ლუკამონტი ქიდსი / Lucamont™ Kids
- საერთაშორისო დასახელება (აქტიური ნივთიერება): montelukast
- კლინიკურ-ფარმაკოლოგიური ჯგუფი: ალერგოლოგია → ლეიკოტრიენების რეცეპტორების ანტაგონისტები
- მწარმოებელი კომპანია: Pharmactive Ilac San
- მწარმოებელი ქვეყანა: თურქეთი
- გამოშვების ფორმა: 4მგ საღეჭი ტაბლეტი №28
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
ერთი საღეჭი ტაბლეტი შეიცავს:
აქტიურ ნივთიერებას: მონტელუკასტი 4მგ ან 5მგ (მონტელუკასტის ნატრიუმის სახით 4,16მგ ან 5,20მგ შესაბამისად).
დამხმარე ნივთიერებებს: მიკროკრისტალური ცელულოზა, მანიტოლი, ნატრიუმის კროსკარმელოზა, ტიტანის დიოქსიდი წითელი, ჰიდროქსიპროპილცელულოზა (Klucel EF), დინატრიუმის ედეტატი, ასპარტამი, ალუბლის არომატიზატორი, მაგნიუმის სტეარატი.
აღწერა
საღეჭი ტაბლეტები 4მგ: ორმხრივ ამოზნექილი, ვარდისფერი, მოგრძო ფორმის საღეჭი ტაბლეტები გამყოფი ხაზის გარეშე.
საღეჭი ტაბლეტები 5მგ: ორმხრივ ამოზნექილი, ვარდისფერი, მრგვალი ფორმის საღეჭი ტაბლეტები გამყოფი ხაზის გარეშე.
ფარმაკოთერაპიული ჯგუფი
ლეიკოტრიენული რეცეპტორების ანტაგონისტი.
ათქ კოდი: R03DC03
ფარმაკოლოგიური თვისებები
ფარმაკოდინამიკა
ცისტეინური ლეიკოტრიენები (LTC4, LTD4, LTE4) ანთების მძლავრი ეიკოზანოიდებია, რომელთა გამოთავისუფლება სხვადასხვა უჯრედიდან, მათ შორის პოხიერი უჯრედებიდან და ეოზინოფილებიდან ხდება. ეს ეიკოზანოიდები უკავშირდებიან ადამიანის სასუნთქ გზებში არსებულ ცისტეინურ ლეიკოტრიენულ რეცეპტორებს (CysLT). სასუნთქი გზების შეშუპება, ბრონქების გლუვი კუნთების სპაზმი, ასოცირებული უჯრედული აქტივობის ანთებით ცვლილებებთან ბრონქული ასთმის პათოფიზიოლოგიაში, განპირობებულია ცისტეინური ლეიკოტრიენების დაკავშირებით ლეიკოტრიენულ რეცეპტორებთან. მონტელუკასტი აქტიური ნივთიერებაა, რომელიც მაღალი აფინობითა და სპეციფიკურობით უკავშირდება CysLT1 რეცეპტორებს. მონტელუკასტი ძლიერ აინჰიბირებს LTD4-ის ფიზიოლოგიურ მოქმედებას CysLT1 რეცეპტორებზე და ამასთანავე არ ავლენს რაიმე აგონისტურ აქტივობას.
ფარმაკოკინეტიკა
შეწოვა
მონტელუკასტი პერორალური მიღების შემდეგ სწრაფად შეიწოვება. მოზრდილებში 10 მგ აპკიანი გარსით დაფარული ტაბლეტების უზმოზე მიღებისას პლაზმაში მისი მაქსიმალური კონცენტრაცია (Сmax) მიიღწევა 3 საათში (Tmax), ხოლო საშუალო ბიოშეღწევადობაშეადგენს 64%-ს. სტანდარტული საუზმე არ მოქმედებს პრეპარატის ბიოშეღწევადობასა და Сmax-ზე.
4მგ საღეჭი ტაბლეტების უზმოზე მიღებისას Cmax 2-5 წლის ბავშვებში მიიღწევა 2 საათში.
5მგ საღეჭი ტაბლეტების უზმოზე მიღებისას მაქსიმალური კონცენტრაცია მოზრდილებში მიიღწევა 2 საათში, ხოლო ბიოშეღწევადობა შეადგენს 73%-ს, სტანდარტული საუზმის შემდეგ - 63%-ს.
განაწილება
მონტელუკასტის 99%-ზე მეტი სისხლის პლაზმის ცილებს უკავშირდება. მონტელუკასტის განაწილების სტაბილური მოცულობა საშუალოდ 8-11 ლიტრს შეადგენს.
ბიოტრანსფორმაცია
მონტელუკასტი აქტიურად მეტაბოლიზდება ღვიძლში.თერაპიული დოზებით გამოყენების კვლევებში, მონტელუკასტის მეტაბოლიტების კონცენტრაცია წონასწორულ მდგომარეობისას ბავშვებისა და ზრდასრულების სისხლის პლაზმაში არ ისაზღვრება.
გამოყოფა
მონტელუკასტის კლირენსი შეადგენს საშუალოდ 45 მლ/წთ. მონტელუკასტი და მისი მეტაბოლიტები ექსკრეტირდება ძირითადად ნაღველთან ერთად.
ჩვენებები
ლუკამონტი™ ქიდსი საღეჭი ტაბლეტები 4მგ: პერსისტული ასთმის მკურნალობა(დღის და ღამისპერიოდში დაავადების სიმპტომების პრევენცია, ასპირინული ასთმის მქონე პაციენტების მკურნალობა, ფიზიკური დატვირთვით გამოწვეული ბრონქოსპაზმის პრევენცია),სეზონური და მუდმივი ალერგიული რინიტების სიმპტომების შემსუბუქება(ბოლო წლის განმავლობაში)2-5 წლის პედიატრიულ პაციენტებში.
ლუკამონტი™ ქიდსი საღეჭი ტაბლეტები 5მგ: პერსისტული ასთმის მკურნალობა(დღის და ღამისპერიოდში დაავადების სიმპტომების პრევენცია, ასპირინული ასთმის მქონე პაციენტების მკურნალობა, ფიზიკური დატვირთვით გამოწვეული ბრონქოსპაზმის პრევენცია),სეზონური და სრულწლიანი ალერგიული რინიტების სიმპტომების შემსუბუქება(ბოლო წლის განმავლობაში)6-14 წლის პედიატრიულ პაციენტებში.
უკუჩვენებები
მონტელუკასტის ან რომელიმე დამხმარე კომპონენტის მიმართ მომატებული მგრძნობელობა.
განსაკუთრებული მითითებები
პაციენტები აუცილებლად ინფორმირებული უნდა იყვნენ იმის შესახებ,რომ ბრონქული ასთმის შეტევების დროს არ უნდა მიიღონ მონტელუკასტი და მუდამ თან იქონიონ მათთვის დანიშნული შესაბამისი პრეპარატები.ბრონქული ასთმის შეტევების კუპირებისთვის უნდა იქნას მიღებული ხანმოკლე მოქმედების საინჰალაციო ბეტა- აგონისტები. ხანმოკლე მოქმედების საინჰალაციო ბეტა- აგონისტების უფრო დიდი დოზებით მიღების აუცილებლობისას პაციენტმა უნდა მიაკითხოს ექიმს. დაუშვებელია საინჰალაციო ან პერორალური გლუკოკორტიკოსტეროიდების მოულოდნელად ჩანაცვლება მონტელუკასტით. მონტელუკასტთან ერთდროულად გამოყენებული პერორალური გლუკოკორტიკოსტეროიდების დოზის შემცირების შესახებ ინფორმაცია არ არსებობს.
ფსიქონევროლოგიური დარღვევები
არსებობს ცნობები ფსიქონევროლოგიური დარღვევების შესახებ მოზრდილებში, მოზარდებში და ბავშვებში, რომლებიც იღებენ მონტელუკასტის ტაბლეტებს. პოსტმარკეტინგულ მონაცემებში არსებობს ცნობები ისეთი გვერდითი მოვლენების შესახებ, როგორიც არისშფოთვა, აგრესია ან მტრულად განწყობა, დეპრესია, დეზორიენტაცია, პათოლოგიური სიზმრები, ჰალუცინაციები, უძილობა, გაღიზიანება, მოუსვენრობა, სომნამბულიზმი, სუიციდური აზრები და ქცევა (მათ შორის სუიციდის მცდელობები), ტრემორი. ექიმმა უნდა განიხილოს აღნიშნული გვერდითი მოვლენები პაციენტთან ან მის ახლობლებთან და აუხსნას, რომ მსგავსი სიმპტომების გამოვლენისას დაუყოვნებლივ აცნობონ მკურნალ ექიმს. მოცემულ შემთხვევაში ექიმმა ყურადღებით უნდა შეაფასოს პრეპარატ ლუკამონტ™ ქიდსით მკურნალობის რისკი და სარგებელი.
ეოზინოფილია
იშვიათად პაციენტებში, რომლებიც ასთმისსაწინააღმდეგო პრეპარატებს იღებენ, მონტელუკასტის ჩათვლით, შესაძლებელია განვითარდეს სისტემური ეოზინოფილია ვასკულიტის კლინიკური გამოვლინებით და ჩარგ-სტრაუსის (Churg-Strauss)სინდრომი, დაკავშირებული სისტემური გლუკოკორტიკოსტეროიდების გამოყენებასთან. მსგავსი გვერდითი რეაქციები, როგორც წესი (მაგრამ არა ყოველთვის) დაკავშირებულია დოზის შემცირებასთან ან პერორალური გლუკოკორტიკოსტეროიდების მიღების შეწყვეტასთან. მიზეზ-შედეგობრივი კავშირი ჩარგ-სტრაუსის სინდრომის განვითარებასა და ლეიკოტრიენების რეცეპტორების ანტაგონისტებით მკურნალობას შორის დადგენილი არ არის, მაგრამ არც გამორიცხულია. ექიმმა უნდა მიიღოს მხედველობაში, რომ შესაძლოა გამოვლინდეს ეოზინოფილია და გამონაყარი, ფილტვის სიმპტომების გაუარესება, კარდიოლოგიური გართულებები და/ან ნევროპათია. მსგავსი სიმპტომების გამოვლენისას საჭიროა პაციენტების განმეორებითი გასინჯვა და მკურნალობის სქემის გადახედვა.მონტელუკასტის მიღება არ გამორიცხავს აცეტილსალიცილის მჟავას და სხვა ანთებისსაწინააღმდეგო პრეპარატების მიღებისგან თავის შეკავებას იმ პაციენტებში ვინც ჰიპერმგრძნობიარენი არიან აცეტილსალიცილის მჟავის მიმართ.
დამხმარე ნივთიერებები
ასპარტამი: ლუკამონტ™ ქიდსის ტაბლეტების შემადგენლობაში შედის ფენილალანინის წყარო,რაც შეიძლება საშიშროებას წარმოადგენდეს ფენილკეტონურიით დაავადებული პაციენტებისათვის.
ნატრიუმი: ლუკამონტ™ ქიდსის 1 ტაბლეტი შეიცავს 1 მმოლ-ზე (23 მგ) ნაკლებ ნატრიუმს, ამიტომ ნაკლებად მოსალოდნელია ნატრიუმთან დაკავშირებული გვერდითი მოვლენების განვითარება.
მანიტოლი: ლუკამონტ™ ქიდსის 1 ტაბლეტი შეიცავს 54,40მგ მანიტოლს, ასეთი რაოდენობით არ არის მოსალოდნელი მანიტოლთან დაკავშირებული გვერდითი მოვლენების განვითარება.
ურთიერთქმედება სხვა მედიკამენტებთან
ლუკამონტ™ ქიდსი შეიძლება დაინიშნოს სხვა სამკურნალო საშუალებებთან ერთად, რომლებიც ტრადიციულად ბრონქული ასთმის პროფილაქტიკისათვის და ხანგრძლივი მკურნალობისთვის გამოიყენება. ურთიერთქმედებასთან დაკავშირებით ჩატარებულ კლინიკურ კვლევებში მონტელუკასტის რეკომენდებული კლინიკური დოზა არ ახდენდა კლინიკურად მნიშვნელოვან ეფექტს თეოფილინის, პრედნიზონის, პრედნიზოლონის, პერორალური ჩასახვის საწინააღმდეგო საშუალებების (ეთინილესტრადიოლი/ნორეტინდრონი 35/1), ტერფენადინის, დიგოქსინისა და ვარფარინის ფარმაკოკინეტიკაზე. მონტელუკასტის ფენობარბიტალთან ერთდროულად დანიშვნისას პლაზმური კონცენტრაციის მრუდის ქვედა არე (AUC) დაახლოებით 40%-ით მცირდება. რადგან მონტელუკასტი მეტაბოლიზდება ღვიძლში ციტოქრომ P450 CYP3A4-ით, 2C8 და 2C9-ით, ის სიფრთხილით უნდა იქნას გამოყენებული P450 CYP3A4-ის ინდუქტორებთან ერთად, როგორიც არის ფენიტოინი, ფენობარბიტალი და რიფამპიცინი. In vitro კვლევებით დადგინდა, რომ მონტელუკასტი თრგუნავს იზოფერმენტ CYP2C8/2 C8, თუმცა in vivo მონტელუკასტისა და როსიგლიტაზონის (მეტაბოლიზდება იზოფერმენტ CYP2C8 მონაწილეობით) მედიკამენტური ურთიერთქმედების გამოკვლევისას არ დამტკიცდა მონტელუკასტით იზოფერმენტ CYP2C8-ის ინჰიბირება. ამიტომ მონტელუკასტსა და იზოფერმენტ CYP2C8-ის მონაწილეობით მეტაბოლიზებულ პრეპარატებს შორის (მაგალითად: პაკლიტაქსელი, როსიგლიტაზონი, რეპაგლინიდი) კლინიკურად მნიშვნელოვანი ურთიერთქმედება არ არის მოსალოდნელი. In vitro გამოკვლევით დადგინდა, რომ მონტელუკასტი წარმოადგენს CYP2C8, 2С9 და 3А4 სუბსტრატს. კლინიკურ კვლევებში, რომლებიც მონტელუკასტისა და ჰემფიბროზილის (CYP2C8 და 2С9 ინჰიბიტორი) ურთიერთქმედების შესწავლისთვის მიმდინარეობდა, დადგინდა რომ ჰემფიბროზილი 4,4- ჯერ ზრდის მონტელუკასტის სისტემურ ეფექტს. CYP3A4-ის ძლიერი ინჰიბიტორის, იტრაკონაზოლის, ჰემფიბროზილთან და მონტელუკასტთან ერთდროული გამოყენება არ იწვევს მონტელუკასტის სისტემური ეფექტის დამატებით გაძლიერებას.ამგვარად, ჰემფიბროზილთან ერთდროული გამოყენების დროს, მონტელუკასტის დოზის კორექცია საჭირო არ არის.
In vitro კვლევებზე დაყრდნობით კლინიკურად მნიშვნელოვანი ურთიერთქმედება მონტელუკასტისა სხვა CYP2C8 ინჰიბიტორებთან(მაგ: ტრიმეტოპრიმთან)არ არის მოსალოდნელი.მხოლოდ იტრაკონაზოლთანერთდროული გამოყენება არ იწვევს მონტელუკასტის სისტემური ეფექტის კლინიკურად მნიშვნელოვან გაზრდას.
გამოყენება ორსულობის დროს და ლაქტაციის პერიოდში
ორსულობის დროს,მონტელუკასტს მხოლოდ აუცილებლობის შემთხვევაში იღებენ. ცნობილი არ არის გამოიყოფა თუ არა მონტელუკასტი დედის რძეში, ამიტომაცმხოლოდ მკაცრი აუცილებლობის შემთხვევაში შეიძლება პრეპარატის გამოყენებაძუძუთი კვების პერიოდში.
ზემოქმედება სატრანსპორტო საშუალებებისა და სხვა პოტენციურად საშიში მექანიზმების მართვის უნარზე
მონტელუკასტის ზემოქმედება სატრანსპორტო საშუალებების მართვის უნარზე არ არის მოსალოდნელი.
პრეპარატის მიღებისას გასათვალისწინებელია ისეთი გვერდითი მოვლენების შესაძლო გამოვლენა,როგორიც არის ძილიანობა და თავბრუსხვევა.
გამოყენების წესები და დოზა
საღეჭი ტაბლეტები 4მგ: 2-5 წლის ბავშვები 1 საღეჭი ტაბლეტი 1ჯერ/დღე-ღამეში.
საღეჭი ტაბლეტები 5მგ: 6-14 წლის ბავშვები 1 საღეჭი ტაბლეტი 1ჯერ/დღე-ღამეში.
პერსისტიული ასთმა
2-5 წლის ბავშვებში 4 მგ ლუკამონტ™ ქიდსის 1 საღეჭი ტაბლეტი 1ჯერ/დღე-ღამეში.
6-14 წლის ბავშვებში 5 მგ ლუკამონტ™ ქიდსის 1 საღეჭი ტაბლეტი 1ჯერ/დღე-ღამეში.
ალერგიული რინიტი
სეზონური და მუდმივი ალერგიული რინიტი
2-5 წლის ბავშვებში 4 მგ ლუკამონტ™ ქიდსის 1 საღეჭი ტაბლეტი 1ჯერ/დღე-ღამეში. პრეპარატის მიღების დრო განისაზღვრება ინდივიდუალურად, პაციენტის მდგომარეობის გათვალისწინებით.
6-14 წლის ბავშვებში 5 მგ ლუკამონტ™ ქიდსის 1 საღეჭი ტაბლეტი 1ჯერ/დღე-ღამეში.
პრეპარატის მიღების დრო განისაზღვრება ინდივიდუალურად, პაციენტის მდგომარეობის გათვალისწინებით.
ასთმა და ალერგიული რინიტი
2-5 წლის ბავშვებმა უნდა მიიღონ 4 მგ ლუკამონტ™ ქიდსის მხოლოდ 1 საღეჭი ტაბლეტი, საღამოს 1ჯერ/დღე-ღამეში.
6-14 წლის ბავშვებმა უნდა მიიღონ 5 მგ ლუკამონტ™ ქიდსის მხოლოდ 1 საღეჭი ტაბლეტი, საღამოს 1ჯერ/დღე-ღამეში
პრეპარატ ლუკამონტ™ ქიდსის თერაპიული ზემოქმედება ბრონქული ასთმის მიმდინარეობის ამსახველ მაჩვენებლებზე ვლინდება პირველი დღის განმავლობაში.
პრეპარატის მიღება შეიძლება,როგორც უზმოზე, ისე საკვების მიღების შესაბამისად. საკვებზე დამოკიდებულების შემთხვევაში,პრეპარატს იღებენ კვებიდან 1სთ-ით ადრე ან 2სთ-ის შემდეგ.
პაციენტმა უნდა მიიღოს ლუკამონტ™ ქიდსი ბრონქული ასთმის როგორც გამწვავების, ისე სიმპტომების კონტროლის მიღწევის პერიოდში.
სპეციალური ჯგუფის ავადმყოფებთან დაკავშირებული დამატებითი მონაცემები
თირკმლის უკმარისობა
პაციენტებს თირკმლის უკმარისობით დოზის კორექცია არ სჭირდებათ.
ღვიძლის უკმარისობა
პაციენტებს ღვიძლის მსუბუქი და საშუალო ხარისხის უკმარისობით დოზის კორექცია არ სჭირდებათ. ღვიძლის მძიმე ხარისხის უკმარისობის მქონე პაციენტებში პრეპარატის გამოყენების შესახებ ინფორმაცია არ არის.
პედიატრიული პაციენტები
პრეპარატ ლუკამონტ™ქიდსის გამოყენების უსაფრთხოება და ეფექტურობა შესწავლილ იქნა ადეკვატურ და კონტროლირებად კვლევებში6-14 წლის ასთმის მქონე ბავშვებში. უსაფრთხოების და ეფექტურობის პროფილი იდენტურია ამ ჯგუფის და მოზრდილ პაციენტებში.
გერიატრიული პაციენტები
ხანდაზმულ და ახალგაზრდა პაციენტებში პრეპარატი ერთნაირად გამოყენება,
მაგრამ ჰიპერმგრძნობელობის რეაქციების არსებობა ზოგიერთ ასაკოვან პაციენტში გამორიცხული არ არის.
პრეპარატ ლუკამონტ™ქიდსის ბრონქული ასთმის სხვა სახის სამკურნალო საშუალებებთან ერთად დანიშვნა
საინჰალაციო გლუკოკორტიკოსტეროიდები:ლუკამონტ™ ქიდსი შეიძლება დაენიშნოს დამატებითი თერაპიის სახით იმ პაციენტებს, რომლებშიც საინჰალაციო გლუკოკორტიკოსტეროიდების და/ან ბეტა-2 აგონისტების მიღებით ვერ მიიღწევა ბრონქული ასთმის სიმპტომების კლინიკური კონტროლი. აუცილებლობის შემთხვევაში საინჰალაციო კორტიკოსტეროიდების დოზა შეიძლება თანდათანობით შემცირდეს. არ შეიძლება საინჰალაციო გლუკოკორტიკოსტეროიდებით მკურნალობის ერთბაშად სრულად ჩანაცვლება ლუკამონტ™ ქიდსის ტაბლეტებით.
გვერდითი მოვლენები
კლინიკური კვლევების დროს მონტელუკასტის მიღების შეფასება ხდება, ქვემოთ მოცემულის შესაბამისად
• 10მგ აპკიანი გარსით დაფარული ტაბლეტები- 400 პაციენტი, 15 წლის ზემოთ
• 5მგ საღეჭი ტაბლეტები-1750 პაციენტი,6-14 წლის ზემოთ
• 4მგ საღეჭი ტაბლეტები-851 პაციენტი, 2-5 წლის ზემოთ
• 4მგ გრანულები და საღეჭი ტაბლეტები-1038 პედიატრიულ პაციენტი6 თვიდან 5 წლამდე. 2-5 წლის,ასთმის მქონე, პედიატრიულ პაციენტებში, რომლებიც იღებდნენ მონტელუკასტს, კლინიკური კვლევების დროს (12 კვირიანი კვლევა, n=461), (48 კვირიანი კვლევა n=278) პლაცებოსთან შედარებით ხშირად (≥1/100-დან <1/10-მდე) აღენიშნებოდათ შემდეგი გვერდითი რეაქციები:
საჭმლის მომნელებელი სისტემის მხრივ
ხშირად: აბდომინალური ტკივილები
ზოგადი მოშლილობა და ადგილობრივი რეაქციები
ხშირად: წყურვილის შეგრძნება
ასთმის მქონე პაციენტებს 15 წლის ზემოთ, რომლებიც იღებენ მონტელუკასტს, ჩატარებულმა კლინიკურმა კვლევებმა აჩვენა(12 კვირიანი კვლევა, n=795),პლაცებოსთან შედარებისას ხშირად (≥1/100-დან <1/10-მდე) აღენიშნებოდათ შემდეგი გვერდითი რეაქციები:
ნერვული სისტემის მხრივ
ხშირად: თავის ტკივილი
საჭმლის მომნელებელი სისტემის მხრივ
ხშირად:აბდომინალური ტკივილები
ასთმის მქონე 6-14 წლის პედიატრიულ პაციენტებს, რომლებიც ღებულობენ მონტელუკასტს,ჩატარებული კლინიკური კვლევების დროს(ერთი 8 კვირიანი კვლევა, n=201,ორი 56 კვირიანი კვლევა, n=615),(48 კვირიანი კვლევა, n=278) პლაცებოსთან შედარებით ხშირად(≥1/100-დან <1/10-მდე)აღენიშნებოდათ შემდეგი გვერდითი რეაქციები:
ნერვული სისტემის მხრივ
ხშირად: თავის ტკივილი
პოსტმარკეტინგული კვლევები
პოსტმარკეტინგული კვლევების დროს არსებული არასასურველი რეაქციები, მოცემულია ქვემოთ. წარმოქმნის სიხშირე: ძალიან ხშირად (≥1/10); ხშირად (≥1/100-დან <1/10-მდე); არცთუ ხშირად (≥1/1000-დან <1/100-მდე); იშვიათად (≥1/10000-დან<1/1000-მდე); ძალიან იშვიათად (<1/10000);
ინფექციები და ინვაზიები
ძალიან ხშირად: ზედა სასუნთქი გზების ინფექციები
სისხლმბადი და ლიმფური სისტემის მხრივ
იშვიათად: სისხლდენისადმი მომატებული მიდრეკილება
იმუნური სისტემის მხრივ
არცთუ ხშირად: ჰიპერმგრძნობელობის რეაქციები (მათ შორის ანაფილაქსია);
ძალიან იშვიათად: ღვიძლის ეოზინოფილური ინფილტრაცია.
ფსიქიკის მხრივ:
არცთუ ხშირად: პათოლოგიური სიზმრები (მათ შორის კოშმარები), უძილობა, მოუსვენრობა, აჟიტირება (მათ შორის აგრესიული ან მტრულიდამოკიდებულება), დეპრესია, სომნაბულიზმი.
იშვიათად: ტრემორი
ძალიან იშვიათად: ჰალუცინაციები, სუიციდალური აზრები და ქცევა, ქცევის დარღვევა.
ნერვული სისტემის მხრივ
არცთუ ხშირად: თავბრუსხვევა, ძილიანობა, პარესთეზია/ჰიპესთეზია, კრუნჩხვები.
გულ-სისხლძარღვთა სისტემის მხრივ
იშვიათად: გულისცემის შეგრძნება
სასუნთქვი სისტემის, გულმკერდისა და შუასაყარის ორგანოების მხრივ
არცთუ ხშირად: სისხლდენა ცხვირიდან;
ძალიან იშვიათად: ჩარგ -სტრაუსის სინდრომი.
საჭმლის მომნელებელი სისტემის მხრივ
ძალიან ხშირად: დიარეა, გულისრევა, ღებინება;
არცთუ ხშირად: პირის სიმშრალე, დისპეპსია.
ჰეპატობილიარული სისტემის მხრივ
ხშირად: ღვიძლის ფერმენტების აქტივობის გაზრდა (ალტ, ასტ)
ძალიან იშვიათად: ჰეპატიტი (მათ შორის ქოლესტატური და ჰეპატოცელულარული ჰეპატიტი , შერეული ეტიოლოგიის ღვიძლის დაზიანება).
კანისა და კანქვეშა ქსოვილის მხრივ
ხშირად: გამონაყარი;
არცთუ ხშირად: ჰემატომა, ჭინჭრის ციება, ქავილი;
იშვიათად: ანგიონევროზული შეშუპება;
ძალიან იშვიათად: კვანძოვანი ერითემა, მულტიფორმული ერითემა.
ძვალ-კუნთოვანი სისტემის და შემაერთებელი ქსოვილის მხრივ
არცთუ ხშირად: ართრალგია, მიალგია (კუნთების სპაზმის ჩათვლით).
ზოგადი დარღვევები და ადგილობრივი რეაქციები
ხშირად : ჰიპერთერმია;
არცთუ ხშირად : ასთენია/დაღლილობა, დისკომფორტი, შეშუპება.
ცნობები საეჭვო გვერდითი მოვლენების შესახებ
სამკურნალო პრეპარატის დარეგისტრირების შემდეგ საეჭვო გვერდითი რეაქციების შესახებ მონაცემების მიწოდებას დიდი მნიშვნელობა აქვს. ეს საშუალებას იძლევა სამკურნალო პრეპარატის მოხმარებისას განხორციელდეს სარგებელი/რისკის შეფარდების ხანგრძლივი კონტროლი.
არასასურველი ეფექტების განვითარების შემთხვევაში მიმართეთ ექიმს.
დოზის გადჭარბება
სპეციფიური მკურნალობისას, მონტელუკასტის დოზის გადაჭარბების შესახებ ცნობები არ არის. დოზის გადაჭარბებისას ყველაზე ხშირად შეინიშნება აბდომინალური ტკივილები, ძილიანობა, წყურვილის შეგრძნება, თავის ტკივილი, ღებინება, ფსიქომოტორული ჰიპერაქტივობა.
პერიტონეალური დიალიზის ან ჰემოდიალიზის გზით მონტელუკასტის შესაძლო გამოყოფის შესახებ მონაცემები არ არის.
გამოშვების ფორმა
ლუკამონტ™ ქიდსი 4მგ და 5მგ საღეჭი ტაბლეტები ბლისტერზე. 2 ბლისტერი(28 საღეჭი ტაბლეტი) კომპლექტში გამოყენების ინსტრუქციასთან ერთად შეფუთული მუყაოს კოლოფში.
შენახვის პირობები
პრეპარატი ინახება 25°C-ზე დაბალი ტემპერატურის პირობებში, სინათლისა და ტენისგან დაცულ, ბავშვებისათვის მიუწვდომელ ადგილზე, ორიგინალურ შეფუთვაში.
ვარგისობის ვადა
2 წელი.
პრეპარატი არ გამოიყენება ვარგისობის ვადის გასვლის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა N3 რეცეპტით.
სად შევიძინოთ?