ცეტირიზინი ლაროფარმი / Cetirizin Laropharm
- საერთაშორისო დასახელება (აქტიური ნივთიერება): cetirizine
- კლინიკურ-ფარმაკოლოგიური ჯგუფი: ალერგოლოგია → ჰისტამინური H1 რეცეპტორების ბლოკატორები → სისტემური მოქმედების მედიკამენტები → მეორე თაობის პრეპარატები
- მწარმოებელი კომპანია: Laropharm Pharmaceutical Industry
- მწარმოებელი ქვეყანა: რუმინეთი
- გამოშვების ფორმა: 10მგ შემოგარსული ტაბლეტი№20
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა:
1 შემოგარსული ტაბლეტი შეიცავს 10 მგ ცეტირიზინის დიჰიდროქლორიდს - აქტიური ნივთიერება.
დამხმარე ნივთიერებები: სიმინდის სახამებელი ლაქტოზას მონოჰიდრატი, ტალკი, მაგნიუმის სტეარატი, კოლოიდური სილიკონის დიოქსიდი, გამტვერებით გამშრალი ლაქტოზას მონოჰიდრატი; გარსი - ტიტანიუმის დიოქსიდი (E171), მაკროგოლი 3350, ტალკი, რკინის ოქსიდის ყვითელი პიგმენტი (E172), ყვითელი ქვინოლინი (E104), რკინის ოქსიდის შავი პიგმენტი (E172).
ფარმაკოლოგიური ჯგუფი:
მეორე თაობის სისტემური გამოყენების ჰისტამინური H1 რეცეპტორების ბლოკატორი, პიპერაცინის წარმოებული.
ჩვენება:
ალერგიული დაავადებების სიმპტომური მკურნალობა: ქრონიკული და სეზონური ალერგიული რინიტი, კონიუნქტივიტი, გამონაყარი, ქრონიკული იდიოპათიური ურტიკარია (ჭინჭრის ციება), კვინკეს შეშუპება.
მიღების წესი და დოზირება:
მოზრდილები და მოზარდები: 1 ტაბლეტი (10 მგ ცეტირიზინის დიჰიდროქლორიდი) დღეში ერთხელ.
1-დან 12 წლამდე ბავშვებში დოზა დამოკიდებულია სხეულის წონაზე:
> 30 კგ-ზე ნაკლები წონის შემთხვევაში 5 მგ ცეტირიზინი ერთხელ დღეში.
< 30კგ-ზე მეტი წონის შემთხვევაში 10 მგ ცეტირიზინი ერთხელ დღეში.
1 წლამდე ასაკის ბავშვებში პრეპარატი არ ინიშნება საკმარისი მონაცემების არ არსებობის გამო.
გვერდითი მოვლენები:
იშვიათად აღინიშნება ძილიანობა, თავბრუსხვევა, აგზნებადობა, თავის ტკივილი, პირის სიმშრალე, საჭმლის მომნელებელი სისტემის მხრივ: ყაბზობა.
უკუჩვენება:
ჰიპერმგრძნოებელობა პრეპარატის შემადგენელი კომპონენტების მიმართ. ღვიძლისა და თირკმლების უკმარისობა.
ორსულობის და ლაქტაციის პერიოდი:
არ არის საკმარისი მონაცემები ორსულობის პერიოდში პრეპარატის გამოყენების შესახებ. ცეტირიზინი არ მიიღება ორსულობის დროს.
ცეტირიზინი მცირე დოზით გადადის დედის რძეში, მისი მიღება ლაქტაციის პერიოდში რეკომენდებული არ არის.
მანქანისა და სხვა მექანიზმების მართვა:
ზოგიერთ პაციენტში ანტიჰისტამინურმა საშუალებებმა შეიძლება გამოიწვიოს ძილიანობა და თავბრუსხვევა. მიუხედავად იმისა, რომ ზემოთ ხსენებული ფაქტი ცეტირიზინის დიჰიდროქლორიდის რეკომენდებულ დოზაზე არ ვრცელდება, პაციენტებმა სიფრთხილე უნდა გამოიჩინონ მანქანისა და სხვა მექანიზმების მართვისას.
