Nuk
კარბიდოპა/ლევოდოპა USP / CARBIDOPA/LEVODOPA USP


შემადგენლობა

პრეპარატი კარბიდოპა და ლევოდოპა ტაბლეტები, USP 10მგ/100მგ (CARBIDOPA AND LEVODOPA TABLETS, USP 10mg/100mg) აქტიური ნივთიერების სახით შეიცავს კარბიდოპას და ლევოდოპას.

ჩვენებები
პარკინსონის დაავადება;
სხვადასხვა ეტიოლოგიის პარკინსონის სინდრომი (ენცეფალიტის, ცერებროვასკულარული დარღვევების, ტოქსიკური ნივთიერებებით მოწამვლის შედეგად).

მიღების წესები და დოზები
ისაზღვრება ინდივიდუალურად პარკინსონიზმის კლინიკური გამოვლინების გამოხატულების მიხედვით. საწყისი დოზა შეადგენს 1 ტაბლეტს 3-ჯერ დღეში. შემანარჩუნებელი თერაპიისთვის დოზა შეიძლება გაიზარდოს 1/2 ტაბ-ით დღეში. საერთო დღიური დოზა შეიძლება აღწევდეს 10-12 ტაბლეტს ავადმყოფის მდგომარეობის სიმძიმის მიხედვით.
პრეპარატი მიიღება მცირე რაოდენობის საკვებთან ერთად ან ჭამის შემდეგ.

გვერდითი მოვლენები
ცნს-ის მხრივ: დისკინეზია, კეროვანი დისტონია, ძილიანობა, სედაცია, ნერვული დაძაბულობა, თავბრუსხვევა, აგზნება, მოუსვენრობა, კრუნჩხვა, ღამის კოშმარები, უძილობა, ჰალუცინაციები, დეპრესია, პარანოიდალური მდგომარეობა, მომატებული ლიბიდო, ეიფორია, დემენცია.
საჭმლის მომნელებელი სისტემის მხრივ: ანორექსია, გულისრევა, ღებინება, ყაბზობა, კუჭ-ნაწლავის ტრაქტის ეროზიულ-წყლულოვანი დაზიანებები.
გულ-სისხლძართვთა სისტემის მხრივ: ორთოსტატიული ჰიპოტენზია, კოლაფსი, არითმია, ტაქიკარდია.
მხედველობის ორგანოების მხრივ: ბლეფაროსპაზმი, მიდრიაზი, დიპლოპია.
სისხლმბადი სისტემის მხრივ: ზომიერი ლეიკოპენია, თრომბოციტოპენია, ჰემოლიზური ანემია.
ლაბორატორიული მაჩვენებლების მხრივ: გლუტამატოქსალატტრანსამინაზას, გლუტამატპირუვატოქსალაზას, შარდოვანას აზოტის, ბილირუბინის, ცილასთან ბმული იოდის დონის ცვლილება, ასევე კუმბსის რეაქციის შედეგების ცვლილება.
გვერდითი მოვლენების გაქრობა შესაძლოა დოზის დროებითი შემცირებით მკურნალობის შეწყვეტის გარეშე. თუ ასეთი მოვლენები არ ქრება, მკურნალობას წყვეტენ თანდათანობით.

უკუჩვენება
დახურულკუთხოვანი გლაუკომა, მძიმე ფსიქოზი ან ნევროზი, მელანომა ან ეჭვი მასზე, უცნობი ეტიოლოგიის კანის დაავადებები, გენტინგტონის დაავადება, ესენციალური ტრემორი, ორსულობა, ლაქტაცია, 18 წლამდე ასაკი, მომატებული მგრძნობელობა პრეპარატის კომპონენტების მიმართ.

ორსულობა და ლაქტაცია
პრეპარატი არ გამოიყენება ორსულობისა და ლაქტაციის დროს.

განსაკუთრებული მითითებები
პრეპარატის მიღების უეცარი შეწყვეტისას შეიძლება განვითარდეს სიმპტომოკომპლექსი, რომელიც წააგავს ავთვისებიან ნეიროლეფსიურ სინდრომს. აუცილებელია პაციენტის ზედამხედველობა პრეპარატის დოზის უეცარი კლებისას ან მკურნალობის კურსის შეწყვეტის დროს.
რადგან შეწოვის დროს არსებობს კონკურენცია ლევოდოპასა და არომატულ ამინომჟავებს შორის, პრეპარატის გამოყენების პროცესში საჭიროა თავი ავარიდოთ ცილების ჭარბი რაოდენობით მიღებას.
პრეპარატის ხანგრძლივად გამოყენებისას საჭიროა ღვიძლის, თირკმლის, სისხლმბადი სისტემის, გულ-სისხლძარღვთა სისტემის ფუნქციის, ასევე პაციენტის ფსიქიკური სტატუსის პერიოდული კონტროლის განხორციელება.
პრეპარატის მიღებისას იკრძალება ისეთი სამუშაოს შესრულება, რომელიც მოითხოვს ყურადღების მომატებულ კონცენტრაციასა და სწრაფ ფსიქომოტორულ რეაქციას.
ანტიჰიპერტენზიულ პრეპარატებთან ერთდროული მიღებისას იზრდება ორთოსტატიკული ჰიპოტენზიის განვითარების რისკი;
მაოს ინჰიბიტორებთან ერთდროული გამოყენებისას შეიძლება განვითარდეს ჰიპერტონული კრიზი.
დიაზეპამთან, ფენიტოინთან, კლოფელინთან, თიოქსანტენის წარმოებულებთან, პაპავერინთან, რეზერპინთან, MM-ქოლინობლოკატორებთან ერთდროული მიღებისას შესაძლოა შემცირდეს პრეპარატის ანტიპარკინსონული მოქმედება.

შენახვის პირობები და ვადები
ინახება 20-25°С ტემპერატურაზე.

სად შევიძინოთ?