ლოზაპი პლუსი / Lozap Plus


შემადგენლობა და გამოშვების ფორმა
შემოგარსული ტაბლეტები: შეფუთვაში 30 ც.
1 ტაბ.
ლოზარტანის კალიუმი....................................... 50 მგ
ჰიდროქლორთიაზიდი....................................... 12.5 მგ
დამხმარე ნივთიერებები: მიკროკრისტალური ცელულოზა, მანიტოლი, კროსკარმელოზას ნატრიუმი, პოვიდონი, მაგნიუმის სტეარატი, ჰიპრომელოზა 2910/5, მაკროგოლი 6 000, ტალკი, სიმეთიკონის ემულსია, გარსის შემადგენლობა – ოპასპრეის M-1-22801 ყვითელი ფერის ნარევი. 

კლინიკურ-ფარმაკოლოგიური ჯგუფი
ჰიპოტენზიური კომბინირებული საშუალება.

ფარმაკოლოგიური თვისებები
კომბინირებულ პრეპარატი, ახასიათებს ჰიპოტენზიური მოქმედება. შეიცავს ლოზარტანის კალიუმს - ანგიოტენზინ II რეცეპტორების (AT1 ქვეტიპი) სპეციფიკურ ანტაგონისტს და ჰიდროქლოროთიაზიდს – დიურეტიკს. ლოზარტანი არ თრგუნავს ბრადიკინინის დამშლელ კინაზა II-ფერმენტს. ამცირებს სისხლძარღვების საერთო პერიფერიულ წინააღმდეგობას, ადრენალინისა და ალდოსტერონის კონცენტრაციას სისხლში, არტერიულ წნევას (აწ), წნევას სისხლის მიმოქცევის მცირე წრეში; ამცირებს პოსტდატვირთვას, ახდენს დიურეზულ ეფექტს. ხელს უშლის მიოკარდის ჰიპერტროფიის განვითარებას, ზრდის ტოლერანტობას ფიზიკური დატვირთვების მიმართ პაციენტებში გულის უკმარისობით. 
ჰიდროქლოროთიაზიდი – თიაზიდური ჯგუფის დიურეტიკი, ამცირებს Na+ რეაბსორბციას, აძლიერებს შარდთან ერთად K+  ჰიდროკარბონატის და ფოსფატების გამოყოფას, ამცირებს არტერიულ წნევას ცირკულირებადი სისხლის მოცულობის შემცირების, სისხლძარღვთა კედლების რეაქტიულობის შეცვლის, სისხლძარღვთა შემავიწროებელი საშუალებების პრესორული გავლენის შემცირებისა და განგლიებზე დეპრესორული გავლენის გაძლიერების ხარჯზე.

ფარმაკოკინეტიკა
ლოზარტანი სწრაფად აბსორბირდება კუჭ-ნაწლავის ტრაქტიდან. ბიოშეღწევადობა – დაახლოებით 33%. გააჩნია ღვიძლში “პირველი გავლის” ეფექტი, მეტაბოლიზდება კარბოქსილირების გზით იზოფერმენტის 2ჩ9 ციტოქრომის P450 მონაწილეობით აქტიური მეტაბოლიტის წარმოქმნით. სისხლის პლაზმის ცილებთან შეკავშირება – 99%. ლოზარტანის მაქსიმალური კონცენტრაციის მიღწევის დრო შეადგენს 1 საათს, აქტიური მეტაბოლიტის 3-4 საათს, პერორალური მიღების შემდეგ. ნახევარგამოყოფის პერიოდი 1.5-2 საათი, ხოლო მისი ძირითადი მეტაბოლიტეს - 6-9 საათი, შესაბამისად. დოზის დაახლოებით 35% გამოიყოფა შარდთან ერთად, დაახლოებით 60% - ნაწლავიდან.
ჰიდროქლოროთიაზიდიც სწრაფად აბსორბირდება კუჭ-ნაწლავის ტრაქტიდან. ნახევრად გამოყოფის პერიოდი შეადგენს 5,8 – 14,8 სთ. არ მეტაბოლიზდება ღვიძლით. დაახლოებით 61% გამოიყოფა თირკმელების საშუალებით შეუცვლელი სახით. 

ჩვენებები
- არტერიული ჰიპერტენზია (პაციენტებში, რომელთათვისაც კომბინირებული თერაპია ოპტიმალურია);
 - გულ-სისხლძარღვთა დაავადებების და სიკვდილიანობის რისკის შემცირება პაციენტებში, არტერიული ჰიპერტენზიით და მარცხენა პარკუჭის ჰიპერტროფიით

დოზირების რეჟიმი
ლოზაპ პლუსი მიიღება პერორალურად, საკვების მიღების მიუხედავად;
პრეპარატის ჩვეული საწყისი და შემანარჩუნებელი დოზა შეადგენს დღე-ღამეში 1 ტაბლეტს. თუ ამ დოზირებით ადექვატური კონტროლი ვერ მიიღწევა, მაშინ დოზა იზრდება 2 ტაბლეტამდე დღე-ღამეში.
მაქსიმალური დოზა შეადგენს 2 ტაბლეტს დღეში (ერთჯერადად). სრულყოფილად მაქსიმალური ჰიპოტენზიური ეფექტი მიიღწევა მკურნალობის დაწყებიდან 3 კვირის განმავლობაში. ხანში შესული პაციენტებისათვის საწყისი დოზის სპეცილურად შერჩევა არ არის აუცილებელი. 

გვერდითი მოვლენები  
შემოიფარგლება იმ რეაქციებით, რომლებიც ვლინდება ლოზარტანის კალიუმის და/ან ჰიდროქლოროთიაზიდის გამოყენების დროს. ესენცილური ჰიპერტენზიის მკურნალობისას გამოვლენილი ყველაზე ხშირი გვერდითი მოვლენაა თავბრუსხვევა.
ალერგიული რეაქციები: ანგიონევროზული შეშუპება, ხორხის და/ან ენის შეშუპების ჩათვლით; 
გულ-სისხლძარღვთა სისტემის მხრივ: არტერიული წნევის დაქვეითება;
კუჭ-ნაწლავის ტრაქტის მხრივ: ლოზარტანის მიღების დროს გამოვლინდა იშვიათი (<1%) შემთხვევები ჰეპატიტის, დიარეის.
სასუნთქი სისტემის მხრივ: ლოზარტანის მიღებისას – ხველა.
კანის მხრივ: ჭინჭრის ციება.
ლაბორატორიული მონაცემები: იშვიათად (<1%) ჰიპერკალიემია (სისხლის შრატის კალიუმი >5.5 მმოლ/ლ), ღვიძლის ტრანსამინაზების მომატება.

უკუჩვენებები
- მომატებული მგრძნობელობა პრეპარატის რომელიმე კომპონენტის მიმართ;
- ანურია; 
- გამოხატული არტერიული ჰიპოტენზია; 
- ღვიძლისა და თირკმელების ფუქციათა გამოხატული დარღვევები (კრეატინინის კლირენსი ≤ 30 მლ/წ);
 - ჰიპოვოლემია (მათ შორის დიურეტიკების მაღალი დოზების ფონზე);
 - ორსულობა და ლაქტაციის პერიოდი;
 - 18 წლამდე ასაკი (ეფექტურობა და უსაფრთხოება დადგენილი არ არის); 
სიფრთხილით: პაციენტებში ბილატერალური თირკმლის სტენოზით ან ერთადერთი თირკმლის არტერიის სტენოზით.
პრეპარატი სიფრთხილით ინიშნება პაციენტებში შაქრიანი დიაბეტით, ჰიპერკალციემიით, ჰიპერურიკემიით და/ან პოდაგრით, დამძიმებული ალერგიული ანამნეზით და ბრონქული ასთმით, ასევე შემაერთებელი ქსოვილის სისტემური დაავადებების დროს (მათ შორის, სისტემური წითელი მალურას დროს).

ჭარბი დოზირება
სიმპტომები: ლოზარტანი –არტერიული წნევის გამოხატული დაქვეითება, ტაქიკარდია, პარასიმპათიკური (ვაგუსური) სტიმულირების გამო შესაძლოა გამოვლინდეს ბრადიკარდია. ჰიდროქლოროთიაზიდი – ელეწტროლიტების დაკარგავა (ჰიპოკალიემია, ჰიპერქლორემია, ჰიპონატრიემია), ასევე დეჰიდრატაცია, განვითარებული გაძლიერებული დიურეზის შედეგად.
მკურნალობა: სიმპტომატური და შემანარჩუნებელი თერაპია; თუ პრეპარატის მიღებიდან დიდი დრო არ არის გასული, შესაძლებელია კუჭის გამორეცხვა; საჭიროებისამებრ, ტარდება ელექტროლიტური ბალანსის კორექცია.; ჰემოდიალიზი არაეფექტურია.

შენახვის პირობები და ვადა 
პრეპარატი ინახება არა უმეტეს 30oC ტემპერატურაზე, ბავშვებისათვის მიუწვდომელ ადგილას.
ვარგისიანობის ვადა - 2 წელი. 

აფთიაქიდან გაცემის პირობები:
პრეპარატი გაიცემა ექიმის რეცეპტით.