Nuk
მილგამა ტაბლეტები 100მგ / Milgama Tab 100mg


ერთი გარსით დაფარული ტაბლეტი შეიცავს
აქტიური ნივთიერებები - ბენფოთიამინი 100 მგ, პირიდოქსინის ჰიდროქლორიდი 100 მგ, დამხმარე ნივთიერებები - მიკროკრისტალური ცელულოზა, სილიციუმის დიოქსიდი კოლოიდური უწყლო, ნატრიუმის კროსკარმელოზა, პოვიდონი K-30, გრძელჯაჭვიანი პარციალური გლიცერიდები, ტალკი.
გარსის  შემადგენლობა  - შელაკი, საქაროზა, კალციუმის კარბონატი (E170), ტალკი, აკაციის ფხვნილი, სიმინდის სახამებელი, ტიტანის დიოქსიდი (E171), ტალკი, სილიციუმის დიოქსიდი კოლოიდური უწყლო, პოვიდონი K30, მაკროგოლი 6000, 85% -იანი გლიცერინი, პოლისორბატი 80, გლიკოლის მთის ცვილი.
აღწერა
მრგვალი ორმხრივამოზნექილი ტაბლეტები, გარსით დაფარული, თეთრი ფერის, გლუვი ზედაპირით; დასაშვებია უსწორმასწორობა,  უხეშობა და პატარა წინკწლები.

ფარმაკოლოგიური თვისებები

B ჯგუფის ნეიროტროპული ვიტამინები ახდენენ დადებით ზემოქმედებას ნერვების და მამოძრავებელი აპარატისა დეგენერატიულ და ანთებით დაავადებებზე. ისინი გამოიყენებიან არამარტო დეფიციტიურ მდგომარეობების აღმოსაფხვრელად, არამედ დიდ დოზებით ფლობენ ანალგეზიურ თვისებებს, ხელს უწყობენ სისხლის მიმოქცევას და ახდენენ ნერვული სისტემის მუშაობის და სისხლის წარმოქმნის პროცესის ნორმალიზებას.

ბენფოთიამინი არის B1 ვიტამინის ცხიმში ხსნადი პრეკურსორი, რაც უზრუნველყოფს მის მნიშვნელოვნად უფრო მაღალ ბიოშეღწევადობას წყალში ხსნად თიამინის  მარილებთან  შედარებით. ბენფოთიამინი თითქმის მთლიანად აბსორბირდება თორმეტგოჯა ნაწლავში და წვრილი ნაწლავის ზედა და შუა ნაწილებში და ფოსფორილირდება ბიოლოგიურად აქტიურ თიამინდიფოსფატად და და თიამინტრიფოსფატად. თიამინი აღწევს ჰემატოენცეფალურ და პლაცენტარულ ბარიერებში და აღმოჩენილია დედის რძეში. თიამინი გამოიყოფა შარდით ალფა-ფაზაში 0.15 საათის შემდეგ, ბეტა-ფაზაში 1 საათის შემდეგ, და ტერმინალურ ფაზაში -2 დღის განმავლობაში. ძირითად მეტაბოლიტებს წარმოადგენენ თიამინკარბონის მჟავა, პირამინი და ზოგიერთი უცნობი მეტაბოლიტები. თიამინი გამოიყოფა შარდში.
პირიდოქსინი
აბსორბირდება წვრილი ნაწლავის ზედა ნაწილებში, ნაწილდება  მთელ ორგანიზმში, აღწევს   პლაცენტაში და გვხვდება დედის რძეში. პირიდოქსინის სატრანსპორტო ფორმას წარმოადგენს ალბუმინთან დაკავშირებული
პირიდოქსალ-5-
ფოსფატი. უჯრედის მემბრანის გასავლელად, ტუტე ფოსფატაზის ზემოქმედებით პირიდოქსალ-5-ფოსფატი ჰიდროლიზდება პირადოქსალად. აბსორბირებული პირიდოქსინი გამოიყოფა ორგანიზმიდან შარდით  აბსორბციიდან  2-5 საათის განმავლობაში.

ჩვენებები

გამოიყენება სიმპტომატიური თერაპიისთვის ნერვული სისტემის სხვადასხვა წარმოშობის დაავადებებისას: ნევრიტი, ნევრალგია, პოლინეიროპათია (დიაბეტური, ალკოჰოლური და სხვ.), მიალგია, რადიკულარული სინდრომები, რეტრობულბარული ნევრიტი, შემომსარტყვლელი ჰერპესი , სახის ნერვის პარეზი. სისტემური ნევროლოგიური დაავადებები, რომელიც გამოწვეულია B ვიტამინების დადასტურებული დეფიციტით.

მიღების წესები და დოზები

1-2 ტაბლეტი სამჯერ დღეში ერთი თვის განმავლობაში საჭირო რაოდენობის სითხესთან ერთად .
მძიმე შემთხვევებში და მწვავე ტკივილებისას, სისხლში პრეპარატის დონის სწრაფი ზრდისათვის საჭიროა ერთი ინექცია (2 მლ) ღრმად კუნთში. გამწვავების გავლის შემდეგ და დაავადების მსუბუქ შემთხვევების დროს საჭიროა 1 ინექცია 2-3 ჯერ კვირაში. შემდგომში მკურნალობის გაგრძელებისთვის მიიღება თითო ტაბლეტი ყოველდღე.

გვერდითი მოვლენები

შესაძლო ალერგიული რეაქციები. ზოგიერთ შემთხვევაში შეიძლება წარმოიშვას ოფლიანობა, ტაიკარდია, ჩნდება გამონაყარი(აკნე). აისახება კანის რეაქცია ქავილის, ჭინჭრის ციების სახით. იშვიათ შემთხვევაში შეიძლება გამოვლინდეს პრეპარატის მიმართ მომატებული მგრძნობიარობა, მაგალითად გამონაყარი, გართულებული სუნთქვა, კვინკეს შეშუპება, ანაფილაქსიური შოკი. პრეპარატის ძალიან სწრაფად შეყვანის შემთხვევაში შეიძლება განვითარდეს თავბრუსხვევა, არითმია, კრუნჩხვები, ეს მოვლენები შეიძლება იყოს დოზის გადაჭარბების შედეგი.

უკუჩვენება

დეკომპენსირებული გულის უკმარისობის მძიმე და გამწვავებული ფორმები. მომატებული მგრძნობელობა პრეპარატის შემადგენელი კომპონენტების მიმართ.

ორსულობა და ლაქტაცია

ვიტამინს არ აქვს არავითარი უკუჩვენება 25 მგ-მდე დოზის ყოველდღიური მიღებისას ორსულობის და ლაქტაციის დროს. ტაბლეტი კი შეიცავს 100 მგ B1 და B6 ვიტამინებს და ამიტომ ამ შემთხევაში მათი გამოყენება არ არის რეკომენდირებული.

ჭარბი დოზირება

დოზის გადაჭარბებისას ხდება პრეპარატის გვერდითი მოქმედების სიმპტომების გაძლიერება. პირველი დახმარება მდგომარეობს კუჭ-ნაწლავის ტრაქტის ამორეცხვაში, აქტივირებული ნახშირის მიღებაში, სიმპტომატიური თერაპიის დანიშვნაში.

სხვა წამლებთან ურთიერთქმედება

თიამინი მთლიანად იშლება სულფიტის შემცველ ხსნარებში. სხვა ვიტამინები განიცდიან ინაქტივაციას B ვიტამინის დაშლის პროდუქტების თანაარსებობისას. ლევოდოპა ასუსტებს ვიტამინის თერაპევტული დოზის ეფექტურობას. ასევე შეიძლება წარმოიშვას ურთიერთქმედება ციკლოსერინთან, D-პენიცილამინთან, ადრენალინთან, ნორადრენალინთან, სულფონამიდთან.

თიამინი შეუთავსებელია დამჟანგავ რედუცირებად ნივთიერებებთან: ვერცხლისწყლის ქლორიდი, იოდიდებთან, კარბონატებთან, აცეტატთან, ტანინის მჟავასთან, რკინა-ამონიუმის-ციტრატთან, და აგრეთვე ფენობარბიტალ ნატრიუმთან, რიბოფლავინთან, ბენზილ-პენიცილინთან, გლუკოზასთან და მეტაბისულფიტთან. სპილენძი აჩქარებს თიამინის დაშლას; ამის გარდა თიამინი კარგავს თავის მოქმედებას pH- ის მნიშვნელობის გაზრდასთან ერთად (pH 3- ზე მეტი).
ვიტამინი შეუთავსებადია მძიმე მეტალების მარილებთან. ხსნარები, რომლებიც შეიცავენ თიამინს , ვიტამინ , ისევე როგორც ჯგუფის სხვა ვიტამინები, სწრაფად იშლება იამინის დაშლის პროდუქტების გამო (რკინის იონების დაბალ კონცენტრაციას შეუძლია ამის შეჩერება). რიბოფლავინს ასევე ახასიათებს დესტრუქციული ზემოქმედება, განსაკუთრებით სინათლესთან ერთდროულ ზემოქმედებისას; ნიკოტინამიდი აჩქარებს ფოტოლიზს, მაშინ როდესაც ანტიოქსიდანტებს ახასიათებთ შემაფერხებელი ზემოქმედება.

შენახვის პირობები და ვადები

ტაბლეტი: არაუმეტეს 25oC ტემპერატურაზე.
შეინახეთ ბავშვისათვის მიუწდომელ ადგილას.
ვარგისისანობის ვადა 5 წელი
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე

სად შევიძინოთ?