Nuk
ჰექსალიზი / Hexalyse


შემადგენლობა
შემადგენლობა 1 ტაბლეტი მასით 1200,0 მგ
აქტიური ნივთიერებები:
ბიკლოთიმოლი...................................... 5.0 მგ
ენოქსოლონი............................................ 5.0 მგ
ლიზოციმის ჰიდროქლორიდი ............ 5.0 მგ
მოყვითალო-ფორთოხლისფერი მრგვალი ფორმის
ტაბლეტები ლიმონის გემოთი

ფარმაკოლოგიური თვისებები
ჰექსალიზი-სამი აქტიური კომპონენტის კომბინაცია: ანტისეპტიური საშუალება (ბიკლოთიმოლი), ენოქსოლონი და ლიზოციმი
ბიკლოთიმოლი (Biclotymol) -ბიფენოლონების წარმოებული, ფლობს ბაქტერიოსტატიულ და ბაქტერიოციდულ მოქმედებას და ახასიათებს განსაკუთრებით დაბალი ტოქსიურობა, მიეკუთვნება ანტისეპტიურ საშუალებებს. ბიკლოთიმოლისადმი მგრძნობიარენი არიან : St.Aureus, Hemophilus, S. Epidermidis. სტრეპტოკოკი, პნევმოკოკი და ასევე მუტაცია განცდილი შტამები, რომლებიც მდგრადია პენიცილინის, ოქსაცილინის, ქლორამფენიკოლის, სპირამიცინისა და რაფამპიცინის მოქმედებისადმი. ფლობს ადგილობრივ ტკივილ გამაყუჩებელ და ანთებითსაწინააღმდეგო ეფექტს. ადგილობრივი გამოყენების დროს ხასიათდება ხანგრძლივი მოქმედებით.
ლიზოციმი ( Lyzocim) -ორგანიზმის არასპეციფიური დაცვის ერთ-ერთი ფაქტორი. ახდენს ანტიბაქტერიულ მოქმედებას. შესწევს უნარი მიკრობის გარსში დაშალოს პოლისაქარიდები. თრგუნავს გრამდადებითი ბაქტერიების ზრდას; მის მიმართ ნაკლებად მგრძნობიარეა გრამუარყოფითი ბაქტერიები. ავლენს ვირუსსაწინააღმდეგო აქტივობას ( წარმოქმნის კომპლექსებს ვირუსებთან), ფლობს ორგანიზმის არასპეციფიური რეაქტიულობის სტიმულირების უნარს, ავლენს ანთებითსაწინააღმდეგო და მუკოლიზურ მოქმედებას, ანეიტრალებს ჰისტამინს ან ჰისტამინის მსგავს ნივთიერებებს, წარმოქმნილს ლორწოვან გარსში ანთების დროს.
ენოქსოლონი ( Enoxolon) - კომპლექსური ტრიტერპენი, გამოყოფილი გლიცირინიზებული მჟავისაგან. ავლენს ანთებისსაწინააღმდეგო მოქმედებას. ფლობს ვირუსსაწინააღმდეგო აქტივობას. ურთიერთქმედებს ვირუსის სტრუქტურებთან (შესაძლებელია ცილებთან), ცვლის ვირუსის ციკლის სხვადასხვა ფაზებს, იწვევს ვირუსის ნაწილების შეუქცევად ინაქტივაციას, რომლებიც იმყოფებიან უჯრედის გარეთ თავისუფალ მდგომარეობაში. აბლოკირებს ვირუსის აქტიური ნაწილების ჩანერგვას უჯრედის შიგნით, არღვევს ახალი ვირუსის ნაწილების სინთეზის უნარს. აინდუცირებს ინტერფერონის წარმოქმნას. ფლობს ანთებისსაწინააღმდეგო და იმუნომოდულაციურ მოქმედებას, აინჰიბირებს ფოსფოლიპაზა A-ს აქტივობას და პროსტაგლანდინ E2 წარმოქმნას აქტივირებულ მაკროფაგებში, აჩქარებს ლეიკოციტების მოძრაობის პროცესს ანთების ზონაში. აძლიერებს ფაგოციტოზის მექანიზმს. ანთებით კერაში მნიშვნელოვნად აფერხებს კინინების გამოდევნას შემაერთებელი ქსოვილის უჯრედებიდან.

ჩვენებები
პირის ღრუს, ყელის ინფექციურ-ანთებითი დაავადებები (სტომატიტი, გინგივიტი, პარადონტიტი, ფარინგიტი, ტონზოლიტი) მათ შორის სტომატოლოგიური და ყელ-ყურ-ცხვირის ოპერაციების წინა და შემდგომი პერიოდი, აფთები, ორგანიზმის ზოგადი რეაქციის დაქვეითება.

მიღების წესები და დოზები
ტაბლეტი უნდა გაიწუწნოს მთლიანად. მოზრდილებში 1 ტაბლეტი ყოველ 2 საათში. მაქსიმალური დღიური დოზა 8 ტაბლეტი. ბავშვებში 6 წლის ზევით 1 ტაბლეტი ყოველ 4 საათში. მკურნალობის კურსი არ უნდა არემატებოდეს 10 დღეს.
ბიკლოთიმოლის კომბინაცია ლიზოციმთან და ენოქსოლონთან, 150-ჯერ ზრდის პრეპარატ ჰექსალიზის აქტივობას სუფთა ბიკლოთიმოლთან შედარებით.

უკუჩვენება
ბავშვთა ასაკი 6 წლამდე. მომატებული მგრძნობელობა შემადგენელი კომპონენტების მიმართ.

განსაკუთრებული მითითებები
შაქრიანი დიაბეტით დაავადებულმა პირებმა უნდა გაითვალისწინონ , რომ შაქრის შემცველობა ერთ ტაბლეტში არის 1.054 გრ. იმ სემთხვევაში თუ დაავადების სიმპტომები არ გაქრა 5 დღის განმავლობაში, აუცილებელია მკურნალობის გადახედვა.

სხვა წამლებთან ურთიერთქმედება
ვერიდოთ სხვა ადგილობრივი საშუალებების გამოყენებას.

აფთიაქში გაცემის წესი
გაიცემა ურეცეპტოდ.

სად შევიძინოთ?