სხვა წამლებთან ურთიერთქმედება:
მონაცემები ცეტირიზინის სხვა სამკურნალო საშუალებებთან ურთიერქმედების შესახებ არ არსებობს.
კვლევების შედეგად დადგენილია:
ალკოჰოლის მიღება ცეტირიზინით მკურნალობისას რეკომენდებული არ არის.
ასევე სიფრთხილეა საჭირო ციტერიზინის ცენტრალური ნერვული სისტემაზე მოქმედ საშუალებებთან ერთდროული გამოყენებისას (ანქსიოლიზური საშუალებები, ანტიდეპრესანტები, ბარბიტურატები, საძილე საშუალებები, ოპიოიდური ტკივილგამაყუჩებლები, ნეიროლეპტიკური საშუალებები), ვინაიდან იზრდება დეპრესიის რისკი. თეოფილინთან ერთდროლი მიღებისას გამოვლინდა ცეტირიზინის კლირენსის შემცირება.
ჭარბი დოზირება:
ცეტირიზინის ჭარბი დოზირების სიმპტომები ძირითადად დაკავშირებულია ცენტრალური ნერვული სისტემის მოშლასთან და დარღვევებთან, შეიძლება ადგილი ჰქონდეს ანტიქოლინერგული ეფექტის გამოვლინებას. რეკომენდებული დღიური დოზის სულ მცირე 5-ჯერ მიღების შემდეგ გვერდითი მოვლენების სიმპტომებია: დაბნეულობა, დიარეა, თავბრუსხვევა, მხედველობის გაორება, თავის ტკივილი, ჰაერის უკმარისობა, მიდრიაზი, ქავილი, მოუსვენრობა, ძილიანობა, ტაქიკარდია, თრთოლა და შარდის შეკავება.
ჭარბი დოზირების შემთხვევაში სასიცოცხლო ფუნქციების აღსადგენად რეკომენდებულია შესაბამისი თერაპიისა და სიმპტომური მკურნალობის ჩატარება. პაციენტი უნდა დარჩეს ექიმის დაკვირვების ქვეშ პრეპარატის მიღებიდან სულ მცირე 4 საათის განმავლობაში, შემოწმდეს არტერიული წნევა, გულის ცემა და სასიცოცხლო ნიშნები, სანამ მდგომარეობა არ დასტაბილდება. საჭიროების შემთხვევაში უნდა გაკეთდეს ელექტროკარდიოგრამა. თუ 1 საათის განმავლობაში მოხდა 2.5მგ/კგ ცეტირიზინის მიღება, რეკომენდებულია გააქტივებული ნახშირის მიღება (მოზრდილებში 50გრამი, ბავშვებში 10-15გრამი)
დღეისათვის ცეტირიზინის დიჰიდროქლორიდის ანტიდოტი არ არსებობს.
ცეტირიზინის დიჰიდროქლორიდი არ გამოიდევნება დიალიზის საშუალებით.
სიფრთხილე და განსაკუთრებული მითითებები
პრეპარატის მიღების პერიოდში ძილიანობის, თავბრუსხვევის, პირის სიმშრალის, გულისრევის შემთხვევებში, დღიური დოზა უნდა გაიყოს ორ ნაწილად.
თირკმლისა და ღვიძლის მსუბუქი უკმარისობის მქონე პაციენტებში საჭიროა დიდი სიფრთხილე და დღიური დოზის შემცირება.
ხანდაზმულებში ცეტირიზინი გაცილებით ნელა გამოიყოფა და ამიტომ, ზოგჯერ საჭირო ხდება დოზის შეცვლა ასაკობრივი ჯგუფის მიხედვით.
შენახვის პირობები:
გრილ, მშრალ, სინათლისაგან დაცულ, ბავშვებისთვის მიუწვდომელ ადგილას, +25 C- მდე ტემპერატურის პირობებში.
ვარგისანობის ვადა:
3 წელი.
ვარგისიანობის ვადის გასვლის შემდეგ პრეპარატი არ გამოიყენება.
გაცემის წესი:
II ჯგუფი, ფორმა #3 რეცეპტით.
სად შევიძინოთ?