Nuk
ფლორანსი - ჰუმანითი / Florance - Humanity


შემადგენლობა
ყოველი შემოუგარსავი ტაბლეტი შეიცავს:
ორნიდაზოლს                  500 მგ
ნეომიცინის სულფატს   100 მგ
ნისტატინს               100000 სე
პრენდიზოლონს         3 მგ

ფარმაკოთერაპიული ჯგუფი:
გინეკოლოგიური დაავადებების სამკურნალო საშუალება.
ათქ კოდი: G01BA

ფარმაკოლოგიური თვისებები
ფარმაკოკინეტიკა
პრეპარატის შესახებ ფარმაკოდინამიური მონაცემები არ არსებობს, ვინაიდან ადგილობრივი გამოყენებისას სისტემური შეწოვა და მოქმედება უმნიშვნელოა.

ფარმაკოდინამიკა
ორნიდაზოლი აქტიურია Trichomonas vaginalis, Entamoeba histolytica, Giardia Lamblia (Giardia intestinalis) და ასევე ზოგიერთი ანაერობული ბაქტერიების მიმართ, როგორიცაა Bacteroides, Glostridium spp, Fusobacterium spp  და სხვა ანაერობული კოკური ინფეციების მიმართ. ცნობილია, რომ მისი მოქმედების მექანიზმი უკავშირდება მიკროორგანიზმში დნმ-ის სტრუქტურის დარღვევას, რომელიც მგრძნობიარეა ორნიდაზოლის მიმართ. 5-ნიტრო ჯგუფი რედუქციული ტრანსფორმაციის გზით გარდაიქმნება აქტიურ ნაერთებად, რომელსაც  გააჩნია დნმ-ის ინჰიბირების უნარი. შედეგად ხდება არა მხოლოდ დნმ-ის სინთეზის ინჰიბირება, არამედ ბაქტერიის სტრუქტურის დაშლა. ასევე შესაძლოა აღინიშნოს სხვა ანაერობულ ორგანიზმების რედუქციულ-ოქსიდაციური პროცესების ინჰიბირება (მაგ., ფოსფოროკლასტური რეაქციები კლოსტრიდიებში). შედეგად ხდება უჯრედის კვდომა. ინ ვიტრო კვლევებში ორნიდაზოლმა გამოავლინა სტაბილური და სწრაფი ბაქტერიციდული მოქმედება მინიმალური ბაქტერიციდული კონცენტრაციის გამოყენებისას. 
ნეომიცინის სულფატი- ფართო სპექტრის ანტიბიოტიკია ამინოგლიკოზიდების ჯგუფიდან  ეფექტურია გრამუარყოფითი და ნაკლებად ეფექტურია გრამდადებითი ბაქტერიების მიმართ. ნეომიცინი უკავშირდება ბაქტერიული უჯრედების კომპონენტებს, რის შედეგადაც იწვევს ცილების ანომალიური რაოდენობის წარმოქმნას  და იწვევს ბაქტერიის კვდომას. ინ ვიტრო ტესტებმა აჩვენა, რომ ნეომიცინს  გააჩნია ბაქტერიციდული ეფექტი და მოქმედებს ბაქტერიულ უჯრედებში მიკრობის ცილებთან სინთეზის ინჰიბირების გზით. ნეომიცინი ინ ვიტრო აქტიურია Escherichia coli და Klebsiella-Enterobacter  ჯგუფის მიმართ. ნეომიცინი არ არის აქტიური ნაწლავის ანაერობული ფლორის მიმართ.
ნისტატინი სოკოსსაწინააღმდეგო ანტიბიოტიკია პოლიენების ჯგუფიდან, გამოირჩევა მაღალი ეფექტურობით Candida-ს სახეობის სოკოების მიმართ, ინ ვიტრო ახასიათებს ფუნგისტატური და ფუნგიციდური მოქმედება საფუარის და საფუარის მსგავსი სოკოს უმეტესი სახეობის წინააღმდეგ, მათ შორის Candida albicans, C. parapsilosis, C. tropicalis, C. guilliermondi, C. pseudotropicalis, C. krusei, Torulopsis glabrata , Trichophyton rubrum, T. mentagrophytes  მიმართ. ნისტატინი მოქმედებს მგრძნობიარე უჯრედის მემბრანაში სტერინების შეკავშირების გზით და ცვლის მემბრანის გამტარობას და შედეგად უჯრედშიდა კომპონენტების გამტარობას. ნისტატინის განმეორებითი სუბკულტივირებისას არ ვითარდება Candida Albicans-ის რეზისტენტობა ნისტატინის მიმართ. ზოგადად ნისტატინის მიმართ რეზისტენტულობა თერაპიის განმავობაში არ გამოვლენილა. მაგრამ Candida-ს სხვა სახეობების მიმართ (C. tropicalis, C. guilliermondi, C. krusei, da C. stellatoides) აღინიშნება რეზისტენტობა ნისტატინის გამოყენებისას და ერთდროულად აღინიშნება ჯვარედინი რეზისტენტობა ამფოტერიცინის მიმართ. 
პრედნიზოლონი- გლუკოკორტიკოიდია, გამოხატული ანთების საწინააღმდეგო მოქმედებით.  პრედნიზოლონი მოქმედებს უჯრედის შიგნით და თრგუნავს ცალკეული ქიმიური ნივთიერებების გამოთავისუფლებას, რომლებიც მნიშვნელოვან როლს თამაშობენ იმუნური სისტემის მუშაობაში. ეს ქიმიური ნივთიერებები, როგორც წესი მონაწილეობენ იმუნიტეტის და ალერგიული რეაქციების განვითარებაში. პრედნიზოლონი არის აქტიური კორტიკოსტეროიდი, რომელსაც ახასიათებს მნიშვნელოვანი ანთების საწინააღმდეგო აქტივობა. 

გამოყენების ჩვენებები
ფლორანსი-ჰუმანითი გამოიყენება პაციენტებში შემდეგი გინეკოლოგიური დაავადებების სამკურნალოდ: 
• ბაქტერიული ვაგინოზი და ვაგინიტი
• კანდიდოზური ვულვო-ვაგინიტი
• ტრიქომონიაზი
• პოლიმიკრობული ეტიოლოგიის ვაგინიტის
პროფილაქტიკის მიზნით გამოიყენება:
• გინეკოლოგიური ოპერაციების, მშობიარობის, აბორტის წინა პერიოდში
• ჩასახვის საწინააღმდეგო საშუალებების ჩაყენების წინა და შემდგომ პერიოდში
• საშვილოსნოს ყელის დიათერმოკოაგულაციის წინა და შემდეგომ პერიოდში

დოზირება და გამოყენების წესი 
ფლორანსი-ჰუმანითის ერთი ტაბლეტი შეიყვანება ღრმად საშოში მწოლიარე მდგომარეობაში ძილი წინ. მკურნალობის კურსის საშუალო ხანგრძლივობა შეადგენს 8 დღეს.  
მითითებები გამოყენების შესახებ:
1. აპლიკატორის დგუში ამოწიეთ ბოლომდე. ტაბლეტი მოათავსეთ აპლიკატორში.
2. აპლიკატორი ფრთხილად და რაც შეიძლება ღრმად შეიყვანება საშოში (უმჯობესია მწოლიარე მდგომარეობაში).
3. დააწექით დგუშს და შეიყვანეთ ტაბლეტი ღრმად საშოში. გამოიღეთ აპლიკატორი. 
4. გამოყენების შემდეგ მოხსენით აპლიკატორს დგუში მთლიანად და გარეცხეთ თბილი წყლით და საპნით, გაავლეთ და გაამშრალეთ. 

გვერდითი ეფექტები
ფლორანსი-ჰუმანითი გამოყენებისას ხშირად შესაძლოა აღინიშნოს ადგილობრივი რეაქციები:  წვა, ქავილი ან გაღიზიანება(2%). იშვიათ შემთხვევაში შესაძლებელია განვითარდეს  თავის ტკივილი (1.3%), ცალკეულ შემთხვევებში (0,5%-ში) ალერგიული რეაქციები (ჭინჭრის ციება, კანზე გამონაყარი).

უკუჩვენებები
მომატებული მგრძნობელობა პრეპარატის შემადგენელი რომელიმე კომპონენტის მიმართ.

სხვა პრეპარატებთან ურთიერთქმედება
მიუხედავად იმისა, რომ პრეპარატის სისტემური აბსორბცია დაბალია. გასათვალისწინებელია პრედნიზოლონის სისტემური აბსორბცია, განსაკუთრებით ადგილობრივი ანთების არსებობის შემთხვევაში. 

ორსულობა და ლაქტაციის პერიოდი
ჩვენების მიხედვით შასაძლებელია პრეპარატის გამოყენება ორსულობის და ლაქტაციის პერიოდში. სიფრთხილით ინიშნება ორსულობის І ტრიმესტრში. გასათვალისწინებელია ის ფაქტი, რომ სისტემური აბსორბციის შემთხვევაში კორტიკოსტეროიდი გადადის დედის რძეში. 

განსაკუთრებული მითითებები
ჰიპერმგრძნობელობის ან გაღიზიანების გამოვლენის შემთხვევაში უნდა შეწყდეს მკურნალობა.  ფლორანსი-ჰუმანითის გამოყენებისას გასათვალისწინებელია, რომ შესაძლოა მოხდეს სისტემური აბსორბცია, განსაკუთრებით ადგილობრივი ანთების არსებობის შემთხვევაში. გვერდითი ეფექტების შემცირება შესაძლებელია მკურნალობის მინიმალური კურსის გამოყენებით. 

ჭარბი დოზირება 
არ არსებობს მონაცემები  ჭარბი დოზირების შესახებ.

შეფუთვა
10 ვაგინალური  ტაბლეტი ბლისტერში. 1 ბლისტერი მოთავსებულია მუყაოს კოლოფში, 10 აპლიკატორთან და გამოყენების ინსტრუქციასთან ერთად.

შენახვის პირობები
შეინახეთ არაუმეტეს 25°C ტემპერატურაზე, მშრალ და ბავშვებისათვის მიუწვდომელ ადგილას.

ვარგისობის ვადა
2 წელი

აფთიაქიდან გაცემის წესი
ფარმაცევტული პროდუქტის ჯგუფი III, გაიცემა რეცეპტის გარეშე.