენტული ბოჭკოების აღგზნების გატარებას, აბლოკირებს რა ზურგის ტვინის მონო და პოლისინაფსურ რეფლექსებს. სავარაუდოდ, მოქმედების მეორადი მექანიზმი მდგომარეობს ტრანსმიტერის გამოთავისუფლების ბლოკირებაში სინაფსებში კალციუმის იონების მოხვედრის ბლოკადის გზით. 

ამცირებს რეფლექტორულ მზადყოფნას ტვინის ღეროს რეტიკულოსპინალურ გზებში. მრავალრიცხოვან მოდელებში ამცირებს მომატებულ ტონუსს და რიგიდობას, რომელიც დაკავშირებულია ცხოველების დეცერბრაციასთან. 

აძლიერებს პერიფერიულ სისხლის მიმოქცევას. ეს მოქმედება არ არის დაკავშირებული პრეპარატის ზემოქმედებასთან ცენტრალურ ნერვულ სისიტემაზე. ეს შეიძლება განპირობებული იყოს ტოლპერიზონის სუსტ სპაზმოლიზურ და ანტიადრენერგულ მოქმედებასთან. 

ფარამაკოკინეტიკა
ექვემდებარება ინტენსიურ მეტაბოლიზმს ღვიძლში და თირკმელებში. გამოიყოფა თირკმელებით თითქმის მთლიანად (>99%) მეტაბოლიტების სახით, რომელთა ფარმაკოლოგიური აქტივობა არ არის ცნობილი. ინტრავენური შეყვანისას ნახევარგამოყოფის პერიოდი შეადგენს -1.5 საათს. 

პრეკლინიკური გამოკველვების შედეგები
პრეკლინიკუირ გამოკვლევების მონაცემთა საფუძველზე ტოლპერიზონს არ გააჩნია ტერატოგენური მოქმედება. გამოავლინა ემბრიოტოქსიური მოქმედება ვირთხებში 500 მგ/კგ პერორალუირ დოზების შეყვანისას, ბოცვრებში -250 მგ/კგ დოზებით. მოცემული დოზები ბევრჯერ აღემატება ადამიანის მიერ გამოყენებულ დოზებს. 

შეუთავსებლობა
არ არის მონაცემები

შენახვის პირობები
ინახება +8-15°C, სინათლისგან დაცულ ადგილას. 

შენახვის ვადა
3 წელი
არ შეიძლება პრეპარატის გამოყენება შეფუთვაზე მითითებული შენახვის ვადის გასვლის შემდეგ. 

შუფუთვა
1 მლ საინექციო ხსნარი ყავისფერი შუშის ამპულაში გადატეხვის თეთრი წერტილით. 5 ამპულა პლასტიკურ ფორმაში, გამოყენების ინსტრუქციასთან ერთად მუყაოს კოლოფში. 

აფთიაქიდან გაცემის პირობები
ექიმის რეცეპტით

სად შევიძინოთ?