ქეთევან უზნაძე-მჭედლიშვილი #2 / KETEVAN UZNADZE-MCHEDLISHVILI #2


შემადგენლობა

გ/100გ-ზე
სტრეპდოციდი (Streptocidum) – 1,0 გ, სანთელი (თეთრი ან ყვითელი) (Cera (alba seu flava)) – 70,0 გ, მზესუმზირის ზეთი (Oleum Helianti) 29,0 გ.

ფარმაკოლოგიური თვისებები
ახასიათებს ქსოვილების რეგენერაციისა და ეპითელიზაციის მასტიმულირებელი მოქმედება.

ჩვენებები
გამოიყენება მსუბუქი და მძიმე ხარისხის დამწვრობის, ტროფიკული წყლულების, წითელი ქარის, ნაწოლების, ოპერაციის შემდგომ პერიოდში სხეულის ზედაპირის ჭრილობების შეხორცების დასაჩქარებლად. საშვილოსნოს ყელის ეროზიის, კოლპიტების, ეგზემის (მშრალი, სველი), გამოყელვის (განსაკუთრებით ახალშობილებში), ნაწოლების, სტომატიტის, პაროდონტიტის დროს.

მიღების წესები და დოზები
სხვადასხვა სახის პათოლოგიურ კერებს სქლად დაედება მალამო. დაეფნება 2-3 ფენა სტერილური მარლა და გადაიხვევა. ნახვევის შეცვლა ხდება დღეგამოშვებით. მკურნალობის კურსი 2-3 კვირა.
საშვილოსნოს ყელის ეროზიის შემთხვევაში მკურნალობა მიმდინარეობს მალამოიანი ტამპონით.
პაროდონტიტის და ინფიქციური სტომატიტების დროს მალამოს გამოყენება ხდება პირის ღრუში ადგილობრივი აპლიკაციის სახით, ყოველდღიურად ან დღეგამოშვებით.

გვერდითი მოვლენები
შესაძლებელია განვითარდეს ალერგიული რეაქცია, რის შედეგადაც მალამოს გამოყენება უნდა შეწყდეს.

უკუჩვენება
ინდივიდუალური მომატებული მგრძნობელობა შემადგენელი კომპონენტების მიმართ; პირის ღრუდან მალამოს ნარჩენების შემთხვევით გადაყლაპვისას არავითარი უკუჩვენება არ არსებობს.

ორსულობა და ლაქტაცია
ორსულობის დროს პრეპარატის გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს.

ჭარბი დოზირება
დოზის გადაჭარბების შემთხვევები არ დაფიქსირებულა.

შენახვის პირობები და ვადები
შენახვის ვადა: 3 წელი
შენახვის წესი: მალამო ინახება სინათლისაგან დაცულ, გრილ ადგილას.

აფთიაქში გაცემის წესი
ურეცეპტოდ