Nuk
ჰეპათრომბინი G / Hepatrombin G


სავაჭრო დასახელება: ჰეპათრომბინი  

საერთაშორისო არაპატენტირებული ან ჯგუფური დასახელება:

ნატრიუმის ჰეპარინი + ლაურომაკროგოლი 400 + პრედნიზოლონი

წამლის ფორმა: რექტალური და გარეგანი გამოყენების მალამო.

 

1 პრეპარატის შემადგენლობა:

მოქმედ ნივთიერებები: ნატრიუმის ჰეპარინ - 65 სე (0,361 მგ ნატრიუმის ჰეპარინის აქტივობისას 180 სე/მგ), პრედნიზოლონის აცეტატი - 2,233 მგ, ლაურომაკროგოლი 400 – 30,000 მგ;

დამხმარე ნივთიერებები: პარაფინი მყარი, ლანოლინი, კაჟბადის კოლოიდური  დიოქსიდი, პარაფინი თხევადი.

 

აღწერილობა: მოყვითალო-თეთრი ნახევრადგამჭვირვალე, გელისმაგვარი მალამო დამახასიათებელი სუნით. 

 

ფარმაკოთერაპიული ჯგუფი: პირდაპირი მოქმედების ადგილობრივი გამოყენების ანტიკოაგულაციური საშუალება + სხვა პრეპარატები.  

ათქ კოდი: С05BA53

 

ფარმაკოლოგიური თვისებები

ფარმაკოდინამიკა                         

კომბინირებული პრეპარატი ანტითრომბული, ანთების საწინააღმდეგო და ვენომასკლეროზებელი მოქმედებით პროქტოლოგიაში ადგილობრივი გამოყენებისათვის.

ჰეპარინი – პირდაპირი მოქმედების ანტიკოაგულანტი. გარეგანი გამოყენებისას ახდენს ადგილობრივ ანტითრომბულ, ანტიექსუდაციურ და ანთების საწინააღმდეგო მოქმედებას; ხელს უწყობს შემაერთებელი ქსოვილების რეგენერაციას; ხელს უშლის ჰემოროიდულ კვანძებში სისხლის კოაგულაციას.

პრედნიზოლონი – გლუკოკორტიკოსტეროიდი, ახდენს ანთების საწინააღმდეგო, ანტიექსუდაციურ და ალერგიის საწინააღმდეგო მოქმედებას, ამცირებს ქავილს, წვის შეგრძნებას, ტკივილს ანორექტალურ მიდამოში.

ლაურომაკროგოლი 400 ახდენს ადგილობრივად მაანესთეზირებელ მოქმედებას და უზრუნველყოფს ჰემოროიდული კვანძების სკლეროზირებას.

 

ფარმაკოკინეტიკა

ჰეპარინი

ადსორბციის შემდეგ პლაზმის ცილებთან შეერთება 95%-ს შეადგენს. ქსოვილებიდან გამოიყოფა ნელა დაახლოებით 1 ს ნახევარგამოყოფის პერიოდით. შეყვანის შემდეგ აქტიური ნივთიერების 50% რჩება კანზე. გამოყოფის სიჩქარე დამოკიდებულია დოზაზე. აბსორბციის შემდეგ მეტაბოლიზდება ღვიძლში (ნაწილობრივ ღვიძლისმიერი ჰეპარინაზას ფერმენტით) და რეტიკულოენდოთელიურ სისტემაში. 20-50% გამოიყოფა შარდით უცვლელი სახით და ნაწილობრივ როგორც უროჰეპარინი, რომელსაც გააჩნია სუსტი ანტიკოაგულაციური მოქმედება. გამოყოფის ხარისხი დამოკიდებულია დოზაზე (უფრო დაბალ დოზებს გააჩნია უფრო ხანმოკლე სიცოცხლის ნახევარპერიოდი პლაზმაში).

პრედნიზოლონი

აბსორბციის შემდეგ პრედნიზოლონი მეტაბოლიზდება ღვიძლში. დაახლოებით 1% გამოიდევნება შარდით უცვლელი სახით. ბიოლოგიური T1/2 შეადგენს 18-36 საათს, ხოლო T1/2 პლაზმიდან – 115-212 წთ-ს.

 

გამოყენების ჩვენებები

გარეგანი და შინაგანი ჰემოროი.

უკანატანის ჰემოროიდული ვენების თრომბოფლებიტი.

ფისტულები, ეგზემა და ქავილი უკანატანის მიდამოში;

უკანატანის ნახეთქები.

ანორექტალურ მიდამოში ოპერაციული ჩარევისათვის მზადება;

თრომბირებული ან ოპერირებული ჰემოროის კომპლექსური თერაპიის შემადგენლობაში.

 

უკუჩვენებები

ჰიპერმგრძნობელობა პრეპარატის კომპონენტების მიმართ;

კანის ბაქტერიული, ვირუსული, სოკოვანი დაზიანებები;

ტუბერკულოზი;

სიფილისი;

კანის სიმსივნეები (ანორექტალური ზონის);

მიდრეკილება სისხლდენებისადმი;

რეაქციები ვაქცინაციაზე;

ორსულობის I ტრიმესტრი. 

 

სიფრთხილით

ბავშვთა ასაკი, ორსულობის მეორე და მესამე ტრიმესტრი, ლაქტაციის პერიოდი.

 

გამოყენება ორსულობის დროს და ლაქტაციის პერიოდში

გამოყენება ორსულობის I ტრიმესტრში – უკუნაჩვენებია. ორსულობის მეორე და მესამე ტრიმესტრებში და ლაქტაციის პერიოდში – გამოიყენება სიფრთხილით, როდესაც მოსალოდნელი სარგებელი ქალისათვის აღემატება ნაყოფისათვის და ბუნებრივ კვებაზე მყოფი ბავშვისთვის შესაძლო რისკს.

 

გამოყენების წესი და დოზები

გარეგანად, მალამო თხელ ფენა დაიტანებ დაზიანებულ უბანზე 2-4-ჯერ დღეში; ტკივილი შეგრძნების გაქრობის შემდეგ - 1-ჯერ დღეში 7 დღის განმავლობაში.

მალამოს შესაყვანად გამიყენება თანდართული ხრახნიანი ბუნიკი, რომელიც შეიყვანება სწორი ნაწლავის ღრუში, და ტუბზე მსუბუქი დაჭერით გამოიყოფა მცირე რაოდენობით მალამო.  

 

გვერდითი მოქმედება

სისტემური რეაქციები: ალერგიული რეაქციები, კანის ჰიპერემია.

ხანგრძლივი გამოყენებისას და/ან დიდ ზედაპირზე წასმისას შეიძლება აღინიშნოს სისტემური გვერდითი ეფექტები: ნახეთქების რეგენერაციის პროცესების შენელება, შეშუპებები.

 

ჭარბი დოზა

გამოვლენილი არ არის.

 

ურთიერთქმედება სხვა სამკურნალო საშუალებებთან

ურთიერთქმედებები სხვა სამკურნალო საშუალებებთან არ არის გამოვლენილი. არ არის რეკომენდებული რექტალური გამოყენების  სხვა პრეპარატებთან ერთად გამოყენება.

 

განსაკუთრებული მითითებები

ისევე, როგორც ყველა სხვა კორტიკოსტეროიდებით მკურნალობისას, აუცილებელია სიფრთხილის გამოჩენა, პრეპარატის გამოყენება არ უნდა მოხდეს დიდი რაოდენობით ან ხანგრძლივად.

სამკურნალო საშუალების ზემოქმედების თავისებურებანი სატრანსპორტო საშუალებების ან პოტენციურად სახიფათო მექანიზმების მართვის უნარზე

პრეპარატი გავლენას არ ახდენს ავტოტრანსპორტისა და პოტენციურად სახიფათო მექანიზმების მართვის უნარზე.

 

გამოშვების ფორმა

რექტალური და გარეგანი გამოყენების მალამო (65 სე + 30 მგ + 2,233 მგ)/გ.

20 გ ალუმინის ტუბში, რომელიც დახუფული პლასტმასის ხრახნიანი თავსახურით. ტუბის ნახვრეტი დაცულია ალუმინის მემბრანით. თავსახური წარმოადგენს მონოლითურ კონსტრუქციას, რომელიც შეიცავს მემბრანის გასახვრეტ მოწყობილობას. ტუბს რექტალური შეყვანის ბუნკთან და პრეპარატის გამოყენების ინსტრუქციასთან ერთად ათავსებენ მუყაოს ყუთში. 

 

შენახვის პირობები 

ინახება 15-დან 25°С-მდე ტემპერატურაზე.

ინახება ბავშვებისთვის მიუწვდომელ ადგილას. 

 

ვარგისობის ვადა

3 წელი.

ნუ გამოიყენებთ შეფუთვაზე მითითებული ვარგისობის ვადის გასვლის შემდეგ.

 

გაცემის პირობები:

არმაცევტული პროდუქტის ჯგუფი III, გაიცემა რეცეპტის გარეშე.

 

 

 

 

 

 

 

სად შევიძინოთ